ព័ត៌មានអន្ដរជាតិ

បាក់ធ្នឹមស្ពានផ្លូវល្បឿនលឿនក្នុងទីក្រុងបាងកកបណ្តាលឲ្យស្លាប់និងរបួសជាង៣០នាក់

បានផុស

១ year មុន

នៅ

ថ្ងៃអាទិត្យ ១៦ មីនា ២០២៥

ដោយ

យ៉ាងហោចណាស់មនុស្ស៥នាក់បានស្លាប់និង២៧នាក់ផ្សេងទៀតបានរងរបួស ក្នុងហេតុការណ៍បាក់ធ្នឹមបេតុងស្ពានលើផ្លូវល្បឿនលឿនដែលកំពុងសាងសង់ក្នុងទីក្រុងបាងកកប្រទេសថៃ។ យោងតាមការចេញផ្សាយរបស់សារព័ត៌មាន Bangkok Post។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមសេចក្តីរាយការណ៍ បានឲ្យដឹងថា ធ្នឹមបេតុងដែលកំពុងសាងសង់ផ្លូវ Rama 2 ស្ថិតនៅចម្ងាយប្រហែល២០០ម៉ែត្រ ពីច្រកចូលផ្លូវល្បឿនលឿន បានបាក់សង្កត់លើរចនាសម្ព័ន្ធផ្លូវល្បឿនលឿន ដែលមានស្រាប់ បណ្តាលឲ្យមានអ្នករងរបួស និងស្លាប់ជាច្រើននាក់ ខណៈកម្មករជាង២០នាក់នៅកន្លែងនោះក្នុងពេលបាក់ស្រុត។

ត្រឹមព្រឹកថ្ងៃទី១៥ខែមីនា កម្មករ៥នាក់ត្រូវបានគេបញ្ជាក់ថា បានស្លាប់ ហើយយ៉ាងហោចណាស់ ២៧នាក់ផ្សេងទៀតបានរងរបួស។ កិច្ចខិតខំប្រឹងប្រែងជួយសង្គ្រោះនៅតែបន្ត ដោយសារមនុស្ស២នាក់ទៀតនៅតែបាត់ខ្លួន។ វិស្វករ និងប៉ូលិសកំពុងស៊ើបអង្កេតរកមូលហេតុនៃការបាក់រលំនេះ។

ផ្លូវ Rama 2 គឺជាផ្លូវសំខាន់បំផុតដែលតភ្ជាប់ទីក្រុងបាងកកជាមួយតំបន់ភាគខាងត្បូង រួមទាំងទីក្រុងរមណីយដ្ឋាន Hua Hin ក្នុងខេត្ត Prachuap Khiri Khan។ ផ្លូវនេះជារើយៗក៏មានគ្រោះថ្នាក់ចរាចរណ៍ និង គ្រោះថ្នាក់ពីការរសាងសង់បណ្ដាលឲ្យមានអ្នកស្លាប់ផងដែរ៕