ព័ត៌មានអន្ដរជាតិ
គីម ជុងអ៊ុន៖ កូរ៉េខាងជើងលូកដៃក្នុងសង្គ្រាមរុស្ស៊ី-អ៊ុយក្រែន ដើម្បីការពារ «ប្រជាជាតិបងប្អូន»
មេដឹកនាំកូរ៉េខាងជើង លោក គីម ជុងអ៊ុន បានប្រកាសជាសាធារណៈថា ការចូលរួមផ្នែកយោធារបស់ប្រទេសលោកនៅក្នុងជម្លោះរុស្ស៊ី និងអ៊ុយក្រែនគឺជារឿងយុត្តិធម៌ ដោយពណ៌នាថា វាជាការអនុវត្តស្របច្បាប់នៃសិទ្ធិអធិបតេយ្យភាពរបស់ក្រុងព្យុងយ៉ាងក្នុងការការពារ «ប្រជាជាតិបងប្អូន»។
យោងតាមការចុះផ្សាយរបស់ទីភ្នាក់ងារព័ត៌មានរដ្ឋ KCNA នៅថ្ងៃទី១០ឧសភា២០២៥ លោក គីម បានសរសើរទាហានកូរ៉េខាងជើងដែលបានចូលរួមក្នុងសង្គ្រាមរុស្ស៊ី-អ៊ុយក្រែន ជាពិសេសអ្នកដែលចូលរួមក្នុងប្រតិបត្តិការនៅតំបន់ Kursk ដោយដាក់ងារឲ្យពួកគេថាជាវីរបុរសជាតិ។ លោកបញ្ជាក់ថា សកម្មភាពរបស់ពួកគេគឺជាការទង្វើដ៏ត្រឹមត្រូវនៃអធិបតេយ្យភាពជាតិ និងសាមគ្គីភាពជាមួយរុស្ស៊ី។
លោក គីម ក៏បានចេញសារព្រមានដល់សហរដ្ឋអាមេរិកផងដែរ ដោយបញ្ជាក់ថា ទីក្រុងព្យុងយ៉ាងនឹងមិនស្ទាក់ស្ទើរក្នុងការអនុញ្ញាតឲ្យមានសកម្មភាពយោធា ប្រសិនបើអាមេរិកបន្តនូវអ្វីដែលលោកហៅថាជាការញុះញង់ផ្នែកយោធាប្រឆាំងនឹងរុស្ស៊ី។
កាលពីចុងខែមេសា កូរ៉េខាងជើងបានបញ្ជាក់ជាផ្លូវការថា ខ្លួនពិតជាបញ្ជូនសព្វាវុធ និងទាហានជាង១ម៉ឺននាក់ ទៅកាន់ប្រទេសរុស្ស៊ី ដោយឆ្លុះបញ្ចាំងពីទំនាក់ទំនងយោធាកាន់តែស៊ីជម្រៅរវាងប្រទេសទាំងពីរក្រោមសន្ធិសញ្ញាភាពជាដៃគូយុទ្ធសាស្ត្រដ៏ទូលំទូលាយដែលចុះហត្ថលេខាដោយលោក គីម និងប្រធានាធិបតីរុស្ស៊ី លោក វ៉្លាឌីមៀរ ពូទីន កាលពីឆ្នាំមុន។
មជ្ឈិដ្ឋានអន្តរជាតិ បានសម្តែងការព្រួយបារម្ភចំពោះការចូលរួមរបស់កូរ៉េខាងជើងនៅក្នុងជម្លោះនេះ ដោយចាត់ទុកវាជាការកើនឡើងដ៏ខ្លាំងដែលអាចធ្វើឲ្យមានអស្ថិរភាពក្នុងតំបន់បន្ថែមទៀត។ ក្រុមអ្នកវិភាគបានលើកឡើងថា ការគាំទ្ររបស់ក្រុងព្យុងយ៉ាងចំពោះទីក្រុងមូស្គូអាចមានបំណងពង្រឹងសម្ព័ន្ធភាពរបស់ខ្លួនជាមួយរុស្ស៊ី និងទទួលបានឥទ្ធិពលនៅក្នុងការចរចាការទូតនាពេលអនាគត៕
ដោយ៖ ឈាង
ចុចអាន៖ លោក ស៊ី និងលោក ពូទីន ជំរុញឲ្យអន្តរជាតិដកទណ្ឌកម្ម និងសម្ពាធយោធាលើកូរ៉េខាងជើង
-
សេចក្ដីជូនដំណឹង៦ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៤ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៦ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា១០ ម៉ោង agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
កីឡា១ សប្តាហ៍ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៥ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៦ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ១ សប្តាហ៍ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ