ព័ត៌មានអន្ដរជាតិ

យន្តហោះបុកគ្នានៅអាមេរិក អ្នកដំណើរជាង៦០នាក់ មិនទាន់ដឹងស្លាប់ឬរស់

បានផុស

១ year មុន

នៅ

ថ្ងៃព្រហស្បតិ៍ ៣០ មករា ២០២៥

ដោយ

យន្តហោះដឹកអ្នកដំណើរមួយគ្រឿងបានបុកគ្នានៅលើអាកាសជាមួយឧទ្ធម្ភាគចក្រយោធា នៅជិតព្រលានយន្តហោះ Ronald Reagan Washington National Airport នៅយប់ថ្ងៃពុធម៉ោងនៅសហរដ្ឋអាមេរិក ត្រូវព្រឹកថ្ងៃព្រហស្បតិ៍ម៉ោងនៅកម្ពុជា។

ទិដ្ឋភាពបង្ហាញពីការជួយសង្គ្រោះរបស់ក្រុមសង្គ្រោះ។ AP

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ខណៈនេះក្រុមជួយសង្គ្រោះកំពុងស្ថិតនៅកន្លែងកើតហេតុ ដើម្បីជួយសង្គ្រោះបឋម។ មានសេចក្តីរាយការណ៍ថា យន្តហោះដឹកអ្នកដំណើរនោះមានអ្នកដំណើរ៦៤នាក់ នៅពេលកើតហេតុ។

ប៉ុន្តែមិនទាន់មានរបាយការណ៍ភ្លាមៗអំពីគ្រោះថ្នាក់ដល់ជីវិតមនុស្សប៉ុន្មាននាក់នោះទេ។

រដ្ឋបាលអាកាសចរណ៍សហព័ន្ធនៅក្នុងសេចក្តីថ្លែងការណ៍មួយបាននិយាយថា ជើងហោះហើរលេខ 5342 របស់ក្រុមហ៊ុនអាកាសចរណ៍អាមេរិច ដែលចេញដំណើរពី Wichita រដ្ឋ Kansas ទៅកាន់ទីក្រុង Washington បានបុកគ្នានៅម៉ោងប្រហែល៩យប់ នៅលើអាកាស ពេលជិតទៅដល់ផ្លូវរត់ ដោយបុកជាមួយឧទ្ធម្ភាគចក្រ Sikorsky H-60 ដែលជាយន្តហោះយោធា។

ប្រធានាធិបតី ដូណាល់ ត្រាំ បានបង្ហោះសេចក្តីប្រកាសភ្លាមៗថា៖«ខ្ញុំត្រូវបានផ្តល់ព័ត៌មានសង្ខេបស្តីពីឧបត្តិហេតុដ៏រន្ធត់ដេលកើតឡើងនៅអាកាសយានដ្ឋាន Reagan National Airport។ សូមឲ្យព្រះប្រសិទ្ធិដួងព្រលឹងរបស់ពួកគេ។ ខ្ញុំសូមអរគុណអ្នកទាំងឡាយចំពោះការងារដ៏អស្ចារ្យនេះដែលបានធ្វើដោយក្រុមឆ្លើយតបដំបូងរបស់យើង។ ខ្ញុំកំពុងតាមដានស្ថានភាព និងផ្តល់សេចក្តីលម្អិតច្រើនទៀត ពេលដែលកើតមាន»៕

Related Topics:អាមេរិកាំង