ព័ត៌មានអន្ដរជាតិ

ជម្លោះចិននិងអាមេរិក៖ ត្រាំចោទចិនរំលោភកិច្ចព្រមព្រៀងរ៉ែកម្រជាមួយអាមេរិក

បានផុស

៣៧ វិនាទី មុន

នៅ

ថ្ងៃសៅរ៍ ៣១ ឧសភា ២០២៥

ដោយ

ប្រធានាធិបតីអាមេរិក លោក ដូណាល់ ត្រាំ បានបង្ហោះសារចោទប្រកាន់ចិនថា បានរំលោភលើកិច្ចព្រមព្រៀងជាមួយសហរដ្ឋអាមេរិកដើម្បីដកពន្ធទៅវិញទៅមក និងការរឹតបន្តឹងពាណិជ្ជកម្មសម្រាប់រ៉ែកម្រសំខាន់ៗ ហើយបានចេញការគំរាមកំហែងដែលលាក់លៀមថ្មីមួយដើម្បីឱ្យភាពតឹងតែងផ្ទុះឡើងជាថ្មីជាមួយទីក្រុងប៉េកាំង។

ប្រធានាធិបតីសហរដ្ឋអាមេរិក លោក ដូណាល់ ត្រាំ ។ Reuters

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមបណ្តាញសង្គម Truth Social ផ្ទាល់ខ្លួនរបស់លោក លោក ត្រាំ បានលើកឡើងថា៖«ប្រហែលជាមិនគួរឱ្យភ្ញាក់ផ្អើលទេចំពោះមនុស្សមួយចំនួន ចិនបានបំពានលើកិច្ចព្រមព្រៀងរបស់ខ្លួនជាមួយសហរដ្ឋអាមេរិក។ ច្រើនណាស់សម្រាប់ការធ្វើជាបុរសល្អ!»។

ប្រធានាធិបតីសហរដ្ឋអាមេរិក ដូណាល់ ត្រាំ បានបង្ហោះសារនេះ គឺនៅ១ថ្ងៃ បន្ទាប់ពីតុលាការឧទ្ធរបានអនុញ្ញាតឲ្យរដ្ឋបាលរបស់លោកបន្តការដាក់ពន្ធលើបណ្តាប្រទេសនានាតាមអំណាចរដ្ឋបាលរបស់លោក។

លោក ដូណាល់ ត្រាំ បានបង្ហោះសារនោះ ដោយលើកឡើងថា គាត់បានធ្វើសម្រេចឲ្យធ្វើកិច្ចព្រមព្រៀងភ្លាមៗនៅពាក់កណ្តាលខែឧសភាជាមួយមន្រ្តីចិនសម្រាប់ប្រទេសទាំងពីរដើម្បីដកថយពីពន្ធបីខ្ទង់ គឺប្រមាណ១៤៥ភាគរយ សម្រាប់រយៈពេល ៩០ថ្ងៃ។ លោក ត្រាំ អះអាងថា ការសម្រេចធ្វើបែបនេះដើម្បីជួយសង្គ្រោះប្រទេសចិនពីស្ថានភាព «បំផ្លិចបំផ្លាញ» ពីការបិទរោងចក្រនិងភាពចលាចលស៊ីវិលដែលបណ្តាលមកពីពន្ធរបស់គាត់រហូតដល់ ១៤៥ភាគរយលើការនាំចូលរបស់ចិន។

ទោះបីមានការអះអាងបែបនេះ មានការកត់សម្គាល់ឃើញថា នៅមុនការសម្រេចទម្លាក់ការដាក់ពន្ធមកនៅប្រមាណ៣០ភាគរយនោះ ប្រទេសចិនបានតតាំងយ៉ាងស្វាហាប់ និងបានព្រមានលោកដូណាល់ ត្រាំថា ចិនអាចកំដរសហរដ្ឋអាមេរិក លេងក្នុងសង្គ្រាមអ្វីក៏បាន សូម្បីសង្គ្រាមពាណិជ្ជកម្មដែលអាមេរិកបង្កឡើង។

ទោះបីមានការព្រមានថ្មី ក៏លោក ត្រាំ មិនបានបញ្ជាក់ពីរបៀបដែលចិនបានរំលោភលើកិច្ចព្រមព្រៀងដែលបានធ្វើនៅទីក្រុងហ្សឺណែវ ប្រទេសស្វីស ឬចំណាត់ការអ្វីដែលលោកនឹងចាត់វិធានការប្រឆាំងនឹងទីក្រុងប៉េកាំងឡើយ។

នៅពេលត្រូវបានសួរនៅពេលក្រោយនៅថ្ងៃសុក្រនៅក្នុងការិយាល័យក្នុងវិមានប្រធានាធិបតីអំពីកិច្ចព្រមព្រៀងចិន លោក ដូណាល់ ត្រាំ បាននិយាយថា «ខ្ញុំប្រាកដថាខ្ញុំនឹងនិយាយទៅកាន់ប្រធានាធិបតី ស៊ី ហើយសង្ឃឹមថាយើងនឹងដោះស្រាយវាចេញ»៕

ដោយ រ៉ាន់ រើយ