ព័ត៌មានអន្ដរជាតិ
រូបភាពអាក្រក់មើលពីជនអន្តោប្រវេសន៍លេចចេញដំបូងនៅមណ្ឌលឃុំឃាំងក្រោមការដឹកនាំរបស់ ចូ បៃដិន
រដ្ឋបាលប្រធានាធិបតី ចូ បៃដិន បាននិយាយថា ខ្លួននឹងបើកកន្លែងបន្ថែមសម្រាប់ជនចំណាកស្រុក បន្ទាប់ពីរូបភាពជាច្រើនបានលេចចេញពីមណ្ឌលឃុំឃាំងមួយនៅរដ្ឋតិចសាសដែលបង្ហាញពីកុមារបានស្នាក់នៅជុំគ្នាជាមួយមនុស្សច្រើន។
មណ្ឌលជនអន្តោប្រវេសន៍តិចសាស ដែលគ្រប់គ្រងដោយរដ្ឋាភិបាលនៅតំបន់ Donna ព្រំដែនសហរដ្ឋអាមេរិក-ម៉ិចស៊ិក ត្រូវបានគេរាយការណ៍ថា មានជនអន្តោប្រវេសន៍១ពាន់នាក់។
រូបភាពជាច្រើនបានលេចចេញជាលើកដំបូងបានបង្ហាញពីស្ថានភាពកន្លែងជនអន្តោប្រវេសន៍ចាប់តាំងពីលោក ចូ បៃដិន កាន់តំណែងប្រធានាធិបតីមក។
អ្នករិះគន់បានបន្ទោសលើលោក បៃដិន ចំពោះការកើនឡើងជនអន្តោប្រវេសន៍ចូលទៅអាមេរិក។
ចាប់តាំងពីឡើងកាន់អំណាចកាលពីខែមករាមក លោក ចូ បៃដិន បានលុបចោលគោលការណ៍រឹតត្បិតមួយចំនួនចំពោះជនអន្តោប្រវេសន៍ដែលចូលទឹកដីសហរដ្ឋអាមេរិក ដែលត្រូវបានរឹតត្បិតដោយអតីតប្រធានាធិបតី ដូណាល់ ត្រាំ។
រដ្ឋបាលរបស់លោកបានកែប្រែគោលការណ៍មួយនៃការបង្វែរកុមារដែលមិនរួមដំណើរជាមួយនៅព្រំដែន ដោយជំនួសវិញដោយដាក់ពួកគេនៅជាមួយគ្រួសារដែលទទួលបានការឧបត្ថម្ភនៅក្នុងសហរដ្ឋអាមេរិក។
កាលពីថ្ងៃចន្ទ រដ្ឋាលេខាធិការសេតវិមានទទួលបន្ទុកផ្នែកសារព័ត៌មាន អ្នកស្រី Jen Psaki បាននិយាយថា រដ្ឋាភិបាលអាមេរិកបានកំពុងធ្វើការដើម្បីផ្តល់កន្លែងស្នាក់នៅបន្ថែមទៀតសម្រាប់អ្នកមកដល់នៅក្នុងប៉ុន្មានថ្ងៃ និងសប្តាហ៍ខាងមុខ។
អ្នកស្រីថា ៖«កន្លែងសម្រាប់កុមារមានសេវាថែទាំសុខភាព អាចទទួលបានប្រភពរៀនសូត្រ ថែមទាំងប្រភពផ្នែកច្បាប់ផង»។
ការឲ្យដឹងរបស់អ្នកស្រី បានធ្វើឡើង បន្ទាប់ពីរូបភាពជាច្រើនត្រូវបានបញ្ចេញដោយសមាជិកសភារដ្ឋតិចសាសលោក Henry Cuellar ជាអ្នកប្រជាធិបតេយ្យម្នាក់ ដែលរូបភាពទាំងនោះបង្ហាញពីកុមារនៅមណ្ឌលស្នាក់នៅឯ Donna ដេកនៅលើកំរាលលើឥដ្ឋ ដែលមានគ្របភួយស្តើង។
រូបភាពដែលត្រូវបានគេដឹងបានថតកាលពីចុងសប្តាហ៍កន្លងទៅនេះក៏បានបង្ហាញពីកង្វល់ជុំវិញកង្វះនៃគម្លាតសង្គមកំឡុងពេលជំងឺរាតត្បាតកូវីដ-១៩។
មជ្ឈមណ្ឌលគ្រប់គ្រង និងបង្ការជំងឺឆ្លងសហរដ្ឋអាមេរិក (CDC)បានណែនាំឲ្យប្រជាជននៅគន្លាតពីគ្នា២ម៉ែត្រដើម្បីទប់ស្តាត់ការរីករាលដាលកូវីដ-១៩។
លោក Cuellar បាននិយាយថា អ្នកនៅកណ្តាលត្រូវបានខណ្ឌចែកជា៨ដោយដាក់ថងប្លាស្ទិក។ អ្នកស្នាក់នៅទាំងនោះមិនត្រូវបានផ្តល់សាប៊ូ ឬអាហារគ្រប់គ្រាន់ទេ។
អ្នកកាសែតមិនត្រូវបានអនុញ្ញាតឲ្យចូលទៅក្នុងមណ្ឌលឃុំឃាំងទេ ចាប់តាំងពីលោក ចូ បៃដិន កាន់តំណែង បើទោះជាសេតវិមាននិយាយថា ពួកគេអាចចូលបាន។
មេធាវីដែលតំណាងឲ្យកុមារ និងសមាជិកសភាដែលបានទៅទស្សនកិច្ចនៅកន្លែងជនអន្តោប្រវេសន៍នោះបានអត្ថាធិប្បាយថា លក្ខខណ្ឌចង្អៀតណាស់៕
ប្រែសម្រួល៖ វីរបុត្រ
ប្រភព៖ BBC
-
សេចក្ដីជូនដំណឹង៥ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៤ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៦ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៧ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៤ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៥ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ៧ ថ្ងៃ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ
-
សន្តិសុខសង្គម១ សប្តាហ៍ agoបង្ហាញមុខក្រុមជនដៃដល់សម្លាប់នារីភេទទី៣ និងអ្នកបើកតាក់ស៊ី រួចបញ្ជូនទៅកាន់តុលាការ