សុខភាព

មុនសម្រេចលេបថ្នាំសម្រករាង ត្រូវដឹងផលរំខាននិងសួរពេទ្យឲ្យច្បាស់សិន

បានផុស

៨ ខែ មុន

នៅ

ថ្ងៃព្រហស្បតិ៍ ១៩ កញ្ញា ២០២៤

ដោយ

ថ្នាំបំបាត់ចំណង់អាហារអាចជួយសម្រកទម្ងន់សម្រាប់អ្នកដែលមានជំងឺធាត់ (ជួនកាលគេហៅថាថ្នាំគ្រាប់របបអាហារ)។ វាមានប្រភេទជាច្រើន ដែលធ្វើការក្នុងវិធីផ្សេងគ្នាដើម្បីកាត់បន្ថយចំណង់អាហារ ឬធ្វើឲ្យអ្នកមានអារម្មណ៍ឆ្អែតលឿន។ ថ្នាំនីមួយៗមានផលប៉ះពាល់ និងហានិភ័យផ្សេងៗគ្នា។ ជាលទ្ធផល អ្នកអាចទទួលទានកាឡូរីតិច និងស្រកទម្ងន់។

ដ្បិតថាវាពិតជាមានផលប្រយោជន៍ដោល់រាងកាយក៏ពិតមែន ប៉ុន្តែមិនថាអាហារបំប៉នឬជាប្រភេទថ្នាំគ្រាប់ សម្រាប់សម្រកទម្ងន់ពួកវាសុទ្ធតែជាការល្បួង ហើយជាការសំខាន់ណាស់ដែលត្រូវដឹងអំពីផលប៉ះពាល់អាចកើតមានចំពោះរាងកាយ។ ថ្នាំគ្រាប់ និងថ្នាំសម្រកទំងន់អាចមានផលរំខានជាច្រើន នេះជាផលរំខានទូទៅមួយចំនួន ដែលទាក់ទងនឹងអាហារបំប៉នសម្រកទម្ងន់ផ្សេងៗ។

ផលរំខានទូទៅនៃថ្នាំបំបាត់ចំណង់អាហារតាមវេជ្ជបញ្ជារយៈពេលវែងរួមមាន៖

បញ្ហារំលាយអាហារ៖ អាហារបំប៉នជាច្រើនអាចបណ្តាលឲ្យចង្អោរ រាគ ទល់លាមក និងឈឺពោះ ។

ឈឺក្បាល និងវិលមុខ៖ ទាំងនេះគឺជាផលរំខានទូទៅ ជាពិសេសជាមួយនឹងថ្នាំបំបាត់ចំណង់អាហារ។

បង្កើនអត្រាបេះដូង៖ អាហារបំប៉នមួយចំនួន ជាពិសេសថ្នាំដែលមានសារធាតុរំញោចដូចជា ជាតិកាហ្វេអ៊ីន អាចបង្កើនអត្រាបេះដូង និងសម្ពាធឈាម ។

អស់កម្លាំង និងងងុយដេក៖ អ្នកប្រើប្រាស់មួយចំនួនរាយការណ៍ថាមានអារម្មណ៍អស់កម្លាំង ឬងងុយគេងខុសពីធម្មតា។

ហានិភ័យសុខភាពធ្ងន់ធ្ងរ៖ ក្នុងករណីកម្រ ផលប៉ះពាល់ធ្ងន់ធ្ងរដូចជាបញ្ហាតម្រងនោម បញ្ហាក្រពេញទីរ៉ូអ៊ីត ជំងឺថង់ទឹកប្រមាត់ និងសូម្បីតែការគិតចង់ធ្វើអត្តឃាតក៏ត្រូវបានគេរាយការណ៍។

ផលរំខានរបស់ថ្នាំបំបាត់ចំណង់អាហារតាមវេជ្ជបញ្ជារយៈពេលខ្លី ដែលជាសារធាតុគ្រប់គ្រងរួមមាន៖

-ចង្វាក់បេះដូងលោតញាប់ ឬមិនទៀងទាត់ (tachycardia ឬ arrhythmia), វិលមុខ, អារម្មណ៍ប្រែប្រួល ដូចជាជំងឺធ្លាក់ទឹកចិត្ត ឬការថប់បារម្ភ, ការផ្លាស់ប្តូរការយល់ដឹង (ផ្លូវចិត្ត) ដូចជាការរំជើបរំជួល ការភ្លេចភ្លាំង ឬជំងឺវិកលចរិក, ចង្អោរនិងក្អួត, រាគ ឬទល់លាមក, ឈឺពោះ, ការគេងមិនលក់, ឈឺក្បាល, មាត់ស្ងួត។

ទោះបីជាយ៉ាងណាក៏ដោយ មិនមែនឲ្យតែអ្នកប្រើថ្នាំសម្រកទម្ងន់សុទ្ធតែទទួលរងហានិភ័យទាំងអ់សទេ។ ប្រសិនបើថ្នាំនោះស្របតាមវេជ្ជបញ្ជារយៈពេលវែងឬប្រើប្រាស់តាមពេទ្យណែនាំ ជាទូទៅវាមានសុវត្ថិភាព។ ចំណែកឯថ្នាំបំបាត់ចំណង់អាហារតាមវេជ្ជបញ្ជារយៈពេលខ្លីទាមទារឲ្យមានការប្រុងប្រយ័ត្នបន្ថែមទៀតនៅពេលអ្នកប្រើ ដោយសារផលប៉ះពាល់ធ្ងន់ធ្ងរដែលអាចកើតមាន និងសក្តានុពលនៃការញៀននឹងប្រើជាដើម។

ថ្នាំសម្រកមួយចំនួនក៏អាចធ្វើអន្តរកម្មជាមួយនឹងថ្នាំ រួមទាំងថ្នាំប្រឆាំងនឹងជំងឺធ្លាក់ទឹកចិត្ត និងថ្នាំប្រឆាំងនឹងការថប់បារម្ភ (anxiolytics) ឬអាចធ្វើឲ្យស្ថានភាពសុខភាពមួយចំនួនកាន់តែអាក្រក់ផងដែរ ដូចជាជំងឺលើសឈាម អារម្មណ៍មិនល្អ និងជំងឺដក់ទឹកក្នុងភ្នែកជាដើម។

ជាថ្មីម្តងទៀត អាហារបំប៉នឬថ្នាំសម្រក់នីមួយៗដំណើរការខុសគ្នា ដូច្នេះពួកគេមានហានិភ័យផ្សេងៗគ្នា។ ដូច្នេះសូមពិភាក្សាជាមួយអ្នកផ្តល់សេវាថែទាំសុខភាពរបស់អ្នកអំពីអត្ថប្រយោជន៍ និងហានិភ័យទាំងអស់នៃឱសថនីមួយៗ ប្រសិនបើអ្នកកំពុងគិតចង់ចាប់ផ្តើមថ្នាំបំបាត់ចំណង់អាហារ។