អត្រាកំណើត​នៅ​ជប៉ុន​ធ្លាក់​ដល់​កម្រិត​ទាបំផុត​ជា​ប្រវត្តិសាស្ត្រ​

ក្រសួងសុខាភិបាលជប៉ុន បានឲ្យដឹងថា ចំនួនទារកដែលកើតក្នុងប្រទេសជប៉ុន បានធ្លាក់ចុះដល់កម្រិតទាបបំផុត​ដល់​ចំនួន​​៧២០៩៨៨នាក់ ក្នុងឆ្នាំ២០២៤ ដែលជាការធ្លាក់ចុះរយៈពេល៩​ឆ្នាំជាប់ៗគ្នា ដែលបង្ហាញពីការថយចុះនៃចំនួនប្រជាជនរបស់ប្រទេសនេះ។ នេះបើយោងតាមការចេញផ្សាយរបស់សារព័ត៌មាន CNA នៅថ្ងៃទី២៨ខែកុម្ភៈនេះ។

អត្រាកំណើតបានធ្លាក់ចុះ៥ភាគរយក្នុងឆ្នាំមុន​ ទោះបីជាមានវិធានការនៅឆ្នាំ២០២៣ ដោយរដ្ឋាភិបាលរបស់អតីតនាយករដ្ឋមន្ត្រី Fumio Kishida ក្នុងការជំរុញការមានកូនក៏ដោយ ខណៈដែលចំនួនកំណត់ត្រានៃការស្លាប់ចំនួន១.៦២ លាននាក់មានន័យថា មនុស្សច្រើនជាងពីរនាក់បានស្លាប់ច្រើនជាងទារកទើបនឹងកើត។

ទោះបីជាអត្រាមានកូននៅប្រទេសជិតខាងកូរ៉េខាងត្បូងបានកើនឡើងនៅឆ្នាំ២០២៤ជាលើកដំបូងក្នុងរយៈពេល៩ឆ្នាំក៏ដោយ ដោយសារវិធានការជំរុញមនុស្សវ័យក្មេងឱ្យរៀបការ និងមានកូន និន្នាការនៅក្នុងប្រទេសជប៉ុនមិនទាន់បង្ហាញពីការកើនឡើងនោះ​ទេ​​។

លោក Takumi Fujinami សេដ្ឋវិទូនៅវិទ្យាស្ថានស្រាវជ្រាវជប៉ុន បានឲ្យដឹងថា នៅពីក្រោយការធ្លាក់ចុះនៃការសម្រាលកូនរបស់ប្រទេសជប៉ុន គឺដោយសារមានអាពាហ៍ពិពាហ៍តិចក្នុងប៉ុន្មានឆ្នាំថ្មីៗនេះ ដែលបណ្តាលមកពីជំងឺរាតត្បាតកូវីដ​១៩​។ ទោះបីជាចំនួនអាពាហ៍ពិពាហ៍បានកើនឡើង ២.២ភាគរយដល់៤៩៩៩៩៩​​គូ​ក្នុងឆ្នាំ​២០២៤ ក៏ដោយ ប៉ុន្តែ​ អត្រាកំណើតនៅតែមានការធ្លាក់ចុះ ខណៈដែលផលប៉ះពាល់អាចបន្តនៅឆ្នាំ២០២៥នេះទៀត​។

មិនដូច​នៅ​បណ្តាប្រទេសលោកខាងលិចមួយចំនួន មានតែទារកមួយចំនួនក្នុងចំណោមទារក១០០នាក់នៅក្នុងប្រទេស​ជប៉ុន​ប៉ុណ្ណោះដែលកើតចេញពីអាពាហ៍ពិពាហ៍ ដែលបង្ហាញពីទំនាក់ទំនងកាន់តែរឹងមាំរវាងអាពាហ៍ពិពាហ៍ និងកំណើត។

ការស្ទង់មតិបង្ហាញថា យុវជនជនជាតិជប៉ុនជាច្រើនមានការស្ទាក់ស្ទើរក្នុងការរៀបការ ឬមានគ្រួសារ ដោយបាក់ទឹកចិត្តដោយសារអនាគតការងារមិនល្អ តម្លៃនៃការរស់នៅដែលកើនឡើងជាងប្រាក់ខែ និងវប្បធម៌សាជីវកម្មដែលមិនស៊ីគ្នានឹងការមានឪពុកម្តាយទាំងពីរធ្វើការ។

ចំនួនប្រជាជនរបស់ប្រទេសជប៉ុនត្រូវបានគេព្យាករណ៍ថានឹងធ្លាក់ចុះប្រហែល ៣០% មកត្រឹម ៨៧លាននាក់នៅឆ្នាំ ២០៧០ នៅពេលដែលមនុស្ស ៤ នាក់ក្នុងចំណោម ១០ នាក់នឹងមានអាយុ ៦៥ឆ្នាំឬចាស់ជាងនេះ៕

អត្ថបទ៖ ប៊ុន សុភាព