ព័ត៌មានអន្ដរជាតិ

លោក បៃដិន ផ្ដល់ការលើកលែងទោសដល់មនុស្ស ២ ៥០០នាក់ ច្រើនបំផុតក្នុងប្រវត្តិសាស្ត្រអាមេរិក

បានផុស

១ year មុន

នៅ

ថ្ងៃសៅរ៍ ១៨ មករា ២០២៥

ដោយ

Chheang

ប្រធានាធិបតី លោក ចូ បៃដិន បានរំសាយការកាត់ទោសមនុស្សជិត ២ ៥០០នាក់ដែលត្រូវបានកាត់ទោសពីបទឧក្រិដ្ឋកម្មមិនជាប់ពាក់ព័ន្ធនឹងគ្រឿងញៀន ដែលសេតវិមានចាត់ទុកថាជាការលើកលែងទោសដ៏ធំបំផុតក្នុងរយៈពេលត្រឹមមួយថ្ងៃ នៅក្នុងប្រវត្តិសាស្ត្រអាមេរិក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក បៃដិន បាននិយាយនៅក្នុងសេចក្តីថ្លែងការណ៍មួយកាលពីថ្ងៃទី១៧ខែមករាឆ្នាំ២០២៥ថា អ្នកដែលត្រូវបានលើកលែងទោស កំពុងរងការកាត់ទោសក្នុងរយៈពេលដ៏វែងដោយមិនស្មើភាព ហើយលោកបានហៅចំណាត់ការនេះថា «ជាជំហានដ៏សំខាន់មួយឆ្ពោះទៅរកការកែកំហុសជាប្រវត្តិសាស្ត្រ កែតម្រូវភាពខុសគ្នានៃការកាត់ទោស និងផ្តល់ឱកាសឲ្យបុគ្គលដែលសក្តិសមក្នុងការត្រឡប់ទៅគ្រួសាររបស់ពួកគេវិញ»។

លោក បៃដិន បានបន្តថា៖ «ជាមួយនឹងសកម្មភាពនេះ ឥឡូវនេះ ខ្ញុំបានចេញការលើកលែងទោស និងបន្ធូរបន្ថយទោសច្រើនជាងប្រធានាធិបតីណាណាទាំងអស់ក្នុងប្រវត្តិសាស្ត្រអាមេរិក» ដោយបន្ថែមថា លោកអាចនឹងចេញការបន្ធូរបន្ថយទោស ឬលើកលែងទោសថែមទៀត មុនពេលប្រគល់អំណាចឲ្យប្រធានាធិបតីទើបជាប់ឆ្នោតលោក ដូណាល់ ត្រាំ នៅថ្ងៃចន្ទទី២០មករា។

សូមបញ្ជាក់ថា កាលពីខែធ្នូឆ្នាំ២០២៤ លោក បៃដិន បានបន្ធូរបន្ថយទោសមនុស្សជិត ១ ៥០០នាក់ និងបានលើកលែងទោសមនុស្ស ៣៩នាក់ផ្សេងទៀត។

ក្នុងចំណោមអ្នកដែលត្រូវបានលើកលែងទោសកាលពីខែធ្នូ មានកូនប្រុសរបស់លោកឈ្មោះថា Biden Hunter ដែលកំពុងប្រឈមមុខនឹងការកាត់ទោសដាក់ពន្ធនាគារបន្ទាប់ពីត្រូវចោទពីបទឧក្រិដ្ឋកម្មកាំភ្លើង និងពន្ធ៕

ដោយ៖ ឈាង