ព័ត៌មានអន្ដរជាតិ
រុស្ស៊ីបង្កើនការដាក់សម្ពាធកាន់តែខ្លាំងលើអ៊ុយក្រែន ដោយបំផ្លាញហេដ្ឋារចនាសម្ព័ន្ធថាមពល
ខណៈពេលដែលប្រធានាធិបតីព្រលយអំពីការចរចាបញ្ចប់សង្គ្រាមកាលពីថ្ងៃសៅរ៍ ក្រោយជំហរគាំទ្រដ៏ទន់ជ្រាយរបស់សហរដ្ឋអាមេរិកក្នុងអាណត្តិប្រធានាធីបតី ដូណាល់ ត្រាំ រុស្ស៊ីបានបង្កើនការដាក់សម្ពាធអ៊ុយក្រែនកាន់តែខ្លាំង។
ទីភ្នាក់ងារព័ត៌មានរ៉យទ័រ បានដកស្រង់សម្តីក្រុមមន្ត្រីបាននិយាយថា រុស្ស៊ីបានបាញ់ប្រហារបណ្តាលឲ្យមានការផ្ទុះនៅទូទាំងរដ្ឋធានីកៀវរបស់ប្រទេសអ៊ុយក្រែន និងទីក្រុងផ្សេងទៀតនៅព្រឹកព្រលឹមថ្ងៃទី១៧ខែវិច្ឆិកា ដោយសំដៅលើហេដ្ឋារចសម្ព័ន្ធអគ្គិសនីស្របពេលដែលរដូវត្រជាក់ជិតមកដល់។
សេចក្តីរាយការណ៍នោះបានកត់សំគាល់ថា រុស្ស៊ីបានវាយប្រហារដោយមីស៊ីលដ៏ខ្លាំងសម្បើមចាប់តាំងពីខែសីហា
ប្រជាជនអ៊ុយក្រែនបាននិងកំពុងត្រៀមខ្លួនសម្រាប់ការវាយប្រហារដ៏ធំមួយលើប្រព័ន្ធថាមពលដែលជាប់គាំងអស់រយៈពេលជាច្រើនសប្តាហ៍ដោយភ័យខ្លាចការខូចខាតដល់បណ្តាញអគ្គិសនីដែលនឹងបណ្តាលឱ្យដាច់ចរន្តអគ្គិសនីរយៈពេលយូរនិងបង្កើតសម្ពាធផ្លូវចិត្តនៅពេលដ៏សំខាន់នៅក្នុងសង្គ្រាមដែលរុស្ស៊ីបានចាប់ផ្តើមនៅក្នុងខែកុម្ភៈឆ្នាំ២០២២។
សេចក្តីរាយការណ៍ដដែលបានស្រង់សម្តីមន្ត្រីអ៊ុយក្រែន ដូចបាននិយាយថា៖«ការវាយប្រហារដ៏ធំមួយទៀតលើប្រព័ន្ធថាមពលកំពុងដំណើរការ។ សត្រូវកំពុងវាយប្រហាររោងចក្រផលិតអគ្គិសនី និងប្រព័ន្ធបញ្ជូនអគ្គិសនីទូទាំងប្រទេសអ៊ុយក្រែន»។
ការការពារដែនអាកាសអាចត្រូវបានគេឮថាមានយន្តហោះគ្មានមនុស្សបើកឆ្លងកាត់រដ្ឋធានីនៅពេលយប់ ហើយការបំផ្ទុះដ៏ខ្លាំងក្លាជាច្រើនបានបន្លឺឡើងពាសពេញកណ្តាលទីក្រុង ខណៈដែលការវាយប្រហារដោយកាំជ្រួចកំពុងដំណើរការនៅពេលព្រឹក។ នេះបើយោងតាមសេចក្តីរាយការណ៍របស់សារព័ត៌មានអ៊ុយក្រែន។
ក្រោយការឈ្នះឆ្នោតរបស់លោក ដូណាល់ ត្រាំ ដែលមិនយល់ស្របចំពោះសង្គ្រាមកើតឡើងនៅអ៊ុយក្រែន បានបង្កើតភាពស្រពិចស្រពិលដល់អ៊ុយក្រែនមិនឲ្យមានការប្រឹងតស៊ូប្រយុទ្ធដើម្បីរំដោះទឹកដីរបស់ខ្លួនដែលរុស្ស៊ីកាន់កាប់។
នៅពេលដែលប្រធានាធិបតីជាប់ឆ្នោត លោក ដូណាល់ ត្រាំ ព្រលយពីការបញ្ចប់សង្គ្រាមរុស្ស៊ី-អ៊ុយក្រែន ប្រទេសផ្សេងៗទៀតក៏ហាក់ទន់ជំហរគាំទ្រអ៊ុយក្រែនដូចគ្នា ថ្វីត្បិតតែមេដឹកនាំអឺរ៉ុបខ្លាំងបានបង្ហាញជំហររឹងមាំក្នុងការគាំទ្រអ៊ុយក្រែន៕
-
សេដ្ឋកិច្ច៤ ថ្ងៃ agoអ្នកជំនាញ៖ វិស័យអចលនទ្រព្យនៅកម្ពុជាមិនទាន់មានសញ្ញាងើបឡើងវិញរហូតដល់បច្ចុប្បន្ននេះ
-
ព័ត៌មានអន្ដរជាតិ១ ថ្ងៃ agoយន្តហោះមីយ៉ាន់ម៉ា ទម្លាក់គ្រាប់បែកជញ្ជ្រំព្រំដែន កក្រើកដល់ដីថៃ ធ្វើឲ្យពលរដ្ឋភ័យព្រលឹងចុងសក់ ទៀតហើយ
-
ព័ត៌មានជាតិ៣ ថ្ងៃ agoលេចចេញគំរូស្ពានឆ្លងទន្លេមេគង្គ គ្រោងសាងសង់ដោយជប៉ុនតាមផ្លូវជាតិលេខ ១
-
ព័ត៌មានអន្ដរជាតិ៤ ថ្ងៃ agoតើឥណ្ឌាពិតជាខ្នងបង្អែកដ៏រឹងមាំ របស់អ៊ីស្រាអែល ដូចអ្វីដែលលោក ណេតាន់យ៉ាហ៊ូ អួតអាងមែនទេ?
-
សន្តិសុខសង្គម៣ ថ្ងៃ agoបង្ក្រាប Online Scam នៅក្រុងសិរីសោភ័ណ ឃាត់ខ្លួនយុវជនម្នាក់ បើកកន្លែងប្រតិបត្តិការឆបោកតែម្នាក់ឯង
-
ព័ត៌មានជាតិ៤ ថ្ងៃ agoកម្ពុជា UNODC និងសមាជិកមហាអនុតំបន់ទន្លេមេគង្គឆ្នាំ១៩៩៣ នឹងបន្តរួមគ្នាដោះស្រាយបញ្ហាគ្រឿងញៀនសំយោគ
-
ព័ត៌មានអន្ដរជាតិ៤ ថ្ងៃ agoមានការផ្ទុះគ្រាប់បែក ក្បែរសណ្ឋាគារលោក Macron ស្នាក់នៅ អំឡុងដំណើរទស្សនកិច្ច ប្រទេសស៊ីរី
-
សេដ្ឋកិច្ច៣ ថ្ងៃ agoកម្ពុជា ដាក់ទិសដៅធ្វើឱ្យកាន់តែប្រសើរឡើងនូវប្រព័ន្ធភស្តុភារកម្ម ជំរុញកំណើនពាណិជ្ជកម្ម ទាក់ទាញការវិនិយោគ