ព័ត៌មានអន្ដរជាតិ
អាមេរិក បញ្ជូនវត្ថុបុរាណ៣០ដុំ ដែលត្រូវគេលួចខុសច្បាប់ មកឲ្យកម្ពុជា និងឥណ្ឌូណេស៊ី
រដ្ឋអាជ្ញាទីក្រុងញ៉ូវយ៉ក បានប្រកាសកាលពីថ្ងៃទី២៦ ខែមេសា ថា ពួកគេបានបញ្ជូនវត្ថុបុរាណចំនួន៣០ដុំឲ្យទៅកម្ពុជា និងឥណ្ឌូណេស៊ី ក្រោយពីវត្ថុបុរាណទាំងនោះត្រូវបានរឹបអូសវិញពីក្រុមឈ្មួញជួញដូរខុសច្បាប់នៅអាមេរិក។
លោក Alvin Bragg រដ្ឋអាជ្ញាប្រចាំតំបន់ Manhattan បាននិយាយថា វត្ថុបុរាណទាំងនោះ មានតម្លៃសរុបប្រហែល ៣លានដុល្លារ ហើយក្នុងនោះបញ្ជូនមករាជធានីភ្នំពេញចំនួន ២៧ដុំ ឯឥណ្ឌូណេស៊ីវិញមានចំនួន ៣ដុំ។ លោកបន្តថា ការបញ្ជូនត្រឡប់វត្ថុបុរាណនេះ ធ្វើឡើងបន្ទាប់ពីការចាប់ខ្លួនបានឈ្មួញជួញដូរខុសច្បាប់២រូបគឺលោក Subhash Kapoor សញ្ជាតិឥណ្ឌាកាត់អាមេរិក និងអ្នកស្រី Nancy Wiener សញ្ជាតិអាមេរិក។
នៅក្នុងអាណត្តិរបស់លោក Bragg មានការរឹបអូសវត្ថុបុរាណមកវិញបានចំនួនជិត ១ ២០០ដុំ ដែលលួចនិងជួញដូរខុសច្បាប់ពីប្រទេសចំនួន ២៥ នៅជុំវិញពិភពលោក។ តម្លៃសរុបនៃវត្ថុបុរាណទាំងអស់នោះ មានច្រើនជាង ២៥០លានដុល្លារ។
សូមបញ្ជាក់ថា បើយោងតាមការប្រកាសរបស់ក្រសួងវប្បធម៌ និងវិចិត្រសិល្បៈនៅកម្ពុជា បានឲ្យដឹងថា វត្ថុបុរាណទាំង២៧ដុំ ដែលអាមេរិកឲ្យមក មានដូចជា រូបបដិមាព្រះពុទ្ធ បដិមាហិណ្ឌូសម័យអង្គរ បដិមាសំរិទ្ធព្រះពុទ្ធអង្គសមាធិលើនាគ រូបសំណាកព្រះសិវៈ និងចម្លាក់ថ្មភក់ព្រះពុទ្ធបដិមា ជាដើម៕
ដោយ៖ ឈាង
-
ព័ត៌មានជាតិ១ សប្តាហ៍ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៤ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៥ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៥ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ៣ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
សន្តិសុខសង្គម៣ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៧ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
ព័ត៌មានជាតិ១១ ម៉ោង agoអាជ្ញាធរទាត់ចោលព័ត៌មានដែលផ្សាយថា ថៃបានឈ្លានពានចូលទឹកដីខ្មែរនៅខេត្តប៉ៃលិន