ព័ត៌មានអន្ដរជាតិ

គុណភាពខ្យល់ធ្លាក់ចុះកាន់តែអាក្រក់នៅពាសពេញរាជធានីបាងកក

បានផុស

១ year មុន

នៅ

ថ្ងៃអង្គារ ១១ មីនា ២០២៥

ដោយ

គុណភាពខ្យល់នៅក្នុងទីក្រុងបាងកកកាន់តែអាក្រក់ទៅៗ ជាពិសេសស្រុកចំនួន៥ ដែលមានកម្រិតខ្យល់ពុល PM 2.5 ខ្ពស់ជាងគេដែលមានហានិភ័យដល់សុខភាពប្រជាពលរដ្ឋ។ នេះបើយោងតាមការចេញផ្សាយរបស់ The Nation នៅថ្ងៃទី១១ខែមីនានេះ។

មជ្ឈមណ្ឌលព័ត៌មានគុណភាពខ្យល់នៃរដ្ឋបាលក្រុងបាងកក (BMA) បានឲ្យដឹងថា គុណភាពខ្យល់នៅក្នុងសង្កាត់ទាំង ៥០នៃទីក្រុងបាងកក ត្រូវបានកត់ត្រាក្នុងកម្រិតប្រភេទពណ៌លឿង ទៅពណ៌ទឹកក្រូច ឬពីមធ្យមទៅចាប់ផ្តើមប៉ះពាល់ដល់សុខភាព។

PM2.5 ជាមធ្យមនៅទូទាំងទីក្រុងនៅថ្ងៃអង្គារនេះមាន ៣៦.៨ មីក្រូក្រាមក្នុងមួយម៉ែត្រគូប (µg/m³) បន្តិចក្រោមស្តង់ដាររបស់ប្រទេសគឺ៣៧.៥ µg/m³ ក្នុងរយៈពេលជាមធ្យមបីម៉ោង (៥ ព្រឹកដល់ ៧ ព្រឹក)។

ទោះយ៉ាងណាមានស្រុកចំនួនប្រាំដែលបានរាយការណ៍ពីកម្រិតខ្ពស់បំផុតនៃ PM2.5 គឺ ស្រុកNong Chok មាន៤៩.៣ µg/m³, Bang Khun Thian មាន៤៨.៥ µg/m³, Thawi Watthana មាន៤៨.៤ µg/m³, Nong Khaem មាន៤៦.៣ µg/m³ និង ស្រុក Bang Na មាន៤២.៤ µg/m³។

គួរបញ្ជាក់ថាPM2.5 សំដៅលើភាគល្អិតល្អិតដែលមានអង្កត់ផ្ចិត ២.៥ មីក្រូម៉ែត្រ ឬតិចជាងនេះ ដែលអាចជ្រាបចូលជ្រៅទៅក្នុងសួត និងចរន្តឈាម ដែលបង្កហានិភ័យដល់សុខភាពដូចជាជំងឺផ្លូវដង្ហើម និងសរសៃឈាមបេះដូង។ប្រភពសំខាន់ៗនៃ PM2.5 រួមមានការបំភាយពីចរាចរ រោងចក្រ ភ្លើងឆេះព្រៃ និងការដុតសំណល់ពីការប្រមូលផលកសិកម្ម។

អាជ្ញាធរបានណែនាំប្រជាជនទីក្រុងបាងកកឱ្យពាក់ម៉ាស់ ចៀសវាងការចេញក្រៅផ្ទះ និងធ្វើការពីផ្ទះប្រសិនបើអាចធ្វើបាន។ លើសពីអ្នកដែលមានរោគសញ្ញាដូចជា ក្អក រមាស់ភ្នែក ឬពិបាកដកដង្ហើម គួរតែទៅជួបគ្រូពេទ្យ៕