ព័ត៌មានអន្ដរជាតិ

ទារកមីយ៉ាន់ម៉ាកើតនៅថៃប្រឈមបញ្ហាគ្មានសិទ្ធិទទួលបានការព្យាបាលដោយឥតគិតថ្លៃ

បានផុស

១ year មុន

នៅ

ថ្ងៃព្រហស្បតិ៍ ១៩ ធ្នូ ២០២៤

ដោយ

ទារកដែលកើតពីម្ដាយជនជាតិមីយ៉ាន់ម៉ានៅមន្ទីរពេទ្យព្រំដែនក្នុងប្រទេសថៃ មិនមានសិទ្ធិទទួលបានការធានារ៉ាប់រងសុខភាពដោយឥតគិតថ្លៃដូចជនជាតិថៃនោះទេ បើទោះបីពួកគេមានអត្តសញ្ញាណប័ណ្ណថៃក៏ដោយ។ យោងការិយាល័យសន្តិសុខសុខភាពជាតិ (NHSO)។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកវេជ្ជបណ្ឌិត Jadej Thammatacharee អគ្គលេខាធិការ NHSO មានប្រសាសន៍ថា បើទោះបីអត្តសញ្ញាណប័ណ្ណកំណត់យ៉ាងច្បាស់ថាពួកគេជាជនចំណាកស្រុកដែលកើតនៅក្នុងប្រទេសថៃមែន តែពួកគេមិនមែនជាសញ្ជាតិថៃនោះទេ។

លោកកំពុងឆ្លើយតបទៅនឹងរបាយការណ៍ប្រព័ន្ធផ្សព្វផ្សាយអំពីការកើនឡើងនៃចំនួនស្ត្រីមានផ្ទៃពោះនៅក្នុងប្រទេសមីយ៉ាន់ម៉ា ហើយមានចេតនាឆ្លងព្រំដែនទៅសម្រាលកូននៅក្នុងមន្ទីរពេទ្យប្រទេសថៃដើម្បីទទួលបានអត្ថប្រយោជន៍ថែទាំសុខភាព។

ស្រ្តីទាំងនោះទាញយកអត្ថប្រយោជន៍ពីកញ្ចប់ធានារ៉ាប់រងសុខភាពក្រោមគម្រោងការធានារ៉ាប់រងសុខភាពជាសកល ដែលត្រូវបានរៀបចំឡើងជាពិសេសសម្រាប់ជនចំណាកស្រុកដែលមិនមានការធានារ៉ាប់រងសុខភាពណាមួយ។ នេះបើយោងតាមបុគ្គលិកថែទាំសុខភាពដែលបាននិយាយដោយអនាមិកទៅកាន់ទំព័រ Facebook Drama-addict ។

លោក Jadej ក៏បានឲ្យដឹងថាមានទារកប្រហែល១៦០នាក់ជាមួយម្តាយមីយ៉ានម៉ាទើបសម្រាលកាលពីខែមុននៅមន្ទីរពេទ្យព្រំដែន បើធៀបនឹងស្ត្រីថៃមានត្រឹម៨០នាក់។ ទន្ទឹមនឹងនេះ អង្គការ NHSO បានទទូចថា ខ្លួនចូលទៅកាន់មូលដ្ឋានទិន្នន័យកណ្តាលដែលគ្រប់គ្រងដោយក្រសួងមហាផ្ទៃដើម្បីកំណត់សញ្ជាតិទារក។

លោកវេជ្ជបណ្ឌិត Jadej ក៏បានបញ្ជាក់ថា «មូលនិធិសិទ្ធិ Tho 99» ត្រូវបានរាយការណ៍ថា បានផ្តល់ហិរញ្ញប្បទានជាប្រយោជន៍សុខុមាលភាពសម្រាប់ទារកទើបនឹងកើតនៃជនចំណាកស្រុកក្នុងការចំណាយ មិនមែនមានបំណងផ្តល់ឱ្យសម្រាប់ទារកដែលកើតពីឪពុកម្តាយមីយ៉ាន់ម៉ាដែលបានទទួលសេវាវេជ្ជសាស្រ្តនៅឯមន្ទីរពេទ្យតាមព្រំដែននោះទេ។

លើសពីនេះយោងតាមបុគ្គលិកថែទាំសុខភាពដែលត្រូវបានដកស្រង់ដោយការបង្ហោះហ្វេសប៊ុករបស់ Drama-addict ទារកដែលកើតមិនគ្រប់ខែ រួមទាំងអ្នកដែលកើតពីឪពុកម្តាយមីយ៉ាន់ម៉ាមិនមានសិទ្ធិទទួលបានអត្ថប្រយោជន៍ថែទាំសុខភាពនោះទេ៕