Connect with us

ព័ត៌មានអន្ដរជាតិ

អ៊ីរ៉ង់ បញ្ចេញរបាយការណ៍ស៊ើបអង្កេតសោកនាដកម្មធ្លាក់ឧទ្ធម្ភាគចក្រ ស្លាប់ប្រធានាធិបតី

បានផុស

នៅ

អគ្គសេនាធិការនៃកងកម្លាំងប្រដាប់អាវុធអ៊ីរ៉ង់លោក Mohammad Bagheri កាលពីថ្ងៃព្រហស្បតិ៍បានបញ្ចេញរបាយការណ៍ស៊ើបអង្កេតដំបូងពាក់ព័ន្ធទៅនឹងមូលហេតុនៃសោកនាដកម្មធ្លាក់ឧទ្ធម្ភាគចក្រដែលបណ្តាលឲ្យស្លាប់លោកប្រធានាធិបតីអ៊ីរ៉ង់ Ebrahim Raisi រួមជាមួយរដ្ឋមន្ត្រីការបរទេស និងមន្ត្រីអ្នកមុខអ្នកការសរុបទាំងអស់ចំនួន ៩ នាក់ ។ នេះបើយោងតាមការចេញផ្សាយដោយទីភ្នាក់ងារព័ត៌មាន Xinhua កាលពីថ្ងៃទី២៣ ខែឧសភាកន្លងទៅ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់ពីហេតុការណ៍ដ៏សោកសង្រេងនេះហើយ គណៈកម្មាធិការស៊ើបអង្កេតជាន់ខ្ពស់ដែលប្រមូលផ្ដុំទៅដោយអ្នកជំនាញការ អ្នកឯកទេស និងអ្នកបច្ចេកទេសបានហោះទៅដល់កន្លែងកើតហេតុ ហើយបានប្រាប់ទីភ្នាក់ងារសារព័ត៌មាន Tasnim ថា ឧទ្ធម្ភាគចក្របានបន្តដំណើរតាមផ្លូវជាធម្មតា ហើយក៏មិនមានសញ្ញាបង្ហាញថា ឧទ្ធម្ភាគចក្របានហោះងាកចេញពីផ្លូវហោះហើរនោះដែរ ។

របាយការណ៍ដដែលបានបញ្ជាក់ទៀតថា ១ នាទីកន្លះមុនពេលកើតហេតុ ពីឡុតបើកឧទ្ធម្ភាគចក្រដឹកលោក Raisi រួមជាមួយរដ្ឋមន្ត្រីការបរទេស និងមន្ត្រីអ្នកមុខអ្នកការសរុបទាំងអស់ចំនួន ៩ នាក់ក៏បានទាក់ទងទៅកាន់ឧទ្ធម្ភាគចក្រ ២ គ្រឿងផ្សេងទៀតដែលហោះអមឧទ្ធម្ភាគចក្ររបស់លោកប្រធានាធិបតីផងដែរ ប៉ុន្តែមិនមានការឆ្លើយតបណាមួយឡើយ ហើយក្រោយមកឧទ្ធម្ភាគចក្រក៏បានហោះបុកភ្នំ និងធ្លាក់ផ្ទុះឆេះតែម្ដង ។

ទន្ទឹមនោះ លោក Bagheri ក៏បានបញ្ជាក់ផងដែរពាក់ព័ន្ធនឹងសាធារណមតិដែលលើកឡើងថា ការធ្លាក់ឧទ្ធម្ភាគចក្រស្លាប់លោកប្រធានាធិបតី Raisi គឺជាករណីធ្វើឃាត ។ អគ្គសេនាធិការនៃកងកម្លាំងប្រដាប់អាវុធអ៊ីរ៉ង់រូបនេះបានឲ្យដឹងថា លោកមិនទាន់សន្និដ្ឋានចំពោះមតិយោបល់ទាំងនេះនោះទេ ប៉ុន្តែយោងតាមលទ្ធផលបឋមនៃការស៊ើបអង្កេត គឺមិនបានរកឃើញស្លាកស្នាមគ្រាប់កាំភ្លើងបៀមជាប់ឧទ្ធម្ភាគចក្រ ឬការខូចខាតដែលបណ្ដាលមកពីគ្រាប់កាំភ្លើងនៅលើឧទ្ធម្ភាគចក្រដែលដឹកលោកប្រធានាធិបតីនោះឡើយ ។

រហូតមកដល់ពេលនេះ សពរបស់លោកប្រធានាធិបតី Raisi ក៏ត្រូវបានបញ្ចុះរួចរាល់អស់ហើយផងដែរក្នុងទីសក្ការបូជា Shia Imam Reza ទី ៨ នៅទីក្រុង Mashhad ដែលជាស្រុកកំណើតរបស់លោកស្ថិតនៅភាគឦសានប្រទេស ខណៈមានអ្នកចូលរួមប្រមាណ ៣ លាននាក់ឯណោះ រួមទាំងមន្ត្រីអ្នកមុខអ្នកការមកពី ៦៨ ប្រទេស ។

គួរបញ្ជាក់ថា ប្រធានាធិបតីអ៊ីរ៉ង់លោក Ebrahim Raisi និងមន្ត្រីអ្នកមុខអ្នកការផ្សេងទៀតបានទទួលមរណភាពក្នុងហេតុការណ៍ធ្លាក់ឧទ្ធម្ភាគចក្រចូលជ្រលងភ្នំនៃខេត្ត​ East Azerbaijan ខណៈធ្វើដំណើ​រឆ្ពោះទៅកាន់ទីក្រុង Tabriz ក្រោយបញ្ចប់ពិធីសម្ពោធទំនប់វារីអគ្គិសនីមួយនៅព្រំដែនកាលពីថ្ងៃទី១៩ ខែឧសភា ហើយបើតាមការបញ្ជាក់ពីប្រព័ន្ធផ្សព្វផ្សាយរដ្ឋ គ្រោះអកុសលនេះគឺបណ្តាលមកពីឧទ្ធម្ភាគចក្រធ្វើដំណើរឆ្លងកាត់ផ្ទៃមេឃដែលចុះអ័ព្ទក្រាស់ ៕

ដោយ ៖ សុខ ជីវ័ន្ត

ចុចអាន ៖ អ៊ីរ៉ង់ ចង្អុលចំប្រទេសដែលនាំឲ្យកើតមានសោកនាដកម្មធ្លាក់ឧទ្ធម្ភាគចក្រ ស្លាប់ប្រធានាធិបតី

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥ ម៉ោង មុន

ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក

ព័ត៌មានជាតិ៣ ម៉ោង មុន

ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ

ព័ត៌មានជាតិ៦ ម៉ោង មុន

រាជ​ដំណាក់​ព្រះមហាក្សត្រ​ខ្មែរ ​លើ​កំពូលភ្នំ​បូកគោ រង់ចាំអនុញ្ញាតពីព្រះបរមរាជវាំង ​ជួសជុលតាម​គំរូ​ដើម​ឡើង​វិញ

ព័ត៌មានជាតិ៤ ម៉ោង មុន

ដំណាំកសិកម្មជាង ១ ម៉ឺនហិកតា កំពុងរងការវាយប្រហារពីសត្វដង្កូវហ្វូង

សេចក្ដីជូនដំណឹង៨ ម៉ោង មុន

តើអ្នកយល់យ៉ាងណាចំពោះក្រុមហ៊ុនផាសអ៊ែប (PassApp) បានធ្វើរឿងមួយនេះ???

Sokha Hotels

ព័ត៌មានពេញនិយម