ព័ត៌មានអន្ដរជាតិ
ភាពខុសគ្នានៃវ៉ាក់សាំងកូវីដរបស់ក្រុមហ៊ុនធំៗចំនួនបី
ជាទូទៅវ៉ាក់សាំងនីមួយៗមានភាពខុសគ្នាលើរាងកាយរបស់មនុស្សម្នាក់ៗ។ ដូចគ្នានេះដែរ វ៉ាក់សាំង Moderna, Pfizer – BioNTech និង AstraZeneca – Oxford ក៏ត្រូវបានអនុម័តនៅលោកខាងលិចជាបណ្ដើរៗ។
ខាងក្រោមនេះជាជាភាពខុសគ្នានៃវ៉ាក់សាំងនីមួយៗដែលយើងគួរស្វែងយល់៖
១ AstraZeneca – Oxford
វ៉ាក់សាំង AstraZeneca – Oxford បានបង្ហាញប្រសិទ្ធភាពគួរឲ្យភ្ញាក់ផ្អើល នៅដំណាក់កាលដំបូងបន្ទាប់ពីចាក់រួច។ ជាធម្មតាត្រូវតម្រូវឲ្យចាក់២ដូស ចន្លោះ ៤ ទៅ ១២ សប្តាហ៏ និងសម្រាប់អ្នកមានអាយុ១៨ឡើងទៅ មានប្រសិទ្ធភាព ៦០ ភាគរយ។ ក៏ប៉ុន្តែអ្នកដែលមានអាយុ ៦៥ ឆ្នាំឡើង គឺមិនអាចចាក់បានទេ។
វ៉ាក់សាំងមួយនេះអាចប្រតិកម្មខ្លះៗដូចជា៖ ក្ដៅខ្លួនខ្លាំង ឈឺក្បាល នឿយហត់ ឈឺសាច់ដុំ គ្រុនញាក់ ឈឺសន្លាក់ ឬក្អួតចង្អោរជាដើម។ ចំណែកតម្លៃក្នុងមួយដូសចំពោះប្រជាជាតិនានាអាចប្រែប្រួលខ្លះៗ តែជាធម្មតាគឺ ៤ ដុល្លារ (៣ ផោន)។
ចាក់លើកទី១ការពារបាន១៥ថ្ងៃ លើកទី២ការពារបាន២២ថ្ងៃ។ រក្សាទុកបាន ៦ ខែក្នុងកន្លែងត្រជាក់ខ្លាំង។ ប្រសិនបើស្ត្រីមានផ្ទៃពោះគួរពិភាក្សាជាមួយវេជ្ជបណ្ឌិតជាមុនសិន។
២ Pfizer – BioNTech
វាក់សាំង Pfizer – BioNTech ក៏មិនខុសគ្នាប៉ុន្មានដែរ វាតម្រូវឲ្យចាក់២ដូស ចន្លោះ២១ថ្ងៃ សម្រាប់បុគ្គលដែលមានអាយុ១៦ឆ្នាំឡើង។ ប៉ុន្តែអាចមានប្រតិកម្មអាឡ័កស៊ីបន្ទាប់ពីចាក់លើកទី ១ ចំណែកផលប៉ះពាល់ទូទៅមាន ឈឺចាប់ខ្លះៗលើរាងកាយ ហើម ចេញស្នាមក្រហម ឬគ្រុនញាក់ ឈឺក្បាល និងនឿយហត់ ។
មានប្រសិទ្ធភាព ៩៥ ភាគរយ តម្លៃ ២០ ដុល្លា (១៥ផោន)។ ចាក់លើកទី១ការពារបាន១២ថ្ងៃ ចាក់លើកទី២ការពារបាន៧ថ្ងៃ។ រក្សាទុកបាន៦ ខែ នៅក្នុងទូរទឹកកកដែលត្រជាក់ ៥ ថ្ងៃក្នុងទូទឹកកកធម្មតា ២ម៉ោងនៅបន្ទប់ធម្មតា។ អ្នកមានផ្ទៃពោះអាចពិភាក្សាជាមួយវេជ្ជបណ្ឌិតជាមុនសិន។
៣ Moderna
ចាក់២ដូសក្នុងចន្លោះ២៨ថ្ងៃ សម្រាប់អ្នកអាយុ១៨ឡើង។ អាចមានប្រតិកម្មអាឡ័កស៊ីខ្លះៗ បន្ទាប់ពីចាកលើកទី ១ ។ ផលប៉ះពាល់ទូទៅដូចជា៖ ឈឺចាប់ ហើម ចេញស្នាមក្រហម ញ័រញាក់ ឈឺក្បាល នឿយហត់តិចតួច មានប្រសិទ្ធភាព៩៤ភាគរយ តម្លៃពី១៥ទៅ២៥ដុល្លាក្នុងមួយដូស (១០ទៅ១៨ផោន)។ ទាំងចាក់លើកទី១និងទី២ការពារបាន១៤ថ្ងៃដូចគ្នា។ រក្សាទុកបាន៧ ខែ នៅក្នុងទូទឹកកកត្រជាក់ខ្លាំង ៣០ ថ្ងៃក្នុងទូរទឹកកកធម្មតា ១២ ម៉ោង នៅបន្ទប់ធម្មតា។ ស្ត្រីមានផ្ទៃពោះ គួរពិភាក្សាជាមួយវេជ្ជបណ្ឌិត ដូចវ៉ាក់សាំងខាងលើដែរ៕
ប្រែសម្រួល៖ សាង ស្រីល័ក្ខ
ប្រភព៖businessinsider
ចុចអាន៖អ្នកមានជំងឺទឹកនោមផ្អែមប្រចាំកាយ គួរយល់ដឹងពីហានិភ័យនៃជំងឺកូវីដ ១៩ ជាប្រញាប់
-
ព័ត៌មានជាតិ១ សប្តាហ៍ ago
ផ្លូវកាត់ថ្មីតភ្ជាប់ពីខេត្តបាត់ដំបង មកសមុទ្រខេត្តកោះកុងសម្រេចបានជាង ៨០%
-
ព័ត៌មានជាតិ៧ ម៉ោង ago
កម្ពុជា អាចនឹងមានភ្លៀងធ្លាក់លាយឡំជាមួយខ្យល់កន្ត្រាក់ចាប់ពីថ្ងៃទី១៨ ដល់២០មេសា
-
ចរាចរណ៍១៩ ម៉ោង ago
បើករថយន្តវ៉ាជែងក្នុងស្ថានភាពគ្រោះថ្នាក់ ក្រឡាប់របួសធ្ងន់ស្រាលជាង១០នាក់
-
សន្តិសុខសង្គម១ សប្តាហ៍ ago
ព័ត៌មានបឋម៖ ស្វាមីម្ចាស់ប្រេន Lakamo ត្រូវក្រុមចោរចូលចាប់ជម្រិត និងបាញ់សម្លាប់ដល់ក្នុងផ្ទះ
-
ព័ត៌មានជាតិ២២ ម៉ោង ago
តួលេខផ្លូវការ ទេសចរដើរលេងចូលឆ្នាំមានជាង ២១ លាននាក់ និងខេត្តចំនួន ៥ ឈានមុខគេ
-
ជីវិតកម្សាន្ដ១ សប្តាហ៍ ago
ក្រោយផ្ទុះការរិះគន់មិនឲ្យតម្លៃក្រុម Hashtag band ថ្ងៃសង្ក្រាន្ត គណៈគ្រប់គ្រងសាលាចេញសេចក្ដីបំភ្លឺ
-
ព័ត៌មានជាតិ១ សប្តាហ៍ ago
ជនរងគ្រោះស្នាក់នៅមជ្ឈមណ្ឌលឱកាសខ្ញុំ ទទួលបានភាពសប្បាយរីករាយក្នុងពិធីសង្រ្កាន្តឆ្នាំថ្មី
-
ព័ត៌មានអន្ដរជាតិ៦ ថ្ងៃ ago
ទ័ពជើងទឹកបារាំង រៀបជើងព្រួល ត្រៀមធ្វើសង្គ្រាម