Connect with us

ព័ត៌មានអន្ដរជាតិ

អាល្លឺម៉ង់ នឹងជួយការពារទឹកដីណាតូមិនឲ្យបាត់សូម្បីប៉ុនសរសៃសក់

បានផុស

នៅ

អធិការបតីអាល្លឺម៉ង់លោក Olaf Scholz បានចេញការព្រមានទៅដល់រុស្ស៊ីប្រឆាំងនឹងសកម្មភាពណាមួយឆ្ពោះទៅកាន់រដ្ឋបាល់ទិក ជាពិសេសមេដឹកនាំវ័យ ៦៦ ឆ្នាំរូបនេះថែមទាំងសង្កត់ធ្ងន់ទៀតថា អង្គការណាតូដាក់ចិត្តដាក់កាយការពារទឹកដីសម្ព័ន្ធមិត្តទាំងអស់មិនឲ្យបាត់សូម្បីប៉ុនសរសៃសក់ ។ នេះបើយោងតាមការចេញផ្សាយដោយសារព័ត៌មាន DW កាលពីថ្ងៃទី៨ ខែឧសភាកន្លងទៅ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងក្នុងសន្និសីទសារព័ត៌មានរួមគ្នាជាមួយលោកប្រធានាធិបតីហ្វាំងឡង់ Alexander Stubb កាលពីថ្ងៃពុធ, លោកអធិការបតីបានលើកឡើងថា “យើងនឹងការពារទឹកដីសម្ព័ន្ធអង្គការណាតូមិនឲ្យបាត់បង់សូម្បីមួយសង់ទីម៉ែត្រក្រឡា ហើយរឿងនេះខ្ញុំបានបញ្ជាក់យ៉ាងច្បាស់ម្ដងជាពីរម្ដងទៅហើយ ក្នុងអំឡុងពេលដំណើរទស្សនកិច្ចរបស់ខ្ញុំទៅកាន់រដ្ឋបាល់ទិកកាលពីប៉ុន្មានថ្ងៃមុន ប៉ុន្តែនៅពេលនេះខ្ញុំចង់បញ្ជាក់ឲ្យកាន់តែច្បាស់បន្ថែមទៀត កុំឲ្យនៅមានការសង្ស័យ” ។

លោក Olaf Scholz បញ្ជាក់ទៀតថា លោកនៅតែបន្តលើកឡើងពីរឿងនេះទៀតក្នុងកិច្ចប្រជុំដែលពាក់ព័ន្ធនឹងការពិភាក្សាអំពីការងារអភិវឌ្ឍន៍មធ្យោបាយដើម្បីបង្កើនកិច្ចគាំទ្រផ្នែកយោធាសម្រាប់ប្រទេសអ៊ុយក្រែន និងនៅក្នុងកិច្ចប្រជុំកំពូលរបស់អង្កការណាតូនាពេលខាងមុខនៅក្នុងទីក្រុងវ៉ាស៊ីនតោន ខណៈតាមព័ត៌មានល្ហិចល្ហៀងមក សម្ព័ន្ធមិត្តនឹងពិភាក្សាអំពីផែនការថ្មីដើម្បីបង្អាក់ដំណើររបស់រុស្ស៊ី ។

មេដឹកនាំអាល្លឺម៉ង់រូបនេះសង្កត់ធ្ងន់ថា “យើងចង់ពង្រឹងបន្ថែមទៀតនូវទឹកដីផ្នែកខាងកើតនៃអង្គការណាតូ ហើយអាល្លឺម៉ង់ក៏ចង់ពង្រឹងសសរស្តម្ភអឺរ៉ុបនៅក្នុងសម្ព័ន្ធភាពអង្គការណាតូផងដែរ បន្ទាប់ពីបានចែករំលែកទស្សនៈស្រដៀងគ្នាជាមួយហ្វាំងឡង់លើបញ្ហាទាំងអស់នេះ ។ ខ្ញុំត្រេកអរ​ណាស់​ដែល​ហ្វាំងឡង់​បាន​ចូល​ជា​សមាជិក​អង្គការ​ណាតូ​តាំង​ពី​ឆ្នាំ​មុនមក ហើយការចូលរួមជាមួយសម្ព័ន្ធភាពយោធាមួយនេះ នឹងជួយពង្រឹងហ្វាំងឡង់ រួមទាំងតំបន់ Scandinavia ដែលមានន័រវែស ដាណឺម៉ាក និងស៊ុយអែត ជាពិសេសនឹងពង្រឹងសន្តិសុខរួមរបស់អឺរ៉ុបតែម្ដង ។

ពាក់ព័ន្ធនឹងបញ្ហានេះដែរ អ្នកនាំពាក្យវិមានក្រឹមឡាំង លោក Dmitry Peskov បានវាយបកទៅវិញថា “សកម្មភាពទាំងនេះមានតែនាំភ្លើងបន្ថែមទៀតប៉ុណ្ណោះ ជាពិសេសវានឹងបង្កើតតំបន់ក្ដៅ ក៏ដូចជាគំរាមកំហែងដល់តំបន់ព្រំដែនរបស់យើងផងដែរ ដូច្នេះចង់ ឬមិនចង់ វាតម្រូវឲ្យយើងចាត់វិធានការពិសេសដើម្បីធានាដល់សន្តិសុខរបស់យើងដូចគ្នា” ។

គួរបញ្ជាក់ថា ការសង្គ្រឺតធ្មេញដាក់គ្នារវាងរុស្ស៊ីជាមួយប្លុកយោធានៅអឺរ៉ុបខាងកើត និងតំបន់បាល់ទិកដែលមានអាមេរិកជាបងធំនៅពីក្រោយខ្នង ផ្ទុះមានឡើង បន្ទាប់ពីការពង្រីកខ្លួនរបស់ណាតូចូលទៅក្នុងទឹកដីនៃប្រទេសអ៊ុយក្រែន ជាពិសេសប្រទេសអឺរ៉ុបដូចជា អាល្លឺម៉ង់ជាដើមបានដាក់ពង្រាយទ័ពទៅប្រទេសលីទុយអានី និងប៉ូឡូញដែលសុទ្ធសឹងតែជាប្រទេសនៅកៀកៗរុស្ស៊ី ៕

ដោយ ៖ សុខ ជីវ័ន្ត

ចុចអាន ៖ រុស្ស៊ី ព្រមាននឹងមិនឲ្យទ័ព បារាំង ដេកលក់ស្រួលឡើយ បើលោក Macron ហ៊ានដឹកទៅ អ៊ុយក្រែន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម៥៤ នាទី មុន

គ្រឿងញៀន១៤៥គីឡូក្រាមត្រូវបានបង្ក្រាប និងឃាត់ខ្លួនឧក្រិដ្ឋជន៥នាក់

ព័ត៌មានជាតិ១ ម៉ោង មុន

ក្រសួងព័ត៌មាន និងក្រសួងទេសចរណ៍ ចាប់ដៃគ្នា ដើម្បីផ្សាយពីវិស័យទេសចរណ៍កម្ពុជាឱ្យសម្បូរបែបជាងមុន

ព័ត៌មានជាតិ២ ម៉ោង មុន

ប័ណ្ណ​សម្គាល់​ជលយាន​ចំនួន​៩៨​ប័ណ្ណ ត្រូវ​បាន​ប្រគល់​ជូន​ព​ល​រដ្ឋ​ស្រុក​កោះកុង

ព័ត៌មានអន្ដរជាតិ២ ម៉ោង មុន

​ភាព​តាន​តឹង​លើ​បញ្ហា​ដំឡើង​ពន្ធ​របស់​អឺរ៉ុប​ បង្ក​កង្វល់​​​នៃ​ «សង្រ្គាម​ពាណិជ្ជកម្ម​អឺរ៉ុប​-ចិន​»

ព័ត៌មានជាតិ៣ ម៉ោង មុន

ន.ប.ប.ប បំភ្លឺថា  ឃើញស្ងាត់ៗមិនមែនមិនធ្វើការទេ ហេតុដែលស្ងាត់ៗពេលស៊ើបការ ព្រោះខ្លាចបាត់តម្រុយជនល្មើស

ព័ត៌មានជាតិ៧ ម៉ោង មុន

ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក

ព័ត៌មានជាតិ៥ ម៉ោង មុន

ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ

ព័ត៌មានជាតិ៨ ម៉ោង មុន

រាជ​ដំណាក់​ព្រះមហាក្សត្រ​ខ្មែរ ​លើ​កំពូលភ្នំ​បូកគោ រង់ចាំអនុញ្ញាតពីព្រះបរមរាជវាំង ​ជួសជុលតាម​គំរូ​ដើម​ឡើង​វិញ

ព័ត៌មានអន្ដរជាតិ១០ ម៉ោង មុន

រលក​កម្ដៅ​៥២​អង្សា ប្រល័យ​ជីវិត​អ្នក​ចូលរួម​ធម្មយាត្រា Hajj ជាង​១០០០​នាក់​ហើយ

ព័ត៌មានជាតិ៦ ម៉ោង មុន

ដំណាំកសិកម្មជាង ១ ម៉ឺនហិកតា កំពុងរងការវាយប្រហារពីសត្វដង្កូវហ្វូង

Sokha Hotels

ព័ត៌មានពេញនិយម