ព័ត៌មានអន្ដរជាតិ
លោក ចូ បៃដិន ថា សុខចិត្តបោះបង់អំណាចនៅពាក់កណ្តាលអាណត្តិឱ្យអនុប្រធានាធិបតី កាម៉ាឡា ហារីស
ប្រធានាធិបតីសហរដ្ឋអាមេរិក លោក ចូ បៃដិន ដែលមានវ័យកាន់តែជ្រេទៅហើយនោះ នៅតែបង្ហាញជំហរឈរជាបេក្ខជនសម្រាប់កៅអីប្រធានាធិបតីសហរដ្ឋអាមេរិកសម្រាប់អាណត្តិទី២របស់លោក ទោះបីជាប្រជាប្រិយភាពរបស់លោកកាន់តែធ្លាក់ចុះខ្លាំង ធៀបនឹងគួប្រជែង ព្រោះតែវ័យជរានិងសុខភាពមិនអំណោយផល។
ប្រជាប្រិយភាពរបស់ លោក ចូ បៃដិន បានធ្លាក់ចុះកាន់តែឆ្ងាយធៀបទៅនឹងគូប្រជែងចាស់ គឺ អតីតប្រធានាធិបតី ដូណាល់ ត្រាំ ដែលទើបទទួលយកការតែងតាំងជាបេក្ខជនប្រធានាធិបតីតំណាងគណបក្សសាធារណរដ្ឋកាលពីថ្ងៃព្រហស្បតិ៍ (ថ្ងៃសុក្រម៉ោងនៅកម្ពុជា) ក្នុងសមាជគណបក្សសាធារណរដ្ឋ៤ថ្ងៃ ស្របពេលដែលលោកត្រាំកាន់តែកើនប្រជាប្រិយភាពនិងការអាណិតអាសូរបន្ថែមទៀត ក្រោយលោកទទួលរងរបួសក្នុងឧបទ្ទវហេតុនៃការប៉ងធ្វើឃាតមិនបានសម្រេចមួយកាលពីសប្តាហ៍មុន។
លោក ចូ បៃដិន ដែលមានវ័យ៨១ឆ្នាំ នៅតែជាបេក្ខភាពផ្លូវការសម្រាប់តំណែងប្រធានាធិបតីតំណាងគណបក្សប្រជាធិបតេយ្យ ប៉ុន្តែបេក្ខភាពរបស់លោកហាក់បានរង្គោះរង្គើរក្នុងរយៈពេលចុងក្រោយនេះជាពិសេសចាប់តាំងពីវេទិកាជជែកដេញដោលលើកដំបូងកាលខែមិថុនារៀបចំដោយទូរទស្សន៍ ស៊ីអិនអិន ដែលបង្ហាញឱ្យឃើញពីការចាញ់ប្រៀបគួប្រជែង គឺលោក ដូណាល់ ត្រាំ។
តាមការចុះផ្សាយរបស់សារព័ត៌មាន New York Times កាលថ្ងៃទី១៨ខែកក្កដា ដោយដកស្រង់សម្តីលោក បៃដិន ដែលបានសារភាពថា លោកសុខចិត្តបោះបង់អំណាចប្រគល់ទៅឱ្យអនុប្រធានាធិបតី កាម៉ាឡា ហារីស ប្រសិនបើគាត់ឈ្នះការបោះឆ្នោតអាណត្តិទី២ ប៉ុន្តែមិនអាចបញ្ចប់អាណត្តិដោយសារហេតុផលសុខភាព។
នៅក្នុងបទសម្ភាសន៍មួយ លោក បៃដិន បាននិយាយថា៖«ពេលណាមួយដែលខ្ញុំត្រូវបានប្រាប់ថា មានលក្ខខណ្ឌសុខភាពខ្លះដែលខ្ញុំមាន ប៉ុន្តែមិនទាន់មានករណីនេះនៅឡើយទេ» ដោយលោកបន្តថា លោកនឹងប្រគល់អំណាចឱ្យអនុប្រធានាធិបតី កាម៉ាឡា ហារីស ក្នុងរយៈពេល២ឆ្នាំ ឬថាពាក់កណ្តាលអាណត្តិទី២។
លោក កីបានលើកឡើងថា រហូតដល់ពេលនេះគ្មានវេជ្ជបណ្ឌិតផ្ទាល់ខ្លួនលោកណាម្នាក់អះអាងពីភាពធ្ងន់ធ្ងរលើបញ្ហាសុខភាពរបស់លោកនៅឡើយ។
សេចក្តីរាយការណ៍ជាច្រើនបានអះអាងថា ថ្នាក់ដឹកនាំសំខាន់ៗក្នុងគណបក្សប្រជាធិបតេយ្យ រួមមាន អតីតប្រធានាធិបតី២អាណាត់ លោក បារ៉ាក់ អូបាម៉ា ក៏បានស្នើឱ្យលោក បៃដិន បោះបង់បេក្ខភាពប្រធានាធិបតីសម្រាប់ការបោះឆ្នោតនៅខែវិច្ឆិកានោះដែរ។
គណបក្សប្រជាធិបតេយ្យនឹងរៀបចំសមាជជាតិរបស់ខ្លួននៅដើមខែសីហាខាងមុខនេះ ហើយបេក្ខភាពប្រធានាធិបតីថ្មីអាចនឹងត្រូវជ្រើសរើសជំនួសលោក ចូ បៃដិន ដើម្បីបង្កើនប្រជាប្រិយភាពតទល់លោក ដូ ណាល់ត្រាំ៕
រើយ
-
ព័ត៌មានជាតិ៧ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៣ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៥ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៤ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១ សប្តាហ៍ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម៣ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៦ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
ព័ត៌មានអន្ដរជាតិ១៩ ម៉ោង agoចាប់ខ្លួនបានហើយ! ខ្មាន់កាំភ្លើង ដែលប៉ុនប៉ងបាញ់ប្រហារលោក ត្រាំ នៅសេតវិមាន