បោះឆ្នោតអាមេរិក៖ ផ្ទុះកុបកម្មក្នុងទីក្រុង Portland, ឆ្មាំជាតិត្រូវបានដាក់ពង្រាយដើម្បីទប់ទល់ (មានវីដេអូ)
Connect with us
Helistar Cambodia - Helicopter Charter Services

ព័ត៌មានអន្ដរជាតិ

បោះឆ្នោតអាមេរិក៖ ផ្ទុះកុបកម្មក្នុងទីក្រុង Portland, ឆ្មាំជាតិត្រូវបានដាក់ពង្រាយដើម្បីទប់ទល់ (មានវីដេអូ)

បានផុស

នៅ

មនុស្សចំនួន៩នាក់ត្រូវបានចាប់ខ្លួនកាលពីយប់ថ្ងៃពុធ (ព្រឹកថ្ងៃព្រហស្បតិ៍នៅកម្ពុជា) បន្ទាប់ពីអាជ្ញាធរបានប្រកាសថា ការតវ៉ាមួយនៅកណ្តាលទីក្រុង Portland បានក្លាយទៅជាកុបកម្មខណៈលទ្ធផលបោះឆ្នោតប្រធានាធិបតីមិនទាន់ប្រកាស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កុបកម្មត្រូវបានប្រកាសចំពេលមានការបំផ្លិចបំផ្លាញជាបន្តបន្ទាប់នៅក្នុងទីក្រុងមួយនេះដោយហ្វូងមនុស្សបានវាយបំបែកបង្អួចហាងនានានៅក្នុងទីក្រុង។

ក្រុមពីរផ្សេងគ្នាបានប្រមូលផ្តុំនៅក្នុងទីតាំងដាច់ដោយឡែកពីគ្នាកាលពីថ្ងៃពុធមុនពេលដើរដង្ហែទៅកាន់ទីក្រុង Portland។ ក្រុមមួយបានបិទចរាចរណ៍នៅពេលបាតុករឆ្លងកាត់ស្ពាន Morrison។

យោងតាមអ្នកយកព័ត៌មានរបស់ Fox 12 ប្រចាំរដ្ឋ Oregon លោកស្រី Brenna Kelly បានឲ្យដឹងថា ក្រុមអ្នកតវ៉ាបានគប់គ្រាប់បែកសាំងនិងដបកែវ។ មនុស្សម្នាក់ដែលត្រូវបានចាប់ខ្លួនគឺត្រូវបានគេរកឃើញថាមានកាន់កាប់កាំភ្លើងវែងមួយដើម។

ក្រុមអ្នកតវ៉ាត្រូវបានគេថតជាប់ក្នុងវីដេអូឃើញបំបែកកញ្ចក់បង្អួចនិងបំផ្លាញទ្រព្យសម្បត្តិនានា។ ទង់ជាតិអាមេរិកក៏ត្រូវបានដុតផងដែរ។

ប៉ូលិសក៏បានចែករំលែករូបថតនៃរបស់របរដែលត្រូវបានរឹបអូសពីក្រុមអ្នកតវ៉ាផងដែរដែលរួមមានដូចជាកាំជ្រួច ញញួរនិងថ្នាំបាញ់។

ការិយាល័យប៉ូលិសប្រចាំតំបន់ Multnomah បានប្រកាសថា ឆ្មាំជាតិត្រូវបានដាក់ពង្រាយដោយអភិបាលរដ្ឋលោកស្រី Kate Brown ដើម្បីឆ្លើយតបទៅនឹងអំពើហិង្សាក៏ដូចជារក្សាសណ្តាប់ធ្នាប់សាធារណៈនិងធានាសុវត្ថិភាពសហគមន៍ផងដែរ។

ប៉ូលិសបានបន្ថែមថា “គោលដៅរបស់យើងគឺដើម្បីរក្សាសុវត្ថិភាពសហគមន៍របស់យើង។ យើងលើកទឹកចិត្តដល់ក្រុមបាតុករឲ្យប្រមូលផ្តុំគ្នាដោយសន្តិភាព”។

យោងតាមប៉ូលិសបានឲ្យដឹងថា អ្នកដែលមិនចាកចេញពីតំបន់នេះនឹងត្រូវចាប់ខ្លួនឬទទួលរងការប្រើប្រាស់កម្លាំងប៉ុន្តែមិនមានការបាញ់គ្រាប់កាំភ្លើងឬឧស្ម័នបង្ហូរទឹកភ្នែកទេ៕

ប្រែសម្រួលដោយ៖ Vann Vann

ប្រភព៖ FOX NEWS

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៣ នាទី មុន

សមត្ថកិច្ច​ស្រុកលំផាត់ ចាប់ជនសង្ស័យ ៩ នាក់ ករណីចោរកម្ម​លួចម៉ូតូ

ព័ត៌មានខ្លីៗ៥ នាទី មុន

ខេត្ត​តាកែវ​សាងសង់ផ្សារណាត់ថ្មីកម្ពស់​ ៣ ជាន់ គ្រោង​រួច​រាល់​នៅដើម​ឆ្នាំ​២០២២

ព័ត៌មានអន្ដរជាតិ១៤ នាទី មុន

អ្នកជំនាញ WHO បញ្ជាក់ថា ក្រុមមនុស្សអាយុពី ២០ ទៅ ៤០ ឆ្នាំ មិនបង្ហាញរោគសញ្ញា គឺងាយនឹងឆ្លងកូវីដ

កីឡា២៤ នាទី មុន

ប៉ែន សុ​គង់ ធ្វើការ​ហ្វឹកហាត់​យ៉ាងសកម្ម​លើ​ទីលាន​មុន​ការប្រកួត​មក ដល់​នា​ល្ងាច​ថ្ងៃ​៣១​កក្កដា​ខាងមុខនេះ​

ព័ត៌មានជាតិ២៤ នាទី មុន

សម្ដេច ស ខេង ឱ្យពន្យារពេល រៀបចំវេទិកាផ្សព្វផ្សាយ​ និងពិគ្រោះយោបល់​របស់ក្រុមប្រឹក្សារាជធានី ខេត្ត ក្រុង ស្រុក ខណ្ឌ

Sokha Hotels

ព័ត៌មានពេញនិយម

Helistar Cambodia - Helicopter Charter Services