Connect with us

ព័ត៌មានអន្ដរជាតិ

លើក​ដំបូង​ដែល​ គីម​ ជុងអ៊ុន​ បង្ហាញ​ថា ខ្លួន​កំពុង​ប្រឈម​​នឹង​គ្រោះ​ទុរ្ភិក្ស​អាក្រក់បំផុតមិនធ្លាប់មាន

បានផុស

នៅ

មេ​ដឹក​នាំ​កូរ៉េ​ខាង​ជើង​លោក គីម ជុងអ៊ុន​ បាន​អំពាវ​នាវ​​ឲ្យ​​មាន​ការពុះ​ពារ​ដ៏​វេទនា​​​​ដើម្បី​ប្រយុទ្ធ​ប្រឆាំង​នឹង​​សេដ្ឋកិច្ច​​លំបាក​​បំផុត​​​​ជា​លើក​ដំបូង បើ​ប្រៀប​ធៀប​នឹង​គ្រោះ​​ទុរ្ភិក្ស​ទសវត្សរ៍​ឆ្នាំ​១៩៩០​ដែល​បាន​សម្លាប់​មនុស្ស​រាប់​ពាន់​នាក់។​

លោក គីម ធ្លាប់​បាន​និយាយពី​មុនថា ប្រទេស​របស់​លោក​​ប្រឈម​នឹង​ស្ថានភាព​អាក្រក់​​បំផុត​មិន​ធ្លាប់​មាន​​ដោយ​សារ​កត្តា​ជា​ច្រើន​ ក្នុង​នោះ​មាន​វិបត្តិ​កូវីដ-១៩​ ទណ្ឌកម្ម​របស់​សហរដ្ឋ​អាមេរិក និង​គ្រោះ​ធម្មជាតិ​កាល​ពី​រដូវ​ក្តៅ​មុន។

ប៉ុន្តែ​​នេះ​​​ជា​លើក​ដំបូង​ដែល​លោក​ គីម ធ្វើ​ឲ្យ​មាន​ការ​ចាប់អារម្មណ៍​​ជា​សាធារណៈ​​ជុំ​វិញ​គ្រោះ​​ទុរ្ភិក្ស​​ដ៏​ធ្ងន់​ធ្ងរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុម​អ្នក​ឃ្លាំ​មើល​កូរ៉េ​ខាង​ជើងមិន​បាន​រក​ឃើញ​សញ្ញា​ណា​មួយ​នៃ​ភាព​អត់​​ឃ្លាន​​ ឬ​គ្រោះ​មហន្តរាយ​មនុស្ស​ជាតិ​ទេ។

ប៉ុន្តែ​ការលើក​ឡើង​របស់​លោក​គីម​នៅតែ​បង្ហាញ​ថា​ លោក​មាន​ទស្សនៈ​​កម្រិត​​ណា​ពាក់​ព័ន្ធ​នឹង​ការ​លំបាក​នា​ពេល​បច្ចុប្បន្ន​ ដែល​អ្នក​ឃ្លាំ​មើល​អន្តរជាតិ​និយាយ​ថា វា​ជា​បញ្ហា​ប្រឈម​ធំ​បំផុត​​នៅ​ក្នុង​រយៈ​ពេល​៩​ឆ្នាំ​ដែលលោក​​កាន់​អំណាច។

យោង​តាម​ទី​ភ្នាក់​ងារ​សារព័ត៌មាន​មជ្ឈិម​កូរ៉េ​បានផ្សាយ​ថា​ មេ​ដឹក​នាំ​កូរ៉េ​ខាង​ជើង​លោក គីម ជុងអ៊ុន​ បាន​ប្រាប់​សមាជិក​បក្សកាល​ពី​ថ្ងៃ​ព្រហស្បតិ៍​ថា ៖«មាន​ឧបសគ្គ​ និង​ការលំបាក​ច្រើន​ណាស់​​​នៅ​ចំពោះមុខ​​យើង ហើយ​ដូច្នេះការ​តស៊ូ​របស់​​យើង​​សម្រាប់​ការ​អនុវត្ត​ចំពោះ​ការ​សម្រេច​ចិត្ត​​របស់​សមាជ​បក្ស​លើក​ទី​៨​​​​នឹង​មិន​មែន​ជាការបើក​​ធម្មតា​ទេ»។

លោក គីម និយាយ​ថា ៖«ខ្ញុំ​​បាន​សម្រេច​ចិត្ត​ស្នើ​សុំ​ដល់​​បក្ស​ពលករកូរ៉េ(​WPK)​គ្រប់​កម្រិត​ទាំង​អស់ ក្នុង​នោះ​មាន​គណកម្មាធិការ​កណ្តាល និង​ក្រុម​លេខាធិការដ្ឋាន​នៃ​បក្ស​ទាំងមូល​​ដើម្បី​​ធ្វើ​ការ​​តស៊ូ​​​ដ៏​លំបាក​ក្រែ​លែង​​​ដើម្បី​ជួយ​ប្រជា​ជន​របស់​យើង​ឲ្យ​ធូរ​ស្រាល​ពី​ការ​លំបាក សូម្បី​តិច​តួច​ក៏​ដោយ»។

សុន្ទរកថា​របស់​លោក គីម បាន​ធ្វើ​ឡើង​ក្នុង​ពិធី​បិទ​កិច្ច​ប្រជុំ​បក្ស​មួយ​ដែល​មាន​សមាជិក​​នៃ​បក្ស​កាន់​អំណាច​រាប់​ពាន់នាក់ហៅ​ក្រុម​​លេខាធិការដ្ឋាន​ជា​កោសិកា។

នៅ​ពេល​សុន្ទរកថា​បើក​កិច្ច​ប្រជុំ​​កាល​ពី​ថ្ងៃ​អង្គារ លោក​ គីម​​ បាន​និយាយ​ថា ការ​ធ្វើ​ឲ្យ​ប្រសើរ​ឡើង​នូវ​ជីវភាព​រស់​នៅ​របស់​ប្រជាជន​​ចំពោះ​បញ្ា​​​ប្រឈម​នឹង​ស្ថានភាព​លំបាក​បំផុត​មិន​ធ្លាប់​មាន​គឺ​ពឹង​លើ​កោសិកា​បក្ស​។

កំឡុង​ពេល​សមាជ​បក្ស​កាល​ពី​ខែ​មករា លោក គីម បាន​បញ្ជា​ឲ្យ​​​កសាង​សេដ្ឋកិច្ច​ដែល​គាំទ្រ​ខ្លួន​ឯង​ឲ្យ​រឹង​មាំ កាត់​បន្ថយ​​លើ​ការ​នាំ​ចូល និង​​ធ្វើ​ឲ្យ​​ផលិត​ផល​​​ប្រើ​ប្រាស់​កាន់​តែ​ច្រើន។

អ្នក​វិភាគ​បាន​និយាយ​ថា ប៉ុន្តែ​បញ្ហា​កូរ៉េ​ខាង​ជើង​គឺ​ជា​លទ្ធផល​នៃការ​គ្រប់គ្រង​មិន​ត្រឹម​ត្រូវ​រាប់ទសវត្សរ៍​​មក​ហើយ​ដែល​ដាក់​ខ្លួន​ឯង​ជា​ប្រទេស​ឯកោ និង​​ជាប់​ទណ្ឌកម្ម​សេដ្ឋកិច្ច​ជុំ​វិញ​កម្មវិធី​អាវុធ​នុយក្លេអ៊ែរ​របស់​ខ្លួន។

ទិន្នន័យ​ប្រទេស​ចិន​បង្ហាញ​ថា ពាណិជ្ជកម្ម​កូរ៉េ​ខាង​ជើង​ជា​មួយ​ចិន​​ ដែល​ជា​ដៃ​គូ​ពាណិជ្ជកម្ម​ធំ​បំផុត​ និង​ជា​អ្នក​ផ្តល់​ជំនួញ បាន​​ធ្លាក់​ចុះ​ប្រហែល​ជា​​៨០%​កាល​ពី​ឆ្នាំ​មុន បន្ទាប់​ពី​ព្រំ​ដែន​កូរ៉េ​ខាង​ជើង​ត្រូវ​បាន​បិទ​​ដើម្បី​​ទប់​សស្កាត់​ជំងឺ​កូវីដ-១៩។

ក្រុម​អ្នក​ជំនាញ​និយាយ​ថា កូរ៉េ​ខាង​ជើង​គ្មាន​ជម្រើស​អ្វី​ផ្សេង​ទេ​ ពី​ព្រោះការ​ផ្ទុះ​កូវីដ-១៩​ដ៏​ខ្លាំង​​​​បាន​ប៉ះ​ពាល់​ដល់ប្រព័ន្ធ​​ថែទាំ​សុខភាព​របស់​ខ្លួន​ដែល​ខូច​ខាត​។

អ្នក​នាំ​ពាក្យ​រង​​​ក្រសួងបង្រួប​បង្រួម​របស់​កូរ៉េ​ខាង​ត្បូង លោក Cha Deok-cheol បាន​និយាយ​កាល​ពី​ថ្ងៃ​សុក្រ​ថា មាន​សញ្ញា​ជា​ច្រើន​ដែល​ប្រទេស​កូរ៉េ​ខាង​ជើង​កំពុង​ចាត់​វិធាន​ការ​ដើម្បី​បន្ធូ​បន្ថយ​ការ​គ្រប់​គ្រងនៅ​ព្រំ​ប្រទល់​ជា​មួយ​ប្រទេស​ចិន រួម​ទាំង​​របាយការណ៍​​ផ្ទាល់​​​របស់​កូរ៉េ​ខាង​ជើង​ថា ខ្លួន​បាន​បង្កើត​កន្លែង​ការពារ​កូវីដ-១៩​នៅព្រំ​ដែន និង​បាន​អនុម័ត​ច្បាប់​ថ្មី​​ស្តីពីនាំ​ទិញ​នាំ​ចូល​សម្រាប់​​កម្ចាត់​មេរោគ៕

ប្រែ​សម្រួល៖ វីរបុត្រ
ប្រភព៖ AP

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៧ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

ព័ត៌មានអន្ដរជាតិ២ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

ព័ត៌មានអន្ដរជាតិ៧ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

កីឡា៣ ថ្ងៃ មុន

ជើងឯកម៉ុងហ្គោលី Erdene​ អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត

ព័ត៌មានជាតិ៦ ថ្ងៃ មុន

សម្តេច​​​ ហ៊ុន សែន ​៖​ ហេតុ​អ្វី​បាន​ជា​មក​ដល់​ពេល​នេះ​ហើយ​មាន​មន្ត្រី​យើង​ប្រព្រឹត្ត​បែប​នេះ​ ដោយ​ពាក់​ស្បែក​ជើង​ចូល​ក្នុង​ព្រះ​វិហារ?

Sokha Hotels

ព័ត៌មានពេញនិយម