ព័ត៌មានអន្ដរជាតិ
ប្រទេសមួយនៅ អឺរ៉ុប រងការគំរាមវាយប្រហារបំផ្ទុះគ្រាប់បែក
ប៉ូលិសនៅប្រទេសស្លូវ៉ាគីកាលពីថ្ងៃអង្គារកំពុងព្យាយាមស្វែងរកអ្នកដែលបញ្ជូនសារគម្រាមបំផ្ទុះគ្រាប់បែកជាង ១,០០០ ដងទៅកាន់សាលារៀន និងស្ថាប័នផ្សេងទៀត ។ នេះបើយោងតាមការចេញផ្សាយរបស់សារព័ត៌មាន BBC កាលពីថ្ងៃទី៧ ខែឧសភាកន្លងទៅ ។
សារគំរាមកំហែងពីការបំផ្ទុះក្នុងចំនួនដ៏ច្រើនសន្ធឹកសន្ធាប់នេះបានសរសេរជាភាសាស្លូវ៉ាគី ហើយបានចេញផ្ញើចេញពីអាសយដ្ឋានអ៊ីមែលរបស់រុស្ស៊ី ដោយគំរាមថា មានគ្រាប់បែកកំពុងត្រូវបានរក្សាទុកនៅក្នុងសាលារៀនរាប់រយកន្លែងនៅទូទាំងប្រទេស ។
ទន្ទឹមនោះ ការជូនដំណឹងបានជំរុញឲ្យមានការជម្លៀសមនុស្សជាច្រើន ថ្នាក់រៀនត្រូវបានផ្អាក ដើម្បីឲ្យក្រុមជំនាញធ្វើការស៊ើបអង្កេតពាក់ព័ន្ធនឹងការជូនដំណឹងនេះ ខណៈប៉ូលិសជាតិរបស់ប្រទេសស្លូវ៉ាគីបានប្រកាសនៅលើប្រព័ន្ធផ្សព្វផ្សាយសង្គមថា ក្រៅពីទីតាំងសាលារៀន យ៉ាងហោចណាស់ធនាគារចំនួន ១១០ និងហាងលក់ឧបករណ៍អគ្គិសនីចំនួន ៤០ ក៏បានទទួលការគំរាមកំហែងបំផ្ទុះផងដែរ ។
ប៉ូលិសនិយាយថា ពួកគេកំពុងធ្វើការយ៉ាងយកចិត្តទុកដាក់ ដោយសហការជាមួយទីភ្នាក់ងារសន្តិសុខជាតិដើម្បីកំណត់អត្តសញ្ញាណអ្នកដែលនៅពីក្រោយការគំរាមកំហែង និងបានចាត់ទុកការគំរាមកំហែងនេះថាជាឧក្រិដ្ឋកម្មធ្ងន់ធ្ងរ ហើយបើចាប់បាន ជនល្មើសប្រឈមនឹងការជាប់ពន្ធនាគារអស់មួយជីវិត ។
គួរបញ្ជាក់ថា ឧបទ្ទវហេតុនេះកើតឡើង នៅពេលដែលមានភាពតានតឹងកាន់តែខ្លាំងជុំវិញសង្គ្រាមនៅប្រទេសជិតខាងអ៊ុយក្រែន ។ កាលពីខែមេសា មេដឹកនាំជាតិនិយមដែលទើបជាប់ឆ្នោតថ្មីរបស់ប្រទេសស្លូវ៉ាគី លោក Robert Fico បានសន្យាថា នឹងមិនបញ្ជូនគ្រាប់រំសេវទៅអ៊ុយក្រែនដែលកំពុងខ្វះខាតនោះទេ ៕
អត្ថបទ៖ ប៊ុន សុភាព
-
ព័ត៌មានជាតិ៦ ថ្ងៃ ago
ស្ថានភាពធាតុអាកាសនៅកម្ពុជា ចាប់ថ្ងៃទី២ ដល់ថ្ងៃទី៤ ខែឧសភា ឆ្នាំ២០២៤
-
ព័ត៌មានជាតិ១ សប្តាហ៍ ago
ក្នុងករណីក្ដៅខ្លាំងលើស៤០អង្សារ សម្ដេចធិបតី ណែនាំឱ្យគណៈគ្រប់គ្រងសាលាផ្អាកការសិក្សាបន្ទាន់
-
សេដ្ឋកិច្ច២ ថ្ងៃ ago
ធនាគារ SinoPac ទិញយកគ្រឹះស្ថានមីក្រូហិរញ្ញវត្ថុអម្រឹតក្នុងទឹកប្រាក់ជាង៥០០លានដុល្លារ
-
ជីវិតកម្សាន្ដ៣ ថ្ងៃ ago
ក្រោយលែងលះ តារាហុងកុង Roger សល់ទ្រព្យ ១១ លានដុល្លារ ខណៈអតីតភរិយាចុះចេញតែខ្លួន
-
ព័ត៌មានជាតិ៦ ថ្ងៃ ago
ប្រភពមន្រ្តីព្រលាន៖ មានភ្ញៀវជិះពេញ សម្ពោធជើងហោះហើររបស់ Air Asia Cambodia ទៅសៀមរាប
-
ព័ត៌មានជាតិ៦ ថ្ងៃ ago
សម្ដេចតេជោ ចោទសួរទៅកាន់វិទ្យុមួយថា តើល្ងង់មែនទេ ដែលវាយប្រហារភរិយាសម្ដេចធិបតី?
-
ព័ត៌មានអន្ដរជាតិ១ សប្តាហ៍ ago
ផ្ទុះរោងចក្រឈើនៅវៀតណាម ផ្តាច់ជីវិតមនុស្ស ៦នាក់
-
ព័ត៌មានអន្ដរជាតិ១ សប្តាហ៍ ago
ក្រុមហ៊ុន AstraZeneca ដាច់ចិត្តទម្លាយថា វ៉ាក់សាំងកូវីដរបស់ខ្លួន ពិតជាអាចបណ្តាលឲ្យមនុស្សស្លាប់មែន