ព័ត៌មានអន្ដរជាតិ

ម៉ាឡេស៊ី បណ្ដេញមន្ត្រីប៉ូលិសជាង ១ ៦០០នាក់ ក្នុងរយៈពេល១ទសវត្សរ៍

បានផុស

២ years មុន

នៅ

ថ្ងៃសុក្រ ២៦ កក្កដា ២០២៤

ដោយ

Chheang

លោក Azri Ahmad ស្នងការប៉ូលិសម៉ាឡេស៊ី បានប្រកាសកាលពីថ្ងៃទី២៥ ខែកក្កដា ឆ្នាំ២០២៤ថា មន្ត្រីប៉ូលិសសរុបចំនួន ១ ៦៧១នាក់ ត្រូវបានបណ្តេញចេញពីការងារ គិតចាប់ពីឆ្នាំ២០១៤ រហូតមកដល់ពាក់កណ្ដាលឆ្នាំ២០២៤។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Azri បាននិយាយថា ក្នុងអំឡុងពេល១ទសវត្សរ៍កន្លងទៅនេះ ក៏មានមន្រ្តីប៉ូលិសចំនួន ១៥ ៥៤៦នាក់ ដែលបានទទួលរងនូវចំណាត់ការវិន័យផ្សេងៗផងដែរ បន្ទាប់ពីបើកការស៊ើបអង្កេតលើករណីចំនួន ៤០ ៤៣៦ ក្នុងបណ្ដឹងពីអំពើពុករលួយ ការរំលោភអំណាច និងការប្រព្រឹត្តបទល្មើសសផ្សេងៗ។

ក្រៅពីនោះ ក៏មានប៉ូលិសប្រមាណពី ១ម៉ឺន ទៅ២ម៉ឺននាក់ បានស្ថិតនៅក្រោមការឃ្លាំមើល និងស៊ើបអង្កេតដោយផ្ទាល់ដោយនាយកដ្ឋានសុចរិតភាព និងអនុលោមតាមស្ដង់ដារ JIPS របស់ម៉ាឡេស៊ី។

លោក Azri បានសង្កត់ធ្ងន់ថា គ្រាន់តែឆ្នាំ២០២៣ មន្ត្រីប៉ូលិស ១៩ ៣៥២នាក់ ត្រូវបានរងការស៊ើបអង្កេត ហើយក្នុងនោះបានរកឃើញថា មានមន្ត្រីចំនួន ១ ៣៩៦នាក់បានប្រព្រឹត្តកំហុស។ ចំណែកនៅក្នុងរយៈពេល៦ខែដើមឆ្នាំ២០២៤ មានការបើកស៊ើបអង្កេតចំនួន ១១ ២២១ករណី ក្នុងនោះមានមន្ត្រីប្រព្រឹត្តខុសចំនួន ៦៨៩នាក់។

លោកស្នងការ បានបន្ថែមថា នាយកដ្ឋាន JIPS ក៏បានបើកប្រតិបត្តិការឃាត់ខ្លួនប៉ូលិសចំនួន ៧៩៨នាក់ផងដែរ ចំពោះបទល្មើសពាក់ព័ន្ធនឹងល្បែងស៊ីសង គ្រឿងញៀន និងការចូលរួមមិនសមរម្យនៅតាមមជ្ឈមណ្ឌលកម្សាន្ត។

សូមបញ្ចាក់ថា កាលពីដើមខែឧសភាកន្លងទៅ មន្ត្រីប៉ូលិសជាន់ខ្ពស់២រូប ត្រូវបានចោទប្រកាន់ពីបទទទួលសំណូកចំនួនជាង២១ម៉ឺនដុល្លារពីពាណិជ្ជករម្នាក់ ដើម្បីបិទសំណុំរឿងស៊ើបអង្កេតទាក់ទិននឹងការទិញអាវុធដោយជនជាតិអ៊ីស្រាអែលមួយរូប។

ក្នុងករណីដាច់ដោយឡែកមួយទៀត មានការឃាត់ខ្លួនប៉ូលិសចំនួន៦នាក់ ពាក់ព័ន្ធនឹងការសហការគ្នាក្នុងករណីចាប់ជំរិតទារប្រាក់ចំនួនជិត២៧ម៉ឺនដុល្លារ៕

ដោយ៖ ឈាង

Related Topics:ប្រទេសម៉ាឡេស៊ី

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា