ព័ត៌មានអន្ដរជាតិ
រដ្ឋាភិបាលថៃបារម្ភពីផលប៉ះពាល់លើវិស័យទេសចរ ក្រោយទេសចរវៀតណាមស្លាប់ដោយសារថ្នាំពុលនៅសណ្ឋាគារលំដាប់ផ្កាយ៥
រដ្ឋាភិបាលហាក់បានសំដែងក្តីកង្វល់ពីផលប៉ះពាល់ជាថ្មីទៀតលើវិស័យទេសចរណ៍របស់ខ្លួន បន្ទាប់ពីភ្ញៀវទេសចរជនជាតិវៀតណាម៦នាក់បានស្លាប់ក្នុងសណ្ឋាគារលំដាប់ផ្កាយ៥នៅកណ្តាលទីក្រុងបាងកកនៅល្ងាចថ្ងៃអង្គារ។
នាយករដ្ឋមន្ត្រីថៃ សេដ្ឋា ថាវីស៊ីន (Srettha Thavisin) ដែលឡើងកាន់អំណាចជិតមួយឆ្នាំនិងដែលបានប្រឹងប្រែងយ៉ាងខ្លាំងក្នុងការទាក់ទាញទេសចរបរទេសឱ្យចូលទស្សនាប្រទេសថៃ បានទៅដល់កន្លែងកើតហេតុបណ្តាលឱ្យជនជាតិវៀតណាម៦នាក់ស្លាប់បាត់បង់ជីវិតដោយសារថ្នាំពុល។
រដ្ឋាភិបាលថៃបានលើកឡើងនៅក្នុងសេចក្តីថ្លែងការណ៍ថា «នាយករដ្ឋមន្ត្រីថៃបានបញ្ជាឱ្យគ្រប់ភ្នាក់ងាររបស់រដ្ឋចាត់វិធានការឱ្យបានឆាប់រហ័សដើម្បីបញ្ចៀសផលប៉ះពាល់ដល់វិស័យទេសចរណ៍»។ នេះបើយោងតាមប្រព័ន្ធផ្សព្វផ្សាយជាច្រើនផ្សាយនៅមុននេះ។
ករណីស្លាប់ដោយសារថ្នាំពុលនេះ កើតឡើងនៅសណ្ឋាគារ Grand Hyatt Erawan លំដាប់ផ្កាយ៥ នៅសង្កាត់ Pathum នៅវេលាម៉ោង៥កន្លះល្ងាច។
រដ្ឋាភិបាលថៃដឹកនាំដោយនាយករដ្ឋមន្ត្រីថៃសេដ្ឋា ថាវីស៊ីន បានប្រឹងប្រែងស្តារសេដ្ឋកិច្ចរបស់ខ្លួនដែលធ្លាក់ដុនដាបដោយសារវិបត្តិកូវីដ១៩ តាមរយៈកម្មវិធីទាក់ទាញទេសចរណ៍បរទេសឱ្យចូលមកទស្សនាប្រទេសថៃ ដូចជា ការលើកលែងទិដ្ឋាការរយៈពេលយូរដល់ប្រទេសចិន ប្រទេសកាហ្សាកស្ថាន ប្រទេសឥណ្ឌា និងប្រទេសជាច្រើនទៀត។
ទោះជាបែបនេះក្តី វិស័យទេសចរណ៍ប្រទេសថៃហាក់រងផលប៉ះពាល់ធ្ងន់ធ្ងរដោយសារអំពើហិង្សា ដូចជា ករណីបាញ់រះនៅផ្សារទំនើបក្នុងទីក្រុងបាងកកកាលពីត្រីមាសទី៤ឆ្នាំមុន ដែលបណ្តាលឱ្យភ្ញៀវទេសចរចិន៤នាក់ស្លាប់និងរបួស៕
-
សន្តិសុខសង្គម១៨ ម៉ោង agoទុរេនរាប់តោននៅផ្សារភូពុយ អនុញ្ញាតឱ្យបន្តលក់ ក្រោយមន្ត្រីជំនាញប្រមូលសំណាក និងសាកសួរប្រភពនាំចូល
-
ព័ត៌មានជាតិ៥ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានជាតិ៤ ថ្ងៃ agoស្ថានទូតអូស្ត្រាលីប្រចាំកម្ពុជាឆ្លើយតបនឹងហេតុការណ៍ទាហានថៃផ្ទុះអាវុធកាលពីថ្ងៃទី២៩ ខែមេសា
-
ព័ត៌មានអន្ដរជាតិ៦ ថ្ងៃ agoតំណាងអាមេរិកនិងអ៊ីរ៉ង់ ប៉ះសម្តីគ្នាយ៉ាងខ្លាំងនៅសន្និសីទនុយក្លេអ៊ែរ របស់អង្គការសហប្រជាជាតិ
-
ព័ត៌មានជាតិ៥ ថ្ងៃ agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
ព័ត៌មានអន្ដរជាតិ៣ ថ្ងៃ agoរដ្ឋបាលលោក ត្រាំ បកស្រាយថា «សង្គ្រាមចប់ហើយ» ដើម្បីគេចពីការសុំច្បាប់សភា
-
ព័ត៌មានជាតិ៧ ថ្ងៃ agoអាជ្ញាធរទាត់ចោលព័ត៌មានដែលផ្សាយថា ថៃបានឈ្លានពានចូលទឹកដីខ្មែរនៅខេត្តប៉ៃលិន
-
ព័ត៌មានអន្ដរជាតិ១ សប្តាហ៍ agoចាប់ខ្លួនបានហើយ! ខ្មាន់កាំភ្លើង ដែលប៉ុនប៉ងបាញ់ប្រហារលោក ត្រាំ នៅសេតវិមាន