ទីក្រុងហុងកុង បិទសាលារៀន និងអាជីវកម្ម ដោយសារព្យុះ Tapah

យោងតាមការចេញផ្សាយរបស់សារព័ត៌មាន CNA ទីក្រុងហុងកុងបានបិទសាលារៀន និងអាជីវកម្មជាច្រើននៅថ្ងៃចន្ទទី ០៨ ខែកញ្ញានេះ ខណៈដែលព្យុះត្រូពិច Tapah បានបោកបក់ក្នុងចម្ងាយ ១៧០ គីឡូម៉ែត្រពីទីក្រុងនាំមកនូវខ្យល់បក់ខ្លាំង និងភ្លៀងធ្លាក់ខ្លាំង។ ​

អាជ្ញាធរទីក្រុង​ហុងកុង​បាន​ចេញ​សញ្ញា​ព្រមាន​ពី​ព្យុះទីហ្វុង​លេខ​៨ ដែលជា​សញ្ញា​ព្រមាន​កម្រិត​ខ្ពស់បំផុត​ទី​បី​របស់ខ្លួន ទោះបីព្យុះ Tapah មិនបានវាយប្រហារដោយផ្ទាល់ក៏ដោយ​។

ការដឹកជញ្ជូនសាធារណៈភាគច្រើន រួមមានសាឡាង ឡានក្រុង និងរថភ្លើង ត្រូវបានផ្អាក ខណៈពេលដែលផ្លូវរថភ្លើងដឹកជញ្ជូនដ៏ធំរបស់ទីក្រុងបានដំណើរការក្នុងល្បៀនត្រូវបានកាត់បន្ថយ។ ខ្យល់នៅជិតអាកាសយានដ្ឋានអន្តរជាតិហុងកុងបានបក់បោកក្នុងល្បឿន 101 គីឡូម៉ែត្រក្នុងមួយម៉ោង ជាមួយនឹងខ្យល់បោកបក់កាន់តែខ្លាំងឡើងដល់ 151 គីឡូម៉ែត្រក្នុងមួយម៉ោង។

ទោះបីជាមានការរអាក់រអួលក៏ដោយ ក៏ការខូចខាតបានលេចចេញជារូបរាងតិចតួចប៉ុណ្ណោះ ដោយសារផ្លូវស្ងប់ស្ងាត់ និងមិនមានរបាយការណ៍អំពីទឹកជំនន់ធ្ងន់ធ្ងរ ឬបំណាក់ដីឡើយ។

គួរបញ្ជាក់ថាព្យុះTapah បានធ្វើឲ្យមានបំណាក់​ដី​នៅ Taishan ខេត្ត Guangdong ហើយ​ត្រូវបានព្យាករណ៍​ថា​នឹង​ផ្លាស់ទី​ទៅ​ឆ្ងាយ​បន្តិច​ម្តងៗ។ ក្រៅពីនេះសាលារៀន​ជិត​ក្រុង Shenzhen ក៏ត្រូវបានបិទដើម្បី​ជា​ការ​ប្រុង​ប្រយ័ត្នផងដែរ៕

អត្ថបទ៖ ប៊ុន​ សុភាព