ព័ត៌មានអន្ដរជាតិ
អាស៊ាន៖ សន្តិភាពទើបជាអាទិភាពនៅមីយ៉ាន់ម៉ា មិនមែនការបោះឆ្នោតទេ
សមាគមប្រជាជាតិអាស៊ីអាគ្នេយ៍(អាស៊ាន) បានលើកឡើងថា ផែនការរៀបចំការបោះឆ្នោតរបស់របបសឹកមីយ៉ាន់ម៉ា មិនគួរជាអាទិភាពឡើយពេលនេះចំពេលសង្គ្រាមស៊ីវិលកំពុងកើនឡើង ផ្ទុយទៅវិញអ្វីដែលសំខាន់គឺការចាប់ផ្ដើមកិច្ចសន្ទនា និងការបញ្ចប់អរិភាពជាបន្ទាន់។
រដ្ឋមន្ត្រីការបរទេសម៉ាឡេស៊ី បាននិយាយកាលពីថ្ងៃទី១៩ខែមករាឆ្នាំ២០២៥ថា អាស៊ានបានអំពាវនាវឲ្យភាគីជម្លោះក្នុងប្រទេសមីយ៉ាន់ម៉ាបញ្ឈប់ការប្រយុទ្ធគ្នា ហើយបានប្រាប់អ្នកតំណាងរបបយោធាឲ្យបញ្ឈប់ការរារាំងជំនួយមនុស្សធម៌តទៅទៀត។
លោក Mohamad Hasan បានបន្ថែមថា៖ «យើងបានប្រាប់ពួកគេថា ការបោះឆ្នោតមិនមែនជាអាទិភាពទេ។ អាទិភាពនៅពេលនេះ គឺការបញ្ឈប់ការបាញ់ប្រហារ»។
មីយ៉ាន់ម៉ា បានស្ថិតក្នុងភាពចលាចលចាប់តាំងពីដើមឆ្នាំ២០២១ នៅពេលដែលយោធាបានផ្តួលរំលំរដ្ឋាភិបាលស៊ីវិលជាប់ឆ្នោតរបស់លោកស្រី Aung San Suu Kyi ដែលបង្កឲ្យមានការតវ៉ាគាំទ្រលទ្ធិប្រជាធិបតេយ្យឈានទៅដល់ការបះបោរប្រដាប់អាវុធដែលកំពុងរីករាលដាលពេញផ្ទៃប្រទេស។
ទោះបីជាកំពុងមានការប្រយុទ្ធគ្នាជាច្រើន សេដ្ឋកិច្ចរបស់ខ្លួនដុនដាប និងគណបក្សនយោបាយរាប់សិបបក្សត្រូវបានហាមឃាត់ក៏ដោយ ក៏របបយោធាគ្រោងនឹងរៀបចំការបោះឆ្នោតនៅឆ្នាំនេះ ដែលអ្នករិះគន់បានចំអកថា វាជាការបោកប្រាស់ដើម្បីឲ្យមេបញ្ជាការរបបសឹកបន្តកាន់អំណាចតាមរយៈអាយ៉ងរបស់ខ្លួន។
សូមបញ្ជាក់ថា ម៉ាឡេស៊ី នឹងក្លាយជាម្ចាស់ផ្ទះនៃកិច្ចប្រជុំកំពូលអាស៊ាននៅឆ្នាំ២០២៥ ហើយបានប្រកាសតែងតាំងអតីតអ្នកការទូត លោក Othman Hashim ជាបេសកជនពិសេសស្តីពីវិបត្តិក្នុងប្រទេសមីយ៉ាន់ម៉ា ដែលអង្គការសហប្រជាជាតិនិយាយថា តម្រូវការមនុស្សធម៌ស្ថិតក្នុងកម្រិតគួរឲ្យព្រួយបារម្ភ ដោយមានមនុស្សជិត ២០លាននាក់ ច្រើនជាងមួយភាគបីនៃចំនួនប្រជាជនដែលត្រូវការជំនួយ។
រដ្ឋមន្ត្រីការបរទេសម៉ាឡេស៊ី បាននិយាយថា លោក Othman នឹងទៅបំពេញទស្សនកិច្ចនៅប្រទេសមីយ៉ាន់ម៉ាក្នុងពេល«ឆាប់ៗ»ខាងមុខ៕
ដោយ៖ ឈាង
-
សន្តិសុខសង្គម៥ ថ្ងៃ agoទុរេនរាប់តោននៅផ្សារភូពុយ អនុញ្ញាតឱ្យបន្តលក់ ក្រោយមន្ត្រីជំនាញប្រមូលសំណាក និងសាកសួរប្រភពនាំចូល
-
សេដ្ឋកិច្ច៣ ថ្ងៃ agoរដ្ឋាភិបាលហាមឃាត់ក្រុមហ៊ុនផលិតស្រា និងភេសជ្ជៈផ្ដល់រង្វាន់តាមក្រវិលកំប៉ុង ចាប់ពីដើមខែតុលា ឆ្នាំនេះ
-
ព័ត៌មានជាតិ១ សប្តាហ៍ agoស្ថានទូតអូស្ត្រាលីប្រចាំកម្ពុជាឆ្លើយតបនឹងហេតុការណ៍ទាហានថៃផ្ទុះអាវុធកាលពីថ្ងៃទី២៩ ខែមេសា
-
ព័ត៌មានអន្ដរជាតិ៧ ថ្ងៃ agoរដ្ឋបាលលោក ត្រាំ បកស្រាយថា «សង្គ្រាមចប់ហើយ» ដើម្បីគេចពីការសុំច្បាប់សភា
-
ព័ត៌មានជាតិ១ សប្តាហ៍ agoកុលបុត្រកុលធីតា ៣២៨រូប ចូលរួមពិធីបួសនៅវត្តព្រះឥន្ទទេព ដើម្បីតបស្នងសងគុណ និងអបអរសាទរវិសាខបូជា
-
ព័ត៌មានជាតិ២ ថ្ងៃ agoក្រសួងវប្បធម៌ ព្រមានចាត់វិធានការច្បាប់លើជនដែលនៅតែបន្តកែច្នៃ ប្រើគ្រឿងលម្អយកគំរូគ្រឿងឥស្សរិយយស«ព្រះរាជមហាកណ្ឋាភណ្ឌគ្រងរាជសម្បត្តិ»
-
ព័ត៌មានជាតិ៤ ថ្ងៃ agoអ្នកជំនាញ ទាញសញ្ញាបន្ទាត់ក្រហម វិបត្តិនយោបាយផ្ទៃក្នុងថៃអាចផ្ទេរមកជម្លោះព្រំដែនសារជាថ្មី
-
ព័ត៌មានជាតិ២ ថ្ងៃ agoថៃលុបMoU 2001៖ សម្ដេចតេជោប្រាប់ថៃថា កុំបបួលកម្ពុជាចរចាទ្វេភាគីទៀត ត្រូវដឹកដៃគ្នាទៅរកយន្តការអន្តរជាតិ