ព័ត៌មានអន្ដរជាតិ
រឿងស្មានមិនដល់! ជាប់ជយលាភីតាំងពីអាយុ១៦ឆ្នាំ ដល់អាយុ៧៩ឆ្នាំទើបទទួលបានលិខិតបញ្ជាក់
លោក Tom Ammiano ដែលជាមេដឹកនាំភេទទី៣ដ៏ល្បីម្នាក់នៅសាន់ ហ្វ្រាន់សិស្កូ សហរដ្ដឋអាមេរិក ជឿថា ចរឹតលក្ខណៈដូចស្រីរបស់លោកបានបណ្តាលឲ្យសាលា New Jersey ដែលលោករៀនមិនផ្តល់លិខិតបញ្ជាក់ជយលាភីរបស់លោក។
លោកជាសិស្សដែលមានរាងស្គម មានជំងឺហឹត សំឡេងខុសប្លែក និងមានអត្តចរឹកដូចស្ត្រី។ លោកបានរក្សានៅឆ្ងាយពីក្រុមកីឡាករបាល់ទាត់ដែលឧហ្សាហ៍ធ្វើបាបលោក ប៉ុន្តែនៅពេលសាលាកាតូលិកនៅ New Jersey បានបង្កើតក្រុមរត់ប្រណាំងមួយ លោកក៏បានសម្រេចចូលរួម។
លោក Ammiano ដែលបានធំឡើងក្លាយជាអ្នកដឹកនាំបុរសស្រឡាញ់ដូចគ្នាដ៏លេចធ្លោ និងល្បីល្បាញម្នាក់នៅក្នុងប្រទេស ជាតារាកំប្លែងភេទទី៣ និងជាមន្ត្រីដែលបានជាប់ឆ្នោតដ៏លេចធ្លោម្នាក់នៅកាលីហ្វញ៉ា បានស្វែងយល់ឃើញថា លោកចូលចិត្តរត់ចម្ងាយឆ្ងាយ។ លោកបានជួយក្រុមរបស់លោកបានឈ្នះការប្រកួត និងនៅឆ្នាំ១៩៥៨ លោកបានឈ្នះក្នុងការរត់វគ្គផ្តាច់ព្រ័ត្រចម្ងាយមួយម៉ាយ(ជាង១គីឡូម៉ែត្រ)។
លោកប្រាប់ថា ៖«នោះជាជ័យជម្នះលើកដំបូងដែលខ្ញុំស្ថិតនៅលើគេ»។ លទ្ធផលនោះមានគេប្រាប់គាត់ថា ត្រូវទទួលបានលិខិតបញ្ជាក់ជយលាភី។ ពេលនោះលោកពិតជារីករាយខ្លាំងណាស់ប្រៀបដូចបានឡើងឋានសួគ៌។
យ៉ាងណាមុនពេលពិធីប្រគល់រង្វាន់ លោកត្រូវបានគេបញ្ជាក់ចុងថា លោកមិនត្រូវបានគេរាប់បញ្ចូលក្នុងចំណោមជយលាភីទេ។ បែបណាក្តី លោក Ammiano ដែលមានអាយុ១៦ឆ្នាំមិនត្រូវបានគេពន្យល់ហេតុផលច្បាស់លាស់ទេ។
អស់រយៈពេលជាច្រើនឆ្នាំកន្លងមកនៅពេល Ammiano ដែលឈានដល់វ័យ៧៩ឆ្នាំក៏បានទទួលសារតាមអ៊ីមែលមួយពីសាលាវិទ្យាល័យរបស់លោក Immaculate Conception High School នៅ Montclair រដ្ឋ New Jersey ដែលមានខ្លឹមសារហួសចិត្តគឺបញ្ជាក់ថា ទីបំផុត លោកទទួលបានលិខិតបញ្ជាក់ជយលាភីពីការរត់ប្រណាំងហើយ។
រឿងរ៉ាវដែលបានប្រែប្រួលនេះគឺបន្ទាប់ពីរយៈពេល៦ទសវត្សរ៍កន្លងទៅ ប្រធាននៅកាលីហ្វញ៉ាម្នាក់ គ្រូបង្វឹករត់ប្រណាំងអាយុ៩០ឆ្នាំម្នាក់ និងមន្ត្រីសាលាបាននិយាយថា ពួកគេបានប្តេជ្ញាចិត្តក្នុងការកែកំហុស។
លោក Ammiano បានធំដឹងក្តីនៅ Montclair ដែលមានផ្ទះនៅជិតស្ថានីយសាំង Texaco។ ឪពុករបស់គាត់ជាអ្នកបើករថយន្តឈ្នួល និងម្តាយរបស់គាត់ជាបុគ្គលិកហាងកាហ្វេមួយ។ ដើម្បីជួយចំណាយដល់ឪពុកម្តាយលើការទិញអាវយឹតសម្រាប់ការចូលរួមរត់ប្រណាំង លោក Ammiano បានធ្វើការថែមម៉ោងជាក្មេងប្រុសស្តុកម្នាក់។
ដោយមិនទទួលបានលិខិតបញ្ជាក់ លោកពិតជាអារម្មណ៍ខូចចិត្តខ្លាំងណាស់។ លោកថា ៖«ខ្ញុំមានអារម្មណ៍អាម៉ាសយ៉ាងខ្លាំង»។
នៅឆ្នាំ១៩៥៩ ជាឆ្នាំដែលលោកបានបញ្ចប់ការសិក្សាស សង្គមអាមេរិកបានរើសអើង និងប្រកាន់ភេទ។ លោក Ammiano មិនដែលបង្ហាញជាសាធារណៈថាគាត់ជាភេទទី៣ឡើយនៅពេលរៀននៅវិទ្យាល័យ ប៉ុន្តែមនុស្សច្រើនណាស់បានដឹង។
លោកបាននិយាយថា លោកមិនដែលប្រាប់ឪពុកម្តាយថា ជាខ្ទើយទេ ប៉ុន្តែគ្មានកន្លែងត្រូវលាក់ ឬរត់ទៅពួននោះទេ។
នៅពេលក្រុមរត់ប្រណាំស្រឡាញ់រាប់អានលោកខ្លាំង លោកក៏បានប្រាប់រឿងនេះ។ លោកបានចាំថា គ្រូបង្វឹកម្នាក់បានលើកទឹកចិត្តដល់មិត្តរួមក្រុមឲ្យលើកទឹកចិត្តដល់លោក និងជំរុញលោកឲ្យក្លាហាន។
លោកបាននិយាយថា គ្មាននរណាម្នាក់និយាយពីការស្រឡាញ់ភេទដូចគ្នានៅសាលារៀនទេ។ «ប្រសិនបើយើងខ្ទើយ យើងនឹងឆ្គួត ដោយគេមើលងាយ»។ លោក Ammiano បាននិយាយថា ការបដិសេធនៃផ្តល់លិខិតបញ្ជាក់គឺជាពេលវេលាផ្លាស់ប្តួរមួយ និងឥឡូវនេះ របួសស្នាមយូរអង្វែងត្រូវបានដកចេញពីខ្លួនរបស់លោក៕
ប្រែសម្រួល៖ វីរបុត្រ
ប្រភព៖ New York Times
-
ព័ត៌មានជាតិ២ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានជាតិ១ សប្តាហ៍ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានអន្ដរជាតិ៧ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ១ សប្តាហ៍ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ៦ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានអន្ដរជាតិ១ សប្តាហ៍ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ២២ ម៉ោង agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
សន្តិសុខសង្គម៦ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ