ព័ត៌មានអន្ដរជាតិ
អ៊ុយក្រែន ជំរុញឲ្យប្រទេសអាស៊ីមួយទៀត ចាប់ខ្លួនលោក ពូទីន តាមដីកា ICC
ផុតពីម៉ុងហ្គោលី ពេលនេះមានប្រទេសអាស៊ីមួយទៀតហើយ ដែលត្រូវអ៊ុយក្រែន ជំរុញឲ្យចាប់ខ្លួនប្រធានាធិបតីរុស្ស៊ី វ្ល៉ាឌីមៀរ ពូទីន តាមដីការបស់តុលាការឧក្រិដ្ឋកម្មអន្តរជាតិ (ICC)។

តាមការចុះផ្សាយរបស់ RT នៅថ្ងៃសុក្រទី១១ខែតុលាឆ្នាំ២០២៤, ក្រសួងការបរទេសអ៊ុយក្រែន បានព្រមានឲ្យប្រទេសតួកម៉េនីស្ថាន ត្រូវចាប់ខ្លួនលោក ពូទីន ត្បិតប្រទេសនេះមិនមែនជាហត្ថលេខីនៃលក្ខន្តិកៈទីក្រុងរ៉ូម ហើយមិនទទួលស្គាល់យុត្តាធិការរបស់ស្ថាប័នដែលមានមូលដ្ឋាននៅទីក្រុងឡាអេក៏ដោយ។
លើសពីនេះ ក្នុងសេចក្តីថ្លែងការណ៍កាលពីថ្ងៃព្រហស្បតិ៍ទី១០ខែតុលាឆ្នាំ២០២៤ ក្រសួងការបរទេសអ៊ុយក្រែន បានជំរុញដល់ប្រទេសទាំងអស់ដែលឲ្យតម្លៃលើជីវិតមនុស្ស ច្បាប់អន្តរជាតិ និងធម្មនុញ្ញអង្គការសហប្រជាជាតិ សូមកុំរៀបចំព្រឹត្តិការណ៍ទាំងឡាយណា ដែលមានការចូលរួមជាមួយលោកពូទីនឲ្យសោះ។
សូមបញ្ជាក់ថា លោក ពូទីន បានទៅដល់ទីក្រុង អាសហ្គាបាត នៅព្រឹកថ្ងៃសុក្រ ដើម្បីបំពេញទស្សនកិច្ចការងារ ដោយក្នុងអំឡុងពេលនោះ លោកនឹងចូលរួមវេទិកាអន្តរជាតិ «Interconnection of Times and Civilizations – Basis of Peace and Development» ដែលជាវេទិការម្លឹកដល់ខួប៣០០ឆ្នាំនៃកំណើតកវីតួកម៉េនីស្ថាន Makhtumkuli Fraghi។

រម្លឹកទៅខែមីនាឆ្នាំ២០២៣, ICC បានចេញដីកាចាប់ខ្លួនលោក ពូទីន ដោយចោទប្រកាន់ពីបទ និរទេសកុមារដោយខុសច្បាប់ចេញពីតំបន់កាន់កាប់ក្នុងប្រទេសអ៊ុយក្រែនទៅកាន់សហព័ន្ធរុស្ស៊ី។
យ៉ាងណា ទីក្រុងមូស្គូបានច្រានចោលការចោទប្រកាន់នេះថាជារឿងគួរឲ្យអស់សំណើចជាទីបំផុត ដោយអះអាងថា ការជម្លៀសជនស៊ីវិលចេញពីតំបន់សមរភូមិមិនមែនជាឧក្រិដ្ឋកម្មទេ។ លើសពីនេះ ទាំងរុស្ស៊ីនិងអ៊ុយក្រែន សុទ្ធតែមិនមែនជាភាគីនៃលក្ខន្តិកៈទីក្រុងរ៉ូម ដូច្នេះមានន័យថា ICC ខ្វះយុត្តាធិការក្នុងរឿងនេះ៕
អត្ថបទ៖ សុខ សុវណ្ណ
ចុចអាន៖ នេះជាមូលហេតុ ម៉ុងហ្គោលី មិនចាប់ខ្លួនលោក ពូទីន តាមដីកា ICC

-
ព័ត៌មានអន្ដរជាតិ១៩ ម៉ោង ago
ព្រះអង្គម្ចាស់អារ៉ាប៊ីសាអូឌីត ដែលសន្លប់២០ឆ្នាំ ពេលនេះ សោយទិវង្គតហើយ
-
ព័ត៌មានជាតិ២ ថ្ងៃ ago
អគ្គនាយកស៊ីម៉ាក់បង្ហាញរូបភាពទ័ពថៃជីកដីដាក់មីនខណៈនៅឡាំប៉ាចោទកម្ពុជា
-
បច្ចេកវិទ្យា៥ ថ្ងៃ ago
OPPO Reno14 Series 5G សម្ពោធផ្លូវការហើយ ជាមួយស្ទីលរចនាបថកន្ទុយទេពមច្ឆា និងមុខងារ AI សំខាន់ៗ
-
ព័ត៌មានអន្ដរជាតិ១ សប្តាហ៍ ago
ថៃ អះអាងថា ជនកំសាកដែលលួចវាយទាហានកម្ពុជា គឺជាទេសចរ ប៉ុណ្ណោះ
-
ព័ត៌មានជាតិ១ សប្តាហ៍ ago
កម្ពុជា រងឥទ្ធិពលពីព្យុះមួយទៀត គឺជាព្យុះទី៥ ឈ្មោះ ណារី (Nari)
-
ព័ត៌មានអន្ដរជាតិ៥ ថ្ងៃ ago
រដ្ឋមន្ត្រីក្រសួងថាមពលថៃ ប្រាប់ពលរដ្ឋកុំជ្រួលច្របល់ បើសង្គ្រាមផ្ទុះឡើង អ្នកខាតធំគឺខ្លួនឯង
-
ព័ត៌មានអន្ដរជាតិ៧ ថ្ងៃ ago
«នាយករដ្ឋមន្ត្រី៣នាក់ក្នុងពេល៣ថ្ងៃ» ជារឿងដែលមួយពិភពលោក មិនអាចធ្វើបានដូចថៃ
-
សន្តិសុខសង្គម២ ថ្ងៃ ago
ជនមិនស្គាល់មុខ លីបារី ១០៥ សុង ឆ្លងកាត់ច្រកអន្តរជាតិភ្នំដី ត្រូវកម្លាំងគយចាប់បាន