ការប្រយុទ្ធគ្នាដ៏ក្តៅគគុក រវាងកងទ័ពថៃ និងក្រុមផ្តាច់ខ្លួនភាគខាងត្បូង ឈានចូលថ្ងៃទី២ ខណៈមានមនុស្សស្លាប់

ការប្រយុទ្ធគ្នាដ៏ខ្លាំងក្លានៅភាគខាងត្បូងប្រទេសថៃ បានឈានចូលថ្ងៃទី២ហើយ ខណៈមានសេចក្តីរាយការណ៍អំពីមនុស្សស្លាប់។ នេះបើតាមការផ្សាយរបស់ Khaosod នៅថ្ងៃសុក្រទី១២ខែកញ្ញាឆ្នាំ២០២៥។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រយុទ្ធគ្នាយ៉ាងក្តៅគគុករវាងកងទ័ពថៃនិងក្រុមផ្តាច់ខ្លួនមូស្លីម បានផ្ទុះឡើងកាលពីថ្ងៃព្រហស្បតិ៍ក្នុងភូមិ Ban Huai Taoឃុំ Khuha ស្រុកSaba Yoi នៃខេត្ត Songkhla។

នេះគឺជាការប្រយុទ្ធទ្រង់ទ្រាយធំ ដែលចាប់ផ្តើមនៅពេលកងកម្លាំងថៃ បើកប្រតិបត្តិការកម្ចាត់ក្រុមបះបោរ ក្រោយទទួលដំណឹងថា ពួកគេលាក់ខ្លួននៅក្នុងភូមិនេះ។

ការបាញ់តដៃគ្នាបានអូសបន្លាយពេល២ថ្ងៃហើយ ខណៈក៏មានសេចក្តីរាយការណ៍អំពីមនុស្សស្លាប់ផងដែរ ប៉ុន្តែតួលេខច្បាស់ការ មិនទាន់ត្រូវបានគេបញ្ចេញនោះទេ។

មុននេះរថយន្តយោធាដែលដឹកទាហានថៃមួយក្រុម ឆ្ពោះទៅទីនោះ ដើម្បីជួយកងកម្លាំងកំពុងប្រយុទ្ធជាមួយក្រុមផ្តាច់ខ្លួនមូស្លីម ក៏បានធ្លាក់ជ្រោះនៅខេត្ត Songkhla ផងដែរ។ 

រថយន្តនោះមានដឹកទាហានថៃចំនួន៨នាក់ បានដាច់ហ្វ្រាំងធ្លាក់ជ្រោះនៅចំណុចភូមិលេខ១៦ ឃុំ Na Thawi នៃស្រុក Na Thawi។

ទោះបីជាយ៉ាងណា ទាហានទាំង៨មិនមានគ្រោះថ្នាក់ដល់ជីវិតឡើយ គ្រាន់តែរបួសប៉ុណ្ណោះ ហើយត្រូវបញ្ជូនទៅព្យាបាលនៅមន្ទីរពេទ្យស្រុក Na Thawi៕

អត្ថបទ៖ សុខ សុវណ្ណ

ចុចអាន៖ រថយន្តដឹកទាហានថៃមួយក្រុម ធ្លាក់ជ្រោះ ពេលធ្វើដំណើរទៅជួយប្រយុទ្ធនៅភាគខាងត្បូង