ព័ត៌មានអន្ដរជាតិ
ឥណ្ឌូណេស៊ី គ្រោងកំណត់អាយុអប្បបរមា សម្រាប់ការប្រើប្រាស់បណ្ដាញសង្គម
រដ្ឋាភិបាលឥណ្ឌណេស៊ី គ្រោងនឹងចេញច្បាប់ថ្មីមួយ ដើម្បីកំណត់អាយុអប្បបរមាសម្រាប់អ្នកប្រើប្រាស់ប្រព័ន្ធផ្សព្វផ្សាយសង្គម ដែលជាវិធានការមួយក្នុងគោលបំណងការពារកុមារនៅលើប្រព័ន្ធឌីជីថល។ នេះបើយោងតាមការចុះផ្សាយរបស់សារព័ត៌មាន Jakarta Post នៅថ្ងៃទី១៤ខែមករាឆ្នាំ២០២៥។
រដ្ឋមន្ត្រីទំនាក់ទំនង និងឌីជីថល លោកស្រី Meutya Hafid បាននិយាយថា ក្រសួងកំពុងរៀបចំបទប្បញ្ញត្តិដើម្បីហាមឃាត់ការប្រើប្រាស់ប្រព័ន្ធផ្សព្វផ្សាយសង្គមសម្រាប់កុមារ។ យ៉ាងណា លោកស្រីមិនបានបញ្ជាក់ថា អាយុអប្បបរមាដែលនឹងត្រូវហាមឃាត់ គឺប៉ុន្មាននោះទេ។
លោកស្រី Meutya បានលើកឡើងថា៖ «យើងបានពិភាក្សាពីរបៀបការពារកុមារនៅក្នុងលំហឌីជីថល។ លោកប្រធានាធិបតីបានឲ្យបន្តផែនការនេះ។ គាត់មានការគាំទ្រយ៉ាងខ្លាំងអំពីរបៀបដែលការការពារកុមារបែបនេះ នឹងត្រូវបានធ្វើនៅក្នុងលំហឌីជីថលរបស់យើង»។
ឥណ្ឌូណេស៊ី មានប្រជាជនប្រហែល ២៨០លាននាក់ ហើយការប្រើប្រាស់អ៊ីនធឺណិតបានឈានដល់ ៧៩,៥% កាលពីឆ្នាំ២០២៤។ ការស្ទង់មតិ បានបង្ហាញថា ៤៨% នៃកុមារអាយុក្រោម ១២ឆ្នាំ មានលទ្ធភាពប្រើប្រាស់អ៊ីនធឺណិត ដូចជា Facebook, Instagram និង TikTok។ ការស្ទង់មតិ បានបង្ហាញទៀតថា ការប្រើប្រាស់អ៊ីនធឺណិតមាន ៨៧% ជាក្រុមមនុស្សអាយុចន្លោះពី ១២ ទៅ ២៧ឆ្នាំ៕
ដោយ៖ ឈាង
-
សេចក្ដីជូនដំណឹង៥ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៣ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៥ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៦ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៤ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ១ សប្តាហ៍ agoលោក ត្រាំ ទ្រាំលែងបាន ជះសម្តីធ្ងន់ៗ ដាក់លោក ណេតាន់យ៉ាហ៊ូ ដែលបំផ្លាញផ្លូវទៅរកសន្តិភាព
-
ព័ត៌មានអន្ដរជាតិ១ សប្តាហ៍ agoពូទីន ចំណាយជាង ២៦ពាន់លានដុល្លារ ស្វែងរកវិធីពន្យារជីវិត
-
ព័ត៌មានជាតិ១ សប្តាហ៍ agoផ្លូវទៅតំបន់អេកូទេសចរណ៍អារ៉ែង ឈានទៅចាក់ក្រាលកៅស៊ូស្ទើរបញ្ចប់ ១០០%