យន្តហោះល្បាតរបស់បារាំង រងការគំរាម​និង​ការតាមដាន​ពីយោធារុស្ស៊ីនៅសមុទ្រ​បាល់​ទិក​​

យន្តហោះល្បាតដែនសមុទ្ររបស់ប្រទេស​បារាំង​ដែល​ជា​អ្នក​គាំទ្រ​អ៊ុយក្រែន​​​​ក្នុង​ជម្លោះ​ជាមួយរុស្ស៊ី រងការប៉ុនប៉ងបំភិតបំភ័យក្នុងសប្តាហ៍នេះដោយយោធារុស្ស៊ីលើសមុទ្របាល់ទិក ហើយប្រទេសបារាំងថា ឧបទ្ទវហេតុនេះមិនអាចទទួលយកបានទេ។​ យោង​តាមការ​ចេញ​ផ្សាយ​​របស់​ព័ត៌មាន​បស្ចឹមប្រទេស។​

រដ្ឋមន្ត្រីការពារជាតិបារាំង លោក Sebastien Lecornu បាននិយាយថា យន្តហោះ Atlantique-2 របស់កងទ័ពជើង​ទឹកបារាំង កំពុងធ្វើការហោះហើរតាមដាន នៅពេលដែលវាក្លាយជាជនរងគ្រោះនៃ «គំរាមកំហែង» ហើយក៏ត្រូវបានតាមដានដោយរ៉ាដានៃប្រព័ន្ធមីស៊ីល S-400 របស់​រុស្ស៊ី​។

យន្តហោះនេះកំពុងដំណើរការជាផ្នែកមួយនៃប្រតិបត្តិការរបស់​បេសកកម្ម​របស់​អង្គការ​ណាតូ​ប្រចាំ​តំបន់​​បាល់​ទិក (Baltic Sentry) ក្នុងការឆ្លើយតបទៅនឹងការសង្ស័យ ដែល​ថា​​ ការខូចខាត​នាវា​មុជ​ទឹក​​ដើ​រដោយ​ថាមពល​និង​ស្សែ​ទូរគមនាគមន៍​របស់រុស្ស៊ី។​

លោក Lecornu បាននិយាយថា៖​«សកម្មភាព​បំពានរបស់រុស្ស៊ីនេះគឺមិនអាចទទួលយកបានទេ» ដោយបន្ថែមថា ឧប្បត្តិហេតុនេះ​បានកើតឡើងពេញមួយយប់ពីថ្ងៃពុធដល់ថ្ងៃព្រហស្បតិ៍។ កងកម្លាំងប្រដាប់អាវុធរបស់យើងនឹងបន្តធ្វើសកម្មភាព​ដើម្បីការពារសេរីភាពនៃការធ្វើនាវាចរណ៍នៅក្នុងលំហអាកាស និងដែនសមុទ្រអន្តរជាតិ។

ពាក់ព័ន្ធបញ្ហានេះថ្លែងនៅក្នុងសន្និសីទសារព័ត៌មាននៅទីក្រុងប្រ៊ុចសែលកាលពីថ្ងៃព្រហស្បតិ៍ ឧត្តមសេនីយអាមេរិក Christopher Cavoli មេបញ្ជាការសម្ព័ន្ធមិត្តកំពូលរបស់អង្គការណាតូសម្រាប់អឺរ៉ុបបាននិយាយថាឧប្បត្តិហេតុបែបនេះគឺ «រីករាលដាល» និង «ធ្ងន់ធ្ងរណាស់» ៕

អត្ថបទ៖ ប៊ុន សុភាព