ព័ត៌មានអន្ដរជាតិ
រុស្ស៊ី៖ គម្រោងផ្លាស់ទីលំនៅប្រជាជនហ្គាហ្សារបស់ ត្រាំ ប្រៀបដូច «គ្រាប់បែកកំណត់ម៉ោង»
រុស្ស៊ី បានចេញការព្រមានយ៉ាងម៉ឺងម៉ាត់ប្រឆាំងនឹងសំណើរបស់ប្រធានាធិបតីអាមេរិក លោក ដូណាល់ ត្រាំ ក្នុងការតាំងទីលំនៅថ្មីរបស់ប៉ាឡេស្ទីនចេញពីតំបន់ហ្គាហ្សាទៅកាន់ប្រទេសជិតខាង។
រដ្ឋមន្ត្រីការបរទេសរុស្ស៊ី លោក Sergey Lavrov កាលពីថ្ងៃទី២៦កុម្ភៈបានហៅផែនការនេះថាជា «គ្រាប់បែកកំណត់ម៉ោង» ដែលអាចបង្កអស្ថិរភាពដល់មជ្ឈិមបូព៌ា ដោយសង្កត់ធ្ងន់ថា សន្តិភាពយូរអង្វែងអាចសម្រេចបានតែតាមរយៈដំណោះស្រាយរដ្ឋពីរប៉ុណ្ណោះ ដោយប៉ាឡេស្ទីនរក្សាសិទ្ធិក្នុងការរស់នៅលើទឹកដីដូនតារបស់ពួកគេ។
លោក Lavrov បាននិយាយថា៖ «ការបង្កើតរដ្ឋប៉ាឡេស្ទីនគឺជាបញ្ហាសំខាន់ ហើយបើមានការប៉ុនប៉ងធ្វើឲ្យខូចដល់ការសម្រេចចិត្តរបស់ក្រុមប្រឹក្សាសន្តិសុខទាំងនោះ ហើយជំនួសការបង្កើតរដ្ឋប៉ាឡេស្ទីនជាមួយនឹងការតាំងទីលំនៅថ្មីរបស់ប៉ាឡេស្ទីននៅទូទាំងតំបន់ វានឹងបង្កើតជាគ្រាប់បែកកំណត់ម៉ោង ដូចដែលបានកើតឡើងជាច្រើនដងក្នុងរយៈពេលជាច្រើនទស្សវត្សរ៍នៃការមិនអើពើជាមួយនឹងការទាមទារឲ្យមានដំណោះស្រាយរដ្ឋពីរ»។
សំណើដ៏ចម្រូងចម្រាសរបស់ប្រធានាធិបតី ត្រាំ ពាក់ព័ន្ធនឹងការផ្លាស់ទីលំនៅប្រជាជនប៉ាឡេស្ទីនជាង ២លាននាក់ពីតំបន់ហ្គាហ្សាស្ទ្រីបទៅកាន់ប្រទេសមួយចំនួន ដូចជា អេហ្ស៊ីប និងហ្ស៊កដានី ដោយមានគោលបំណងរៀបចំឡើងវិញនូវតំបន់ហ្គាហ្សាទៅជាតំបន់រីកចម្រើនដែលលោកស្រមៃថាជា «Riviera នៃមជ្ឈិមបូព៌ា»។ គម្រោងនេះត្រូវបានរងការរិះគន់ និងថ្កោលទោសយ៉ាងខ្លាំងពីអន្តរជាតិ។
អេហ្ស៊ីប និងហ្ស៊កដានី បានច្រានចោលផែនការតាំងទីលំនៅថ្មី ដោយអះអាងថា ពួកគេនឹងមិនរួមចំណែកតាមការចង់បានរបស់លោក ត្រាំ ឡើយ។ មេដឹកនាំប៉ាឡេស្ទីន ក៏បានបរិហារសំណើរនេះផងដែរ ដោយចាត់ទុកវាថាជាការរំលោភសិទ្ធិក្នុងការសម្រេចចិត្តដោយខ្លួនឯង និងការគំរាមកំហែងដល់អត្តសញ្ញាណជាតិរបស់ពួកគេ។
អង្គការសហប្រជាជាតិ និងសហភាពអឺរ៉ុបបានបន្ទរពីការព្រួយបារម្ភទាំងនេះ ដោយព្រមានថា ការផ្លាស់ទីលំនៅដោយបង្ខំអាចនាំឲ្យមានអស្ថិរភាព និងជម្លោះបន្ថែមទៀតនៅក្នុងតំបន់។ ទោះបីជាមានការរិះគន់យ៉ាងណាក៏ដោយ លោក ត្រាំ នៅតែអះអាងថា ផែនការរបស់លោកផ្តល់នូវវិធីសាស្រ្តថ្មីដ៏ល្អក្នុងការសម្រេចបាននូវសន្តិភាព និងការអភិវឌ្ឍនៅមជ្ឈិមបូព៌ា៕
ដោយ៖ ឈាង
ចុចអាន៖ ត្រាំ បង្ហោះវីដេអូ AI មួយពាក់ព័ន្ធនឹងគម្រោងកែប្រែហ្គាហ្សាទៅជាតំបន់កម្សាន្ត
-
ព័ត៌មានអន្ដរជាតិ៦ ថ្ងៃ agoអាល្លឺម៉ង់ ក្តៅខ្លាំង ដល់ថ្នាក់រលាយផ្លូវរថភ្លើងអគ្គិសនី និងប្រេះហើប ផ្លូវល្បឿនលឿន
-
សន្តិសុខសង្គម១ សប្តាហ៍ agoចាប់ខ្លួនម្ចាស់ហាង «កាកាសាឡន ក្រោយវាយធ្វើបាប និងគំរាមកាត់ម្រាមដៃជើង លើស្រ្តីមេម៉ាយបម្រើក្នុងផ្ទះ
-
កីឡា៦ ថ្ងៃ agoលោក ពេជ្រ សុផាន់ រំលឹកគុណរបស់លោក អេ ភូថង ដែលធ្លាប់ជួយខ្លួនអំឡុងឆ្នាំ២០១៤ ធ្លាក់ដល់ទាល់ច្រកអស់ផ្លូវដើរ
-
ព័ត៌មានអន្ដរជាតិ៧ ថ្ងៃ agoផ្ទុះផង បាញ់ផង ដុតផង! ភាគខាងត្បូងថៃ កំពុងចលាចល និង វឹកវរខ្លាំង
-
ព័ត៌មានជាតិ៥ ថ្ងៃ agoដើម្បីបញ្ចៀសការកកស្ទះ អាជ្ញាធរខណ្ឌពោធិ៍សែនជ័យ និងក្រុមហ៊ុនកាណាស៊ីធី ចុះរុះរើរបងពង្រីកផ្លូវបន្ថែម
-
ព័ត៌មានជាតិ៤ ថ្ងៃ agoឱកាសសិស្សនិស្សិត! អាហារូបករណ៍ទេពកោសល្យឌីជីថលតេជោ ៦០០កន្លែង កំពុងបើកទទួលពាក្យ
-
ព័ត៌មានអន្ដរជាតិ១ សប្តាហ៍ agoផ្ទុះគ្រាប់បែក នៅថៃ របួសទេសចរម៉ាឡេស៊ី ២នាក់
-
កីឡា៦ ថ្ងៃ agoតំបន់ប្រយុទ្ធបារាំងកំពុងពេញសាច់ល្អ ខណៈ Mbappé តាមស្មើគ្រាប់បាល់ Messi