ព័ត៌មានអន្ដរជាតិ
ត្រាំ ប្រកាសផែនការសម្រាប់កិច្ចប្រជុំកំពូលពូទីន-ហ្សេលេនស្គី
មេដឹកនាំអាមេរិក លោក ដូណាល់ ត្រាំ បានប្រាប់ឲ្យដឹងថា លោកបានផ្តួចផ្តើមរៀបចំឲ្យមានជំនួបរវាងប្រធានាធិបតីរុស្ស៊ី លោក វ្ល៉ាឌីមៀរ ពូទីន និងសមភាគីអ៊ុយក្រែន លោក វ៉ូឡូឌីមៀរ ហ្សេលេនស្គី។
បន្ទាប់ពីពិភាក្សាជាមួយលោក ហ្សេលេនស្គី និងមេដឹកនាំអឺរ៉ុបនៅសេតវិមានកាលពីថ្ងៃចន្ទទី១៨ខែសីហាឆ្នាំ២០២៥ លោក ត្រាំ បានបញ្ជាក់ថា នៅអំឡុងពេលបិទបញ្ចប់កិច្ចប្រជុំ លោកបានហៅទូរសព្ទទៅលោក ពូទីន ដើម្បីរៀបចំដំណើរការកិច្ចចរចាទ្វេភាគី ខណៈទីតាំងមិនទាន់កំណត់នៅឡើយទេ។ បន្ថែមពីនេះ លោក ត្រាំ ក៏បានបញ្ជាក់ដែរថា ក្រោយកិច្ចប្រជុំទ្វេភាគីពូទីន-ហ្សេលេនស្គី លោកក៏នឹងរៀបចំជំនួបត្រីភាគីផងដែរ ដោយក្នុងនោះមានវត្តមានរបស់លោកនិងភាគីជម្លោះទាំងពីរ។
ក្នុងអំឡុងពេលកិច្ចប្រជុំនៅសេតវិមានដដែលនេះ លោក ត្រាំ ក៏លើកឡើងអំពីការធានាសន្តិសុខសម្រាប់អ៊ុយក្រែន ដោយសង្កត់ធ្ងន់ថា ប្រទេសអឺរ៉ុបនឹងសម្របសម្រួលជាមួយសហរដ្ឋអាមេរិក ដើម្បីផ្តល់ការធានា។
លោក ហ្សេលេនស្គី ក្រោយជំនួបនៅសេតវិមាន បានថ្លែងនៅក្នុងសន្និសីទព័ត៌មានថា លោកបានពិភាក្សាអំពីបញ្ហាជាច្រើន ដោយក្នុងនោះមានដូចជាការបញ្ជូនត្រឡប់មកវិញនូវកុមារអ៊ុយក្រែនដែលត្រូវបាននិរទេសខ្លួនដោយរុស្ស៊ី និងការធានាសន្តិសុខនាថ្ងៃអនាគត។ លោកបាននិយាយថា «សហរដ្ឋអាមេរិកកំពុងផ្តល់សញ្ញាច្បាស់លាស់ថា ខ្លួននឹងក្លាយជាអ្នកចូលរួមក្នុងការធានាសន្តិសុខសម្រាប់អ៊ុយក្រែន»។
មេដឹកនាំអ៊ុយក្រែនក៏បានបញ្ជាក់ថា លោក ត្រាំ បានស្នើឲ្យមានការជួបគ្នារវាងរូបលោក និងលោក ពូទីន «ឲ្យបានឆាប់តាមដែលអាចធ្វើទៅបាន»។ លោកបានបន្ថែមថា រុស្ស៊ី «បានស្នើឡើងដំបូងឲ្យមានជំនួបទ្វេភាគី [រវាង ពូទីន និង ហ្សេលេនស្គី] បន្ទាប់មកជាត្រីភាគី»៕
ដោយ៖ ឈាង
ចុចអាន៖ លោក ត្រាំ៖ ហ្សេលេនស្គី អាចបញ្ចប់សង្គ្រាមស្ទើរតែភ្លាមៗ បើយល់ព្រមតាមលក្ខខណ្ឌ២នេះ
-
សេចក្ដីជូនដំណឹង៧ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៥ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា១ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
ព័ត៌មានអន្ដរជាតិ៨ ម៉ោង agoឥណ្ឌា តវ៉ាយ៉ាងខ្លាំង ចំពោះអាមេរិកដែលវាយប្រហារនាវាដឹកប្រេងបណ្តាលនាវិកឥណ្ឌា ៣នាក់ស្លាប់
-
សេដ្ឋកិច្ច១ សប្តាហ៍ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoកម្ពុជា ថោ្កលទោសយោធាថៃយ៉ាងខ្លាំងក្លាដែលដុតបំផ្លាញជណ្តើរឡើងប្រាសាទខ្នារ ទីតាំងបេតិកភណ្ឌវប្បធម៌
-
ព័ត៌មានអន្ដរជាតិ១ សប្តាហ៍ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
សន្តិសុខសង្គម៦ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម