ព័ត៌មានអន្ដរជាតិ

ស្លាប់៤នាក់ក្នុងហេតុការណ៍បើករថយន្តបុកមនុស្សនៅរដ្ឋ Illinois សហរដ្ឋអាមេរិក

បានផុស

១៧ វិនាទី មុន

នៅ

ថ្ងៃអង្គារ ២៩ មេសា ២០២៥

ដោយ

មនុស្ស ៤នាក់ រួមទាំងកុមារម្នាក់បានស្លាប់ និងជាច្រើននាក់ផ្សេងទៀតបានរងរបួស ដោយសាររថយន្តមួយគ្រឿងបើកបុកមនុស្សនៅខាងក្រៅនិងខាងក្នុងអគារជំរំសិក្សាមួយក្នុងរដ្ឋ Illinois សហរដ្ឋអាមេរិក។ នេះបើយោងតាមការចេញផ្សាយរបស់សារព័ត៌មាន BBC នៅថ្ងៃទី២៩ខែមេសានេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រថយន្តមួយគ្រឿងបានបើកបុកមនុស្សជាច្រើននាក់នៅខាងក្រៅអគារជំរំសិក្សា YNOT After School Camp ក្នុងតំបន់ Chatham កាលពីរសៀលថ្ងៃចន្ទ បន្ទាប់មកបានបន្តបើកចូលបរិវេនអគារនោះ និងបានបុកមនុស្សជាច្រើននាក់នៅខាងក្នុងបន្ថែុមទៀត ដោយជនរងមានអាយុពី ៤ទៅ១៨ឆ្នាំ។ អ្នកស្លាប់បីនាក់ត្រូវរថយន្តបុកនៅខាងក្រៅអគារ ចំណែកជនរងគ្រោះម្នាក់ត្រូវរថយន្តបុកចូលក្នុងអគារ។

មនុស្ស៦នាក់ បានរងរបួសត្រូវបានបញ្ជូនទៅកាន់មន្ទីរពេទ្យតាមរថយន្តសង្គ្រោះ និងឧទ្ធម្ភាគចក្រ ខណៈអ្នកបើកបរមិនមានរបួសអ្វីទេ និងត្រូវបានបញ្ជូនទៅមន្ទីរពេទ្យដើម្បីធ្វើការវាយតម្លៃ។ ប៉ូលិសមិនទាន់បញ្ចេញអាយុអ្នកបើកបរនៅឡើយ ហើយការស៊ើបអង្កេតអំពីមូលហេតុដែលនាំឲ្យមានហេតុការណ៍នេះកំពុងដំណើរការនៅឡើយ។

គួរបញ្ជាក់ថាជំរុំ YNOT After School Camp ដំណើរការកម្មវិធីសម្រាប់កុមារ រួមទាំងដំណើរកម្សាន្ត និងសកម្មភាពផ្សេងៗដូចជាការឡើងភ្នំ និងការនេសាទ៕