ព័ត៌មានអន្ដរជាតិ

រដ្ឋមន្ត្រីការពារជាតិអាមេរិកច្រានចោលការរិះគន់ដែលថា រដ្ឋបាលត្រាំក្បត់សម្ព័ន្ធមិត្ត

បានផុស

១ year មុន

នៅ

ថ្ងៃព្រហស្បតិ៍ ១៣ កុម្ភៈ ២០២៥

ដោយ

រដ្ឋមន្ត្រីការពារជាតិសហរដ្ឋអាមេអាមេរិកក្នុងអាណត្តិលោកដូណាល់ ត្រាំ លោក Pete Hegseth បានបញ្ជាក់ជំហរសហរដ្ឋអាមេរិកថា ខ្លួនមិនបានបានក្បត់សម្ព័ន្ធមិត្តអ៊ុយក្រែន និងអឺរ៉ុបនោះ ដោយផ្តើមចរចាជាមួយភាគីរុស្ស៊ីមុននោះ។

រដ្ឋមន្ត្រីការពារជាតិអាមេរិក លោក Pete Hegseth។ Kyiv Post

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រដ្ឋបាលលោកដូណាល់ ត្រាំ បានទទួលរងការរិះគន់វាយប្រហារខ្លាំងៗពីសំណាក់សមាជិកព្រឹទ្ធសភានិងរដ្ឋសភាអាមេរិកមកពីគណបក្សប្រជាធិបតេយ្យ ក៏ដូចជាអ្នកការទូតអឺរ៉ុបខ្លះដែលអះអាងថា សហរដ្ឋអាមេរិកបានក្បត់សម្ព័ន្ធមិត្តនិងបោះបង់អ៊ុយក្រែនចោល ដោយការផ្តើមការចរចារវាងប្រធានាធិបតីសហរដ្ឋអាមេរិក លោក ដូណាល់ ត្រាំ និង ប្រធានាធិបតីរុស្ស៊ីលោក វ៉្លាឌីមៀរ ពូទីន មុនការជជែកជាមួយសម្ព័ន្ធមិត្តណាតូ អឺរ៉ុប និងអ៊ុយក្រែនជាមុន។

រដ្ឋមន្ត្រីការពារជាតិសហរដ្ឋអាមេរិក លោក Pete Hegseth បាននិយាយថា៖«មិនមានការក្បត់នោះទេ, មានការទទួលស្គាល់ដែលថា សហរដ្ឋអាមេរិកនិងពិភពលោកទាំងមូលកំពុងប្រឹងប្រែងសម្រាប់សន្តិភាព គឺសន្តិភាពតាមរយៈការចរចា»។ នេះយោងតាមសារព័ត៌មាន Kyiv Post។
ប្រធានាធិបតីសហរដ្ឋអាមេរិក លោកដូណាល់ ត្រាំ និងប្រធានាធិបតីរុស្ស៊ី លោក វ៉្លាឌីមៀរ ពូទីន បាននិយាយគ្នាតាមទូរស័ព្ទដ៏ភ្ញាក់ផ្អើលនៅថ្ងៃពុធទី១២ខែកុម្ភៈដោយចំណាយពេលអស់៩០នាទី ដោយអះអាងថា ការយោគយល់គ្នាក្នុងការឈានទៅរកការបញ្ចប់សង្គ្រាមនៅអ៊ុយក្រែន។

ការហៅរកគ្នារបស់ប្រមុខមហាអំណាចទាំងពីរ បានកើតឡើងស្របពេលមេដឹកនាំអឺរ៉ុបនិងថ្នាក់ដឹកនាំកំពូលៗពីបណ្តាប្រទេសផ្សេងៗទៀតរហូតជាង១០០ នឹងជួបប្រជុំគ្នាក្នុងសន្និសីទសន្តិសុខនៅទីក្រុងមុយនិកប្រទេសអាល្លឺម៉ង់ចាប់ពីថ្ងៃទី១៤ដល់ថ្ងៃទី១៦ខាងមុខនេះ។

ក្រោយបញ្ចប់ការហៅទូរស័ព្ទជាមួយលោក ពូទីន ប្រធានាធិបតីសហរដ្ឋអាមេរិក លោក ដូណាល់ ត្រាំ បានទំនាក់ទំនងតាមទូរស័ព្ទជាមួយ ប្រធានាធិបតីអ៊ុយក្រែន លោក Volodymyr Zelenskyy ដោយពិភាក្សាលើប្រធានបទសំខាន់ៗដូចការជជែកជាមួយលោក ពូទីនដែរ ហើយភាគីទាំងអស់យល់ស្របគ្នាថា «ការចរចាសន្តិភាពគឺចាំបាច់»។

ប្រធានាធិបតីអ៊ុយក្រែនបានបង្ហោះតាមបណ្តាញសង្គមរបស់ខ្លួនថា អ៊ុយក្រែនត្រូវការសន្តិភាពជាងប្រទេសណាៗទាំងអស់នៅពេលនេះ ហើយលោកក៏អរគុណលោកដូណាល់ត្រាំ ដែលបានបង្កើតការសន្ទនាប្រកបដោយអត្ថន័យនេះ៕

ដោយ រ៉ាន់ រើយ