ព័ត៌មានអន្ដរជាតិ
អត្រាកំណើតនៅប្រទេសថៃ ធ្លាក់ចុះក្រោម៥០ម៉ឺននាក់ មិនធ្លាប់មានក្នុងរយៈពេល៨០ឆ្នាំ
ក្នុងឆ្នាំ២០២៤ អត្រាកំណើតថ្មីនៅប្រទេសថៃ មានចំនួនតិចជាង ៥០ម៉ឺននាក់ ដែលនេះគឺជាការធ្លាក់ចុះលើកដំបូងមិនធ្លាប់មានគិតចាប់តាំងពីឆ្នាំ១៩៤៩ ខណៈចំនួនប្រជាជនសរុបវិញ ក៏បានធ្លាក់ចុះ ១០ម៉ឺននាក់ មកនៅត្រឹម ៦៥,៩៥លាននាក់ បើទោះជារដ្ឋាភិបាលបានខិតខំប្រឹងប្រែងលើកកម្ពស់ការបង្កើតកូនតាមរយៈយុទ្ធនាការថ្នាក់ជាតិក៏ដោយ។
យោងតាមទិន្នន័យដែលចេញផ្សាយកាលពីពេលថ្មីៗនេះដោយនាយកដ្ឋានរដ្ឋបាលខេត្ត ប្រជាជនសរុបរបស់ប្រទេសថៃមានចំនួន ៦៥ ៩៥១ ២១០នាក់។ បាងកកនៅតែជាតំបន់ដែលមានប្រជាជនច្រើនជាងគេបំផុតជាមួយចំនួនប្រជាជន ៥ ៤៥៥ ០២០នាក់។
ប្រទេសអាស៊ីនេះ មានអត្រាកំណើតចំនួន ៤៦២ ២៤០នាក់ ធៀបនឹងការស្លាប់ចំនួន ៥៧១ ៦៤៦នាក់ ក្នុងឆ្នាំ២០២៤ ដោយបន្តនិន្នាការរយៈពេល៤ឆ្នាំជាប់ៗគ្នាដែលការស្លាប់មានចំនួនច្រើនជាងកំណើត។ ការចុះបញ្ជីអាពាហ៍ពិពាហ៍បានបង្ហាញពីគូស្វាមីភរិយាថ្មីចំនួន ២៦៣ ០៨៧គូ ខណៈដែលគូស្វាមីភរិយា ១៤៧ ៦២១គូ បានលែងលះគ្នាក្នុងអំឡុងពេលដូចគ្នានេះ។
ការព្យាករណ៍ប្រជាសាស្រ្ត បានបង្ហាញថា ចំនួនប្រជាជនថៃអាចធ្លាក់ចុះសល់ត្រឹម ៤០លាននាក់ក្នុងរយៈពេល ៥០ឆ្នាំខាងមុខ ពោលគឺធ្លាក់ចុះប្រហែល១លាននាក់រៀងរាល់២ឆ្នាំម្តង។
កម្លាំងពលកម្មរបស់ថៃ អាចរងផលប៉ះពាល់ធ្ងន់ធ្ងរ ដោយកម្មករបច្ចុប្បន្ន ៣៧,២លាននាក់អាចធ្លាក់ចុះមកត្រឹម ២២,៨លាននាក់ក្នុងរយៈពេល ៥ទសវត្សរ៍ខាងមុខ៕
ដោយ៖ ឈាង
-
ព័ត៌មានអន្ដរជាតិ៤ ថ្ងៃ agoអាល្លឺម៉ង់ ក្តៅខ្លាំង ដល់ថ្នាក់រលាយផ្លូវរថភ្លើងអគ្គិសនី និងប្រេះហើប ផ្លូវល្បឿនលឿន
-
សន្តិសុខសង្គម៦ ថ្ងៃ agoចាប់ខ្លួនម្ចាស់ហាង «កាកាសាឡន ក្រោយវាយធ្វើបាប និងគំរាមកាត់ម្រាមដៃជើង លើស្រ្តីមេម៉ាយបម្រើក្នុងផ្ទះ
-
កីឡា៥ ថ្ងៃ agoលោក ពេជ្រ សុផាន់ រំលឹកគុណរបស់លោក អេ ភូថង ដែលធ្លាប់ជួយខ្លួនអំឡុងឆ្នាំ២០១៤ ធ្លាក់ដល់ទាល់ច្រកអស់ផ្លូវដើរ
-
ព័ត៌មានអន្ដរជាតិ៥ ថ្ងៃ agoផ្ទុះផង បាញ់ផង ដុតផង! ភាគខាងត្បូងថៃ កំពុងចលាចល និង វឹកវរខ្លាំង
-
ព័ត៌មានជាតិ៣ ថ្ងៃ agoឱកាសសិស្សនិស្សិត! អាហារូបករណ៍ទេពកោសល្យឌីជីថលតេជោ ៦០០កន្លែង កំពុងបើកទទួលពាក្យ
-
ព័ត៌មានជាតិ៣ ថ្ងៃ agoដើម្បីបញ្ចៀសការកកស្ទះ អាជ្ញាធរខណ្ឌពោធិ៍សែនជ័យ និងក្រុមហ៊ុនកាណាស៊ីធី ចុះរុះរើរបងពង្រីកផ្លូវបន្ថែម
-
ព័ត៌មានអន្ដរជាតិ៦ ថ្ងៃ agoផ្ទុះគ្រាប់បែក នៅថៃ របួសទេសចរម៉ាឡេស៊ី ២នាក់
-
កីឡា៥ ថ្ងៃ agoតំបន់ប្រយុទ្ធបារាំងកំពុងពេញសាច់ល្អ ខណៈ Mbappé តាមស្មើគ្រាប់បាល់ Messi