សុខភាព
នៅផ្ទះក៏ហាត់បាន! ៥ក្បាច់នេះ ជួយឲ្យរាងស្អាត ចង្កេះតូច និងក្បាលពោះរាបស្មើ
ការហាត់ប្រាណត្រង់ទីតាំងកំណត់ជាក់លាក់មួយ ទោះបីមិនអាចសម្រកទម្ងន់ តែវាជួយឲ្យចង្កេះរបស់យើងតូចជាងមុន ពោះសំប៉ែត ដោយមើលទៅ រាងស្អាត ស្វែល។
នៅផ្នែកកណ្ដាលនៃរាងកាយយើង មានពពួកសាច់ដុំ ៣ក្រុម គឺ សាច់ដុំ Transverse Abdominis សាច់ដុំ Rectus Abdominis និងសាច់ដុំ Oblique ដែលមានតួនាទីធ្វើឲ្យចង្កេះ និងពោះ មើលទៅធំ ឬតូច។ បើចង់បានរាងស្វែល និងពោះសំប៉ែត យើងគួរផ្ដោតលើការពង្រឹងសាច់ដុំទាំងនេះ តាមរយៈការហាត់ប្រាណតាមវិធីខាងក្រោមនេះ។
១. កាហាត់ប្រាណបែប V-ups
- គេងចុះលើកម្រាល សណ្ដូកជើងឲ្យត្រង់ ហើយលើកដៃឡើងលើ
- ចំកោង និងលើកដងខ្លួនឡើង ហើយលើកជើងឡើង ឲ្យវាទៅប៉ះនឹងចុងដៃ
- ត្រលប់មកជំហរដើមវិញ
- ហាត់ប្រាណដូច្នេះ ពី ១០-១២ដង
- ប្រសិនបើពិបាកខ្លាំង ប្រើជើងម្ខាងក៏បាន ហើយផ្លាស់ប្ដូរគ្នា។
២. ការហាត់ប្រាណបែប Alternate Reach and Catch
- គេងចុះលើកម្រាល ហើយបត់ជង្គង់ឡើង
- លាដៃទាំងពីរសំដៅភ្លៅឆ្វេង ហើយឆ្ពោះទៅជង្គង់
- ត្រលប់មកជំហរដើមវិញ
- ហាត់ប្រាណដូច្នេះ ពី ១០-១២ដង សម្រាប់ទាំងសងខាង។
៣. ការហាត់ប្រាណបែប High Plank With Hip Extension
- ចាប់ផ្ដើមជាមួយជំហររុញ (Push-up) ដោយដាក់ដៃក្រោមស្មា និងដាក់ខ្លួនឲ្យត្រង់ពីក្បាលដល់ចុងជើង
- រក្សាខ្លួនខាងលើឲ្យនឹង ហើយលើកជើងយឺតៗ ចេញពីកម្រាល
- លើកជើងដូច្នេះ រយៈពេល ៥ដង្ហើម ហើយត្រលប់ទៅជំហរដើមវិញ
- អនុវត្តដូច្នេះ ពី ១០-១២ដង សម្រាប់ជើងទាំងសងខាង។
៤. ការហាត់ប្រាណបែប Scissors
- គេងចុះលើកម្រាល ហើយដាក់ដៃបណ្ដោយខ្លួន
- បត់ជង្គង់ឡើងលើ ហើយលើកជើងឡើងបន្ដិច
- លើកជើងម្ខាងឡើង ក្នុងមុំ ៤៥ដឺក្រេ ហើយទម្លាក់ជើងម្ខាងទៀតចុះប្រមាណ ៥សង់ទីម៉ែត្រ ពីកម្រាល
- ផ្លាស់ប្ដូរជើងទៅវិញទៅមក។
៥. ការហាត់ប្រាណបែប Reverse Crunch
- គេងចុះលើកម្រាល ហើយដាក់ដៃបណ្ដោយខ្លួន
- បត់ជង្គង់ឡើង ក្នុងមុំ ៩០ដឺក្រេ
- ទាញជង្គង់ សំដៅទៅទ្រូង ដោយរំកិលខ្នងតិចៗ
- រំកិលខ្នង ទៅជំហរដើមវិញ
- រក្សាការបត់ជង្គង់បន្ដិច
- ការហាត់ប្រាណបែបនេះ យើងហាត់វា ស្របតាមភាពរឹងមាំរបស់យើង៕
អទ្ថបទផ្ដល់សិទ្ធិ៖ Hello គ្រូពេទ្យ
ចុចអាន៖ បើគិតថាខ្លួនធាត់ ហាត់ប្រាណតាមវិធីទាំងនេះអាចជួយឲ្យគីឡូថេរ ឬស្រកបាន
ចុចអាន៖ ការពិតទាំង៥ ទាក់ទងនឹងទ្វារមាសស្រីៗគួរដឹង
-
ព័ត៌មានជាតិ១ ថ្ងៃ agoពលរដ្ឋស្នើអាជ្ញាធរជួសជុលផ្លូវក្បែរវិមានឯករាជ្យ ក្រុងសែនមនោរម្យ ដែលរងការខូចខាតច្រើនឆ្នាំ
-
សេដ្ឋកិច្ច៧ ថ្ងៃ agoអ្នកជំនាញ៖ វិស័យអចលនទ្រព្យនៅកម្ពុជាមិនទាន់មានសញ្ញាងើបឡើងវិញរហូតដល់បច្ចុប្បន្ននេះ
-
ព័ត៌មានអន្ដរជាតិ៤ ថ្ងៃ agoយន្តហោះមីយ៉ាន់ម៉ា ទម្លាក់គ្រាប់បែកជញ្ជ្រំព្រំដែន កក្រើកដល់ដីថៃ ធ្វើឲ្យពលរដ្ឋភ័យព្រលឹងចុងសក់ ទៀតហើយ
-
ព័ត៌មានអន្ដរជាតិ១ សប្តាហ៍ agoតើឥណ្ឌាពិតជាខ្នងបង្អែកដ៏រឹងមាំ របស់អ៊ីស្រាអែល ដូចអ្វីដែលលោក ណេតាន់យ៉ាហ៊ូ អួតអាងមែនទេ?
-
ព័ត៌មានជាតិ៥ ថ្ងៃ agoលេចចេញគំរូស្ពានឆ្លងទន្លេមេគង្គ គ្រោងសាងសង់ដោយជប៉ុនតាមផ្លូវជាតិលេខ ១
-
សន្តិសុខសង្គម៥ ថ្ងៃ agoបង្ក្រាប Online Scam នៅក្រុងសិរីសោភ័ណ ឃាត់ខ្លួនយុវជនម្នាក់ បើកកន្លែងប្រតិបត្តិការឆបោកតែម្នាក់ឯង
-
ព័ត៌មានជាតិ១ សប្តាហ៍ agoកម្ពុជា UNODC និងសមាជិកមហាអនុតំបន់ទន្លេមេគង្គឆ្នាំ១៩៩៣ នឹងបន្តរួមគ្នាដោះស្រាយបញ្ហាគ្រឿងញៀនសំយោគ
-
ព័ត៌មានអន្ដរជាតិ១ សប្តាហ៍ agoមានការផ្ទុះគ្រាប់បែក ក្បែរសណ្ឋាគារលោក Macron ស្នាក់នៅ អំឡុងដំណើរទស្សនកិច្ច ប្រទេសស៊ីរី