ព័ត៌មានអន្ដរជាតិ

ប៉ូលិសសិង្ហបុរីស៊ើបអង្កេតមនុស្សជិត ៣០០ នាក់ ជុំវិញការឆបោកប្រាក់ជិត ៥ លានដុល្លារ

បានផុស

៤ ខែ មុន

នៅ

ថ្ងៃចន្ទ ១៨ វិច្ឆិកា ២០២៤

ដោយ

របាយការណ៍ពីប៉ូលិសសិង្ហបុរី បានឱ្យដឹងកាលពីចុងសប្ដាហ៍ថា ខ្លួនកំពុងស៊ើបអង្កេតជនសង្ស័យចំនួន ២៨៨ នាក់ ពីបទល្មើសឆបោក ក្រោយពេលចុះបង្រ្កាបរយៈពេលកន្លះខែ គិតត្រឹមថ្ងៃ១៤វិច្ឆិកា។ នេះបើតាមគេហទំព័ររបស់ប៉ូលិសសិង្ហបុរី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជនសង្ស័យទាំងអស់ បានជាប់ពាក់ព័ន្ធក្នុងសំណុំរឿងចំនួន ១ ២០៨ ករណី រួមមានការឆបោកការងារ ការឆបោកតាមពាណិជ្ជកម្មអេឡិចត្រូនិក ការឆបោកដោយក្លែងបន្លំធ្វើមិត្តភ័ក្តិ ការបោកប្រាស់វិនិយោគ ការបោកប្រាស់ស្នេហាតាមអ៊ិនធឺណិត និងការបោកប្រាស់អ្នកទិញក្លែងក្លាយ។

ប៉ូលិសបាននិយាយថា ជនរងគ្រោះបានបាត់បង់ប្រាក់សរុបជាង ៦,៥៤ លានដុល្លារសិង្ហបុរី ឬប្រហែល ៤,៨៧ លានដុល្លារអាមេរិក។

នាពេលនេះ ជនសង្ស័យកំពុងស្ថិតនៅក្រោមការស៊ើបអង្កេតពីបទឆបោក លាងលុយកខ្វក់ ឬផ្តល់សេវាទូទាត់ប្រាក់ដោយគ្មានអាជ្ញាប័ណ្ណ។

គួរគូសបញ្ជាក់ថា ការឆបោកក្នុងប្រទេសសិង្ហបុរី បានបង្កការបាត់បាត់បងទឹកប្រាក់ជាង ២,៧ ប៊ីលានដុល្លារ រាប់តាំងពីឆ្នាំ ២០១៩ ជាមួយនឹងកំណត់ត្រាខ្ពស់បំផុតប្រមាណ ៣៨៥,៦ លានដុល្លារ គិតតែក្នុងឆមាសទី១នៃឆ្នាំ ២០២៤។ ចំនួននេះរំពឹងថានឹងកើនឡើង បើទោះបីជាមានវិធានការជាច្រើនត្រូវបានធ្វើឡើងក៏ដោយ រួមទាំងយុទ្ធនាការអប់រំសាធារណៈ ច្បាប់ថ្មី និងគំនិតផ្តួចផ្តើមប្រឆាំងនឹងការឆបោកជាដើម៕