អ៊ីស្រាអែល បើកប្រតិបត្តិការ «Black Flag» នៅយេម៉ែន វាយប្រហារក្រុមហ៊ូធី ចាស់ដៃ

កងកម្លាំងការពារអ៊ីស្រាអែល (IDF) បានបើកប្រតិបត្តិការ «Black Flag» នៅយេម៉ែន ដោយបាញ់មីស៊ីលនិងទម្លាក់គ្រាប់បែកយ៉ាងចាស់ដៃលើក្រុមសកម្មប្រយុទ្ធ ហ៊ូធី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការចុះផ្សាយរបស់ RT, រដ្ឋមន្ត្រីការពារជាតិអ៊ីស្រាអែលលោក Israel Katz បានប្រកាសពីប្រតិបត្តិការនេះ នៅព្រឹកថ្ងៃចន្ទទី៧ខែកក្កដាឆ្នាំ២០២៥ ដោយចោទក្រុមហ៊ូធីថា ជារបបភេរវកម្មបង្កគ្រោះថ្នាក់ និងជាដៃជើងរបស់អ៊ីរ៉ង់។

ក្នុងប្រតិបត្តិការ «Black Flag» អ៊ីស្រាអែលបានវាយប្រហារលើគោលដៅសំខាន់ៗដូចជាកំពង់ផែ Hodeidah, Ras Isa និង Al-Salif ព្រមទាំងរោងចក្រអគ្គិសនី Ras Katib ផងដែរ។

IDF ចោទថា ក្រុមហ៊ូធី បានប្រើកំពង់ផែទាំងនេះ ដើម្បីផ្ទេរសព្វាវុធពីរបបអ៊ីរ៉ង់ ដែលត្រូវបានជួលឲ្យធ្វើប្រតិបត្តិការភេរវករប្រឆាំងរដ្ឋអ៊ីស្រាអែលនិងសម្ព័ន្ធមិត្តរបស់ខ្លួន។

ពាក់ព័ន្ធការវាយប្រហារនេះ ក្រុមហ៊ូធីទទួលស្គាល់ថា អ៊ីស្រាអែល ពិតជាបាញ់លើកំពង់ផែទាំង៣មែន ប៉ុន្តែមិនទាន់សេចក្តីរបាយណ៍អំពីការខូចខាតឬជនរងគ្រោះនោះទេ។

សូមជម្រាបថា ក្រុមហ៊ូធី បានវាយប្រហារលើកប៉ាល់នៅសមុទ្រក្រហមតាំងពីចុងឆ្នាំ២០២៣មក ដើម្បីបង្ហាញសាមគ្គីភាពជាមួយប៉ាឡេស្ទីនក្នុងអំឡុងពេលជម្លោះនៅហ្គាហ្សា ហើយដ្បិតតែប្រធានាធិបតីអាមេរិក ដូណាល់ ត្រាំ ចុះកិច្ចព្រមព្រៀងកាលពីខែឧសភា ឲ្យក្រុមហ៊ូធីឈប់បាញ់ជាថ្នូរនឹងការផ្អាកវាយប្រហារអាកាសរបស់លោកខាងលិចក៏ដោយ ប៉ុន្តែនេះព្រមានថា ខ្លួននឹងបន្តប្រតិបត្តិការឡើងវិញ ប្រសិនបើទីក្រុងវ៉ាស៊ីនតោនគាំទ្រការវាយប្រហាររបស់អ៊ីស្រាអែលលើអ៊ីរ៉ង់។

ចាប់តាំងពីពេលនោះមក ក្រុមហ៊ូធីបានបញ្ជូនយន្តហោះគ្មានមនុស្សបើក និងបាញ់មីស៊ីលជាច្រើនគ្រឿងសំដៅប្រទេសអ៊ីស្រាអែល។ យ៉ាងណា ការសងសឹកចុងក្រោយរបស់អ៊ីស្រាអែលនេះ គឺជាសកម្មភាពយោធាដ៏ធំបំផុតមួយនៅក្នុងប្រទេសយេម៉ែន ចាប់តាំងពីការវាយប្រហារជាបន្តបន្ទាប់កាលពីខែឧសភា៕

អត្ថបទ៖ សុខ សុវណ្ណ

ចុចអាន៖ អ៊ីស្រាអែលវាយប្រហារអាកាសយានដ្ឋានសំខាន់របស់យេម៉ែន ដើម្បី​សងសឹកក្រុម​ហ៊ូធី