ព័ត៌មានអន្ដរជាតិ
ពិភពលោករវល់តែរឿងបោះឆ្នោតនៅអាមេរិក ស្រាប់តួលេខឆ្លងកូវីដសរុបកើនលើស ៥០លាននាក់បាត់
គិតត្រឹមថ្ងៃអាទិត្យម្សិលមិញ ជំងឺកូវីដ ១៩ បានឆ្លងដល់មនុស្សជុំវិញពិភពលោកដល់ទៅជាង ៥០លាននាក់ហើយ។ នេះបើតាមប្រភពច្បាស់ការពីមន្ត្រីអង្គការសុខភាពពិភពលោក WHO ប្រាប់ទៅកាន់ភ្នាក់ងារព័ត៌មាន AFP កាលពីល្ងាចថ្ងៃអាទិត្យ។
ចំនួនអ្នកឆ្លងដែលបានចុះបញ្ជីផ្លូវការមាន ៥០ ០១០ ៤០០នាក់ ក្នុងនោះស្លាប់ ១ ២៥១ ៩៨០នាក់ ចាប់តាំងពីមានការផ្ទុះរាតត្បាតដំបូងចេញពីប្រទេសចិន អំឡុងខែធ្នូ ឆ្នាំ២០១៩ មក។
នៅទ្វីបអឺរ៉ុប ចំនួនអ្នកឆ្លងសរុបមានដល់ទៅ ១២,៦លាននាក់ ក្នុងនោះស្លាប់ ៣០៥ ៧០០នាក់ ខណៈពេលនេះ អឺរ៉ុបកំពុងក្លាយជាតំបន់រាតត្បាតរលកទី២ ខ្លាំងបំផុតលើពិភពលោក។
កាលពីសប្តាហ៍មុន ចំនួនអ្នកឆ្លងកូវីដថ្មីជុំវិញពិភពលោក មាន ៣,៩លាននាក់ ខណៈជាង ៥០% ស្មើប្រមាណ ២,១លាននាក់ គឺឆ្លងនៅក្នុងប្រទេសសរុបទាំង ៥២ របស់ទ្វីបអឺរ៉ុប។
ត្រឹមរយៈពេល ៧ថ្ងៃចុងក្រោយ ប្រជាជាតិអឺរ៉ុបទាំងមូល បានចុះបញ្ជីអ្នកឆ្លងថ្មីច្រើនបំផុត ក្នុងនោះ បារាំង មានអ្នកឆ្លងថ្មី ៣៨១ ០០០ករណី អ៊ីតាលី ២២៣ ០០០ករណី ចក្រភពអង់គ្លេស ១៦០ ០០០ករណី ប៉ូឡូញ ១៥៩ ០០០ករណី និងអេស្ប៉ាញ ១៤៣ ០០០ករណី។
នៅសហរដ្ឋអាមេរិកឯណេះវិញ ប៉ុន្មានថ្ងៃចុងក្រោយនៃការបោះឆ្នោតប្រធានាធិបតីដ៏ចម្រូងចម្រាស់ បានធ្វើឲ្យតួលេខឆ្លងថ្មីកើនដល់ជាង ១សែននាក់ក្នុងមួយថ្ងៃ ខណៈអាមេរិក គិតមកទល់ពេលនេះ មានករណីឆ្លងកូវីដសរុបជាង ១០លាននាក់ ស្លាប់ជាង ២៣៧ ០០០នាក់ ឈរនៅលេខរៀងទី ៥ នៃបញ្ជីប្រទេសឆ្លងច្រើនបំផុតលើលោក។
តួលេខឆ្លងថ្មីសម្រាប់សប្តាហ៍ចុងក្រោយ អំឡុងពេលបោះឆ្នោត និងរាប់សន្លឹកឆ្នោត គឺខ្ពស់ជាងសប្តាហ៍មុនដល់ទៅ ៣៦% គឺកើនពី ៥៤២ ០០០ករណី ឡើងមកដល់ ៧៣៨ ០០០ករណី។
ក្រៅពីអឺរ៉ុប ទ្វីបអាមេរិកឡាទីន និងតំបន់ការ៉ាបៀន ក៏កំពុងធ្ងន់ធ្ងរខ្លាំងជាមួយតួលេខឆ្លងសរុបជាង ១១,៦លាននាក់ ក្នុងនោះស្លាប់ ៤១១ ៧០០នាក់ ខណៈអាស៊ី ឆ្លងសរុប ១១លាននាក់ ស្លាប់ ១៧៧ ០០០នាក់៕
ប្រែសម្រួល៖ សុភា
ប្រភព៖ The Korea Times
-
ព័ត៌មានជាតិ១ សប្តាហ៍ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៦ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៣ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៤ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៣ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១ សប្តាហ៍ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម២ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៥ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង