ព័ត៌មានអន្ដរជាតិ
រុស្ស៊ីច្រានចោលផែនការបញ្ចប់សង្គ្រាម និងបន្តវាយលុកថែមទៀតនៅអ៊ុយក្រែន
វិមានក្រឹមឡាំង កាលពីថ្ងៃទី២៨ខែសីហាបានច្រានចោលកិច្ចពិភាក្សារបស់ប្រធានាធិបតីអ៊ុយក្រែន លោក Volodymyr Zelenskiy អំពីផែនការបញ្ចប់សង្រ្គាម ហើយបាននិយាយថា ប្រទេសរុស្ស៊ីនឹងបន្តនូវអ្វីដែលខ្លួនហៅថា «ប្រតិបត្តិការយោធាពិសេស» នៅក្នុងទឹកដីអ៊ុយក្រែន។
លោក Zelenskiy បាននិយាយកាលពីថ្ងៃទី២៧ខែសីហាថា លោកនឹងបង្ហាញផែនការ និងព័ត៌មានលម្អិតពេញលេញដែលមិនបានបង្ហាញជាសាធារណៈដល់ប្រធានាធិបតីអាមេរិក លោក ចូ បៃដិន (Joe Biden) និងបេក្ខភាពប្រធានាធិបតីអាមេរិក២រូបគឺលោកស្រី កាម៉ាឡា ហារីស (Kamala Harris) និងលោក ដូណាល់ ត្រាំ (Donald Trump)។
លោក Zelenskiy បានថ្លែងថា ការលុកលុយរយៈពេល ៣សប្តាហ៍របស់ទីក្រុងកៀវចូលទៅក្នុងតំបន់ Kursk របស់រុស្ស៊ី គឺជាផ្នែកនៃផែនការរបស់លោក ប៉ុន្តែវាក៏រួមបញ្ចូលនូវជំហានផ្សេងទៀតលើផ្នែកសេដ្ឋកិច្ច និងការទូតផងដែរ។
លោក Zelenskiy កំពុងទាមទារឲ្យក្រុងវ៉ាស៊ីនតោនអនុញ្ញាតឲ្យកងកម្លាំងរបស់លោកប្រើប្រាស់អាវុធរយៈចម្ងាយឆ្ងាយ ដែលផ្គត់ផ្គង់ដោយសហរដ្ឋអាមេរិក ដើម្បីវាយប្រហារចូលកាន់តែជ្រៅនៅក្នុងប្រទេសរុស្ស៊ី ដោយគោលបំណងគឺបង្ខំទីក្រុងមូស្គូឲ្យបញ្ចប់សង្រ្គាម។
អ្នកនាំពាក្យវិមានក្រឹមឡាំង លោក Dmitry Peskov បានប្រាប់អ្នកយកព័ត៌មាននៅពេលសួរអំពីផែនការរបស់លោក Zelenskiy ថា៖ «នេះមិនមែនជាលើកទីមួយទេដែលយើងបានឮសេចក្តីថ្លែងការណ៍បែបនេះពីអ្នកតំណាងនៃរបបទីក្រុងកៀវ។ យើងដឹងពីធម្មជាតិនៃរបបទីក្រុងកៀវ។ យើងកំពុងបន្តប្រតិបត្តិការយោធាពិសេសរបស់យើង ហើយនឹងសម្រេចបាននូវគោលដៅទាំងអស់របស់យើង»។
អ៊ុយក្រែនបានអះអាងថា ចាប់តាំងពីថ្ងៃទី៦ខែសីហា ខ្លួនបានវាយលុកឆ្លងដែនកាន់កាប់ទីតាំងចំនួន១០០ នៃតំបន់ Kursk ខណៈដែលកម្លាំងរុស្ស៊ីវិញកំពុងបន្តវាយសម្រុកទៅមុខនៅតំបន់ Donetsk ភាគខាងកើតប្រទេសអ៊ុយក្រែន។
លោក Peskov បានបន្ថែមថា រុស្ស៊ីបានគាំទ្រទស្សនៈរបស់ប្រទេសឥណ្ឌាលើតម្រូវការសម្រាប់ដំណោះស្រាយដោយសន្តិវិធី ប៉ុន្តែលោកអះអាងថាវាជាក់ស្ដែងណាស់ដែលមិនមានចំណុចចាប់ផ្ដើមសម្រាប់កិច្ចពិភាក្សាធ្វើទៅរួចឡើយនៅពេលឥឡូវនេះ។
នាយករដ្ឋមន្ត្រីឥណ្ឌា លោក Narendra Modi ធ្លាប់បាននិយាយកាលពីថ្ងៃទី២៧ខែសីហាថា លោកបានប្រាប់ប្រធានាធិបតីរុស្ស៊ី លោក វ៉្លាឌឺមៀរ ពូទីន (Vladimir Putin) ក្នុងការហៅទូរស័ព្ទថា លោកបានគាំទ្រដំណោះស្រាយដោយសន្តិវិធី និងឆាប់រហ័សចំពោះជម្លោះអ៊ុយក្រែន ប៉ុន្មានថ្ងៃបន្ទាប់ពីលោក Modi បានជួបពិភាក្សាជាមួយលោក Zelenskiy ក្នុងទីក្រុងកៀវ៕
ដោយ៖ ឈាង
-
សេចក្ដីជូនដំណឹង៥ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៤ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៦ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៧ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៥ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៦ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ៧ ថ្ងៃ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ
-
សន្តិសុខសង្គម១ សប្តាហ៍ agoបង្ហាញមុខក្រុមជនដៃដល់សម្លាប់នារីភេទទី៣ និងអ្នកបើកតាក់ស៊ី រួចបញ្ជូនទៅកាន់តុលាការ