សុខភាព
ចង់ឲ្យទម្ងន់ស្រកចុះតាមផែនការ ត្រូវព្យាយាមអនុវត្តវិធីទាំងនេះ
ការព្យាយាមសម្រកគីឡូ គឺជារឿងមួយលំបាកសម្រាប់មនុស្សយើងមួយចំនួន។ មានផលិតផលជាច្រើនដែលអះអាងថាអាចជួយសម្រកទម្ងន់បានលឿន ប៉ុន្តែផលិតផលទាំងនោះទំនងជាមិនល្អដល់សុខភាព និងអាចធ្វើយើងមានបញ្ហាផងក៏ថាបាន។ អត្ថបទនេះនឹងផ្ដោតទៅលើវិធី ថាតើត្រូវធ្វើដូចម្ដេច ទើបអាចពន្លឿនផែនការសម្រកទម្ងន់បាន។ អត្ថបទនេះនឹងនិយាយពីការកាត់បន្ថយការញ៉ាំអាហារដែលអាចធ្វើឲ្យយើងចុះទម្ងន់បានលឿន ហើយមិនឃ្លាន ប៉ុន្តែក៏ជួយឲ្យការធ្វើមេតាបូលីរបស់យើងកាន់តែប្រសើរដូចគ្នា។
១- កាត់បន្ថយជាតិស្ករ និងកាបូអ៊ីដ្រាតក្នុងរបបអាហារប្រចាំថ្ងៃ
ជំហានដំបូងអ្វីដែលយើងត្រូវធ្វើ នោះគឺត្រូវកាត់បន្ថយជាតិស្ករ និងជាតិកាបូអ៊ីដ្រាតក្នុងអាហារប្រចាំថ្ងៃ។ អាហារដែលសំបូរទៅដោយជាតិស្ករ និងកាបូអ៊ីដ្រាត ដូចជា អាហារផ្អែម អាហាររហ័ស (Fast food) ឬបាយស សុទ្ធតែជាប្រភេទអាហារភ្ញោចការផលិតអាំងស៊ុយលីន។ អាំងស៊ុយលីនគឺជាអ័រម៉ូនចម្បងធ្វើឲ្យកើនជាតិខ្លាញ់ ក្នុងរាងកាយ។ ពេលដែលកម្រិតអាំងស៊ុយលីនធ្លាក់ចុះ រាងកាយរបស់យើងនឹងមានពេលកាន់តែច្រើនក្នុងការដុតជាតិខ្លាញ់ដែលនៅក្នុងខ្លួន ជាជាងជាតិកាបូអ៊ីដ្រាត។
បន្ថយកម្រិតអាំងស៊ុយលីន ក៏អាចមានប្រយោជន៍ដល់តម្រងនោមផងដែរ ដោយបញ្ចេញជាតិសូដ្យូមដែលលើស ចេញពីរាងកាយកាន់តែច្រើនតាមទឹកនោម ធ្វើឲ្យកាត់បន្ថយការហើម និងជាតិទឹកដែលមិនចាំបាច់ចេញ។ ការកាត់បន្ថយកម្រិតញ៉ាំជាតិកាបូអ៊ីដ្រាត និងបន្ថយកម្រិតអាំងស៊ុយលីនក្នុងឈាម គឺសំខាន់ខ្លាំងណាស់ក្នុងការជួយយើងដោយស្វ័យប្រវត្តិ ឲ្យចាប់ផ្ដើមញ៉ាំចំនួនកាឡូរីតិចជាងមុន ដោយមិនមានអារម្មណ៍ថាឃ្លាន។
២- បន្ថែមជាតិប្រូតេអ៊ីន ខ្លាញ់ល្អចំពោះសុខភាពនិងបន្លែក្នុងរបបអាហារ
ជំហានទីពីរ គឺសំខាន់ណាស់ ក្នុងការបន្ថែមប្រូតេអ៊ីន ខ្លាញ់ល្អ និងបន្លែទៅក្នុងរបបអាហាររបស់យើង។ ការបំពេញរបបអាហារប្រចាំថ្ងៃដែលសំបូរទៅដោយប្រភពប្រូតេអ៊ីន ខ្លាញ់ល្អ និងបន្លែដែលមានកម្រិតកាបូអ៊ីដ្រាតទាបគឺជារឿងសំខាន់។ របបអាហារទាំងនេះនឹងជួយយើងអាចញ៉ាំជាតិកាបូអ៊ីដ្រាតក្នុងកម្រិត ណែនាំពី ២០ ទៅ៥០ក្រាមក្នុងមួយថ្ងៃដោយស្វ័យប្រវត្តិ។ គ្នាយើងភាគច្រើន អាចដឹងពីកម្រិតប្រូតេអ៊ីនដែលត្រូវញ៉ាំប្រចាំថ្ងៃបាន ដោយញ៉ាំអាហារសុខភាព។ ការសិក្សាខ្លះបានបញ្ចេញពីកម្រិតណែនាំនៅក្នុងអាហារចំពោះមនុស្សពេញវ័យ ដោយចៀសវាងការញ៉ាំប្រូតេអ៊ីនច្រើនជាង ៥៥,៥ ក្រាម ចំពោះមនុស្សប្រុស ធម្មតា ម្នាក់ និង៤៥ក្រាមចំពោះស្ត្រីធម្មតាម្នាក់។ យើងអាចរកប្រភពអាហារមានប្រូតេអ៊ីនក្នុង៖
- អាហារសមុទ្រ
- សាច់មាន់
- ទឹកដោះគោ ឈីស និងយ៉ាអួរ
- ស៊ុត
- សណ្ដែក
- សាច់ចំឡក សាច់ជ្រូក
- សណ្ដែកសៀង
- សាច់គោ មិនជាប់ខ្លាញ់ (Lean beef)
វីគួរបន្ថែមក្នុងរបបអាហារគឺ បន្លែដែលមានជាតិកាបូអ៊ីដ្រាតទាប។ ព្រោះបន្លែទាំងនោះ ជួយរាងកាយឲ្យកាន់តែមានសុខភាពល្អ ដោយនេះជាប្រភពសំខាន់របស់ ជាតិសរសៃ វីតាមីន និងជាតិរ៉ែដែលយើងត្រូវការចំពោះសុខភាព។ ការញ៉ាំបន្លែទាំងនោះគឺមិនមានកំណត់ទេ ហើយក៏មិនភ័យនឹងឡើងគីឡូដែរ។ បន្លែដែលមានជាតិកាបូអ៊ីដ្រាតទាបរួមមាន៖
- ផ្កាខាត់ណាខៀវ (Broccoli)
- ខាត់ណា
- ស្ពៃពុយឡេង
- ស្ពៃខៀវ (Kale)
- សាឡាត់
- ត្រសក់
- ដើមភ្លៅកង្កែប
៣- កាត់បន្ថយការញ៉ាំជាតិខ្លាញ់ក្នុងរបបអាហារប្រចាំថ្ងៃ
ក្រៅពីកាត់បន្ថយជាតិខ្លាញ់ពីរបបអាហារប្រចាំថ្ងៃ យើងគួរតែបន្ថែមខ្លាញ់ល្អ ឬខ្លាញ់ មិនឆ្អែតទៅក្នុងរបបអាហារវិញ ព្រោះអាចជួយឲ្យរាងកាយយើងមានថាមពលគ្រប់គ្រាន់ ហើយមិនប៉ះពាល់ដល់ទម្ងន់ខ្លួនរបស់យើងទេ។ អាហារដែលមានខ្លាញ់មិនឆ្អែត អាចធ្វើឲ្យកើនកម្រិតកូលេស្តេរ៉ូលល្អក្នុងឈាម និងបន្ថយគ្រោះគ្រោះថ្នាក់នៃជំងឺបេះដូងទៀតផង។ ដើម្បីទទួលបានខ្លាញ់ល្អក្នុងរបបអាហារយើងត្រូវ៖
- ញ៉ាំអាស៊ីដខ្លាញ់អូមេហ្គា ៣ ដែលសំបូរក្នុងត្រីសាល់ម៉ុន ត្រី Trout ត្រីស្បៃកា ស្ពៃខៀវ (Kale) ស្ពៃពុយឡេង និងគ្រាប់ធញ្ញជាតិ វ៉លណាត់។
- ត្រូវញ៉ាំខ្លាញ់ មិនឆ្អែត monounsaturated ឲ្យបានច្រើន ដែលមានប្រភព ពី គ្រាប់អាល់ម៉ុង (Almond) គ្រាប់ស្វាយចន្ទី សណ្ដែកដី និងបឺរ ដែលធ្វើពីធញ្ញជាតិទាំងនោះ និងផ្លែបឺរ (Avocados)។
មុននឹងចាប់ផ្ដើមផែនការសម្រកទម្ងន់ យើងគួរដឹងច្បាស់ពីសុខភាពខ្លួនឯងជាមុនសិន។ បញ្ហាសុខភាពខ្លះ អាចធ្វើឲ្យប៉ះពាល់ដល់សុខភាពយើងទាំងមូល នៅពេលដែលធ្វើវិធីទាំងនោះ ហើយរាងកាយក៏អាចប៉ះពាល់ដូចគ្នា៕
អត្ថបទផ្ដល់សិទ្ធិ៖ Hello គ្រូពេទ្យ
ចុចអាន៖ នៅផ្ទះក៏ហាត់បាន! ៥ក្បាច់នេះ ជួយឲ្យរាងស្អាត ចង្កេះតូច និងក្បាលពោះរាបស្មើ
ចុចអាន៖ ស្តាប់ចម្រៀងប្រភេទនេះ ជួយអ្នកហាត់ប្រាណមានស្មារតីកាន់តែក្លៀវក្លា
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង