អាមេរិកបង្ហាញ ចំនួនសកម្មប្រយុទ្ធដែលស្លាប់ និងប្រភេទគ្រាប់បែកក្នុងការវាយប្រហារនៅ ស៊ីរី ម្សិលមិញ

សហរដ្ឋអាមេរិកកាលពីថ្ងៃព្រហស្បតិ៍ (ថ្ងៃសុក្រនៅកម្ពុជា) បានបើកការវាយប្រហារអាកាសមួយ នៅក្នុងប្រទេសស៊ីរីដោយបានសម្លាប់យុទ្ធជនដែលគាំទ្រដោយអ៊ីរ៉ង់ចំនួន ២២នាក់។ 

នោះជាការឆ្លើយតបជាក់ស្តែង ចំពោះការវាយប្រហារដោយគ្រាប់រ៉ុកកែតប្រឆាំងនឹងគោលដៅអាមេរិកនៅប្រទេសអ៊ីរ៉ាក់ ដែលបណ្តាលឲ្យទាហានអាមេរិករងរបួសនិងសម្លាប់អ្នកម៉ៅការម្នាក់។

សហរដ្ឋអាមេរិកបានទម្លាក់គ្រាប់បែក JDAM ទម្ងន់២២៦គីឡូក្រាមលើគោលដៅចំនួន៧នៅច្រកព្រំដែន ដែលប្រើដោយក្រុមជីវពលដើម្បីដឹកអាវុធឆ្លងដែន។ អាជ្ញាធរបាននិយាយថា ការវាយប្រហារតាមអាកាស បានផ្តោតលើរចនាសម្ព័ន្ធដែលជាកម្មសិទ្ធិរបស់កងជីវពល គាំទ្រដោយអ៊ីរ៉ង់ពីរក្រុមនៅក្នុងទីក្រុង Al Bukamal។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការវាយប្រហារតាមអាកាសនេះ គឺជាសកម្មភាពយោធាដំបូងបង្អស់ដែលធ្វើឡើងដោយរដ្ឋបាលលោក Biden បន្ទាប់ពីមានភាពតានតឹងម្តងហើយម្តងទៀតរវាងអ៊ីរ៉ង់និងសេតវិមានរបស់លោក Trump ក្នុងរយៈពេល៤ឆ្នាំចុងក្រោយ ដែលឈានដល់កម្រិតកំពូលបន្ទាប់ពីការសម្លាប់លោក Qassem Soleimani នៅដើមឆ្នាំ២០២០។

មន្ត្រីដែលនិយាយក្នុងលក្ខខណ្ឌអនាមិកបានឲ្យដឹងថា ការវាយប្រហារនេះ ត្រូវបានអនុម័តដោយលោកប្រធានាធិបតី Joe Biden។

ក្នុងការប្រកាសអំពីការវាយប្រហារ លោក John Kirby អ្នកនាំពាក្យមន្ទីរបញ្ចកោណបាននិយាយថា ការឆ្លើយតបផ្នែកយោធាសមាមាត្រនេះ ត្រូវបានធ្វើឡើងរួមគ្នាជាមួយនឹងវិធានការការទូត រួមទាំងការពិគ្រោះយោបល់ជាមួយដៃគូចម្រុះផងដែរ៕

លោកនិយាយថា “ប្រតិបត្ដិការនេះជាការផ្ញើសារថា លោកប្រធានាធិបតី Biden នឹងធ្វើសកម្មភាពដើម្បីការពារយោធាអាមេរិកនិងបុគ្គលិកក្រុមចម្រុះ។ ក្នុងពេលជាមួយគ្នានេះ យើងបានប្រព្រឹត្ដដោយចេតនាជាមួយគោលបំណងកាត់បន្ថយស្ថានភាពទូទៅ នៅភាគខាងកើតប្រទេសស៊ីរីនិងអ៊ីរ៉ាក់”៕

ប្រែសម្រួលដោយ៖ Vann Vann

ប្រភព៖ Daily Mail

ចុចអាន៖ អាមេរិក៖ រាជទាយាទអារ៉ាប៊ីសាអូឌីត ជាអ្នកអនុញ្ញាតឲ្យសម្លាប់អ្នកកាសែត Khashoggi

ចុចអាន៖ អាមេរិកបញ្ជាឲ្យកូរ៉េខាងជើងបង់សំណង ២.៣ ពាន់លានដុល្លារលើការចាប់នាវាស៊ើបការណ៍នៅឆ្នាំ ១៩៦៨