ព័ត៌មានអន្ដរជាតិ
អំពើហិង្សាដោយប្រើកាំភ្លើងនៅសាលារៀនអាមេរិកកើនឡើងក្នុង៤ឆ្នាំក្រោយនេះ
អំពើហិង្សាដោយកាំភ្លើងក្នុងសាលារៀនអាមេរិកបានកើនឡើងគួរឱ្យកត់សម្គាល់ក្នុងរយៈពេល៤ឆ្នាំចុងក្រោយនេះ។ នេះបើយោងតាមការពិនិត្យឡើងវិញនៃទិន្នន័យដែលប្រមូលបាន ។ នេះបើយោងតាមការចេញផ្សាយរបស់ The New York Times។
នៅសហរដ្ឋអាមេរិក មានការបាញ់ប្រហារច្រើនជាង៥០ដង ដោយមានជនរងគ្រោះយ៉ាងហោចណាស់ម្នាក់បានកើតឡើងក្នុងអំឡុងពេលសិក្សារៀងរាល់ឆ្នាំចាប់តាំងពីឆ្នាំ ២០២១មក តែជនរងគ្រោះនិងជនសង្ស័យមិនមែនជាអនីតិជនទាំងអស់នោះទេ ខណៈចាប់ពីឆ្នាំ ២០១០ដល់ឆ្នាំ២០១៩ តួលេខប្រចាំឆ្នាំមិនលើសពី៣០ទេ។
ថ្មីៗនេះការកើនឡើងនៃអំពើហិង្សាដោយការប្រើប្រាស់កាំភ្លើងក្នុងសាលារៀន បានឈានចូលដល់ការជជែកវែកញែកថ្នាក់ជាតិឡើងវិញក្នុងសប្តាហ៍នេះ បន្ទាប់ពីអាជ្ញាធរ បាននិយាយថា សិស្សអាយុ១៥ឆ្នាំម្នាក់បានបើកការបាញ់ប្រហារនៅសាលាគ្រិស្តសាសនានៅទីក្រុង Madison រដ្ឋ Wisconsin កាលពីថ្ងៃទី១៦ខែធ្នូ ដោយបានសម្លាប់សិស្សម្នាក់ទៀត និងគ្រូបង្រៀនម្នាក់។
គួរបញ្ជាក់ថា ការបាញ់ប្រហារនៅសាលារៀនបង្កើតបានតិចជាង១ភាគរយនៃការស្លាប់ដោយកាំភ្លើងទាំងអស់ដែលរងគ្រោះដោយកុមារអាមេរិក។ ក្នុងនោះមានតែផ្នែកតូចមួយនៃសាលាបឋមសិក្សា និងមធ្យមសិក្សាចំនួន ១៣០០០០ របស់ប្រទេសនេះ បានរាយការណ៍ពាក់ព័ន្ធនឹងអំពើហិង្សាកាំភ្លើងជារៀងរាល់ឆ្នាំ។ ទិន្នន័យបង្ហាញថា ឧប្បត្តិហេតុទំនងជាកើតឡើងនៅខាងក្រៅសាលាច្រើនជាងនៅក្នុងសាលា។ ទោះយ៉ាងណាក៏ដោយ សិស្សរាប់សែននាក់ក្នុងប្រទេសបានប្រឈមមុខនឹងអំពើហិង្សាដោយកាំភ្លើងនៅសាលារៀន ចាប់តាំងពីការបាញ់ប្រហារនៅវិទ្យាល័យ Columbine ក្នុងឆ្នាំ១៩៩៩ ។
លោក David Riedman អ្នករៀបរៀងទិន្នន័យនេះបាននិយាយថា អ្នកស្រាវជ្រាវកំណត់ការបាញ់ប្រហារនៅសាលារៀនតាមវិធីផ្សេងៗគ្នា ខណៈឧប្បត្តិហេតុភាគច្រើនដែលលោកបានតាមដានគឺការកើនឡើងពីជម្លោះដែលប្រែទៅជាហិង្សា។ ប៉ុន្តែក្រុមអ្នកស្រាវជ្រាវដែលសិក្សាអំពីអំពើហិង្សាដោយកាំភ្លើងជឿថាការកើនឡើងនៃការលក់អាវុធក្នុងរយៈពេលមួយទសវត្សរ៍កន្លងមក និងការកើនឡើងនៃមនុស្សនាំយកកាំភ្លើងទៅសាលារៀនអាចរួមចំណែកដល់បញ្ហានេះ។
សូមបញ្ជាក់ថានៅឆ្នាំ ២០២០ កាំភ្លើងបានក្លាយជាមូលហេតុនាំមុខគេនៃការស្លាប់ក្នុងចំណោមកុមារអាយុក្រោម ១៨ឆ្នាំ។ ការវិភាគនាពេលថ្មីៗនេះដោយក្រុមប្រឹក្សាយុត្តិធម៌ព្រហ្មទណ្ឌបានរកឃើញថា ខណៈពេលដែលឧក្រិដ្ឋកម្មអនីតិជនសរុបបានធ្លាក់ចុះនៅចន្លោះឆ្នាំ ២០១៦ និង ២០២២ ចំនួនឃាតកម្មដែលប្រព្រឹត្តដោយយុវជនបានកើនឡើង៦៥ភាគរយ ហើយការប្រើប្រាស់កាំភ្លើងក៏កើនឡើង ២១ ភាគរយក្នុងរយៈពេលនោះផងដែរ៕
អត្ថបទ៖ ប៊ុន សុភាព
-
ព័ត៌មានជាតិ៦ ថ្ងៃ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានអន្ដរជាតិ៥ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៦ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៦ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១ សប្តាហ៍ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
ព័ត៌មានជាតិ៤ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
សន្តិសុខសង្គម៤ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ១ ថ្ងៃ agoអាជ្ញាធរទាត់ចោលព័ត៌មានដែលផ្សាយថា ថៃបានឈ្លានពានចូលទឹកដីខ្មែរនៅខេត្តប៉ៃលិន