សុខភាព
ស្វែងយលពីជំងឺចំហសរសៃឈាមបេះដូង
ជំងឺចំហសរសៃឈាមបេះដូងពីសរសៃឈាមអាអ័ក (Aorte) ទៅសរសៃឈាមសួត គឺជាស្ថានភាពមួយដែលសរសៃបេះដូងនេះវាបរាជ័យក្នុងការបិទ បន្ទាប់ពីទារកកើតចេញពីផ្ទៃ។ សរសៃឈាមភ្ជាប់ពីសរសៃអាអក (Aorte) ទៅសរសៃឈាមសួត (Artère pulmonaire) នេះវាបិទ បន្ទាប់ពីសម្រាល (ករណីធម្មតា)។
ក្នុងករណីវានៅចំហ វាដើរតួជាផ្លូវនាំឈាមពីសរសៃអាអក (Aorte) ទៅសរសៃឈាមសួត (Artère pulmonaire) ដែលនាំឲ្យលើសបរិមាណឈាមក្នុងសរសៃឈាមសួត។ ជាលទ្ធផលសរសៃឈាមសួតរីកធំ (Dilatation de l’artère pulmonaire) និងឡើងសម្ពាធឈាមសួត (Hypertension pulmonaire) នាំឲ្យវាសង្កត់ទៅលើទងសួតរបស់កុមារ ធ្វើឲ្យកុមារហត់ (Dyspnée) ព្រមទាំងរលាកទងសួត (Bronchite) និងសួត (Pneumonie) ញឹកញាប់ជាងក្មេងធម្មតា។
ក) រោគសញ្ញាកុមារអាចមាន៖
– បេះដូងដើរញាប់ (Palpitation)
– ហត់ (Dyspnée)
– រលាកទងសួត (Bronchite) និងរលាកសួត (Pneumonie) ដែលមានអាការៈ ក្អក ក្តៅខ្លួន ស្លេស
– លូតលាស់យឺត (Retard de croissance)
– ស្តាប់ឭសំឡេងដូចផ្លុំខ្យល់ក្នុងបំពង់ក្រោមឆ្អឹងដងកាំបិតខាងឆ្វេង (Souffle continue sous clavière gauche)
ខ) មូលហេតុ៖
– កើតមិនគ្រប់ខែ (Prématurée)
– ម្តាយមានជំងឺស្អូចពេលមានផ្ទៃពោះ (Rougeole)
– ជំងឺតពូជមួយចំនួន (Maladie héréditaire)
គ)ការធ្វើរោគវិនិច្ឆ័យ៖
ការធ្វើអេកូបេះដូង (Echocardiographie) គឺជាការធ្វើរោគវិនិច្ឆ័យ ដែលអាចកំណត់បានទំហំរបស់វាយ៉ាងងាយ ស្រួល។
ឃ) ការព្យាបាល៖
– សម្រាប់ទារកទើបកើត និងទារកមិនគ្រប់ខែ (Prématurée) គ្រូពេទ្យអាចព្យាបាលដោយប្រើថ្នាំដើម្បីបិទ សរសៃឈាមនេះ។
– សម្រាប់កុមារ និងមនុស្សធំៈ
• ធ្វើការបិទសរសៃឈាមនេះ ដោយការវះកាត់ចងសរសៃ (Ligature CA)
• ធ្វើការបិទដោយប្រើមធ្យោបាយទំនើប ដោយមិនធ្វើការវះកាត់ (ដាក់ឆ្នុក) (Occlusion CA par prothèse)
– ជារួមៈ មាតាបិតាទាំងឡាយគួរប្រុងប្រយ័ត្ននៅពេល៖
• ទារកកើតមកមិនគ្រប់ខែ (Prématurée)
• មិនឡើងទម្ងន់
• ក្តៅខ្លួន ក្អក ស្លេសញឹកញាប់
• មានសំឡេងដូចផ្លុំក្នុងបំពង់ពេលស្តាប់បេះដូងរបស់កូន
ប្រសិនបើកូនរបស់លោកអ្នកមានរោគសញ្ញា ឬអាការៈដូចបានជម្រាបជូនខាងលើ សូមនាំពួកគាត់មកមន្ទីរពេទ្យកាល់ម៉ែត ដើម្បីទទួលការធ្វើរោគវិនិច្ឆ័យ និងព្យាបាលឲ្យទាន់ពេលវេលា៕
អត្ថបទ៖ រស្មី
សូមចុចអាន៖ ហេតុអ្វីបានជាកើតជំងឺមហារីកកូនកណ្តុរ!
-
កីឡា១២ ម៉ោង agoបារាំង ចប់ដំណើរនៅ World Cup 2026 ក្រោមថ្វីជើង អេស្ប៉ាញ ២-០ វគ្គ ១/២ ផ្តាច់ព្រ័ត្រ
-
ព័ត៌មានជាតិ២ ថ្ងៃ agoពលរដ្ឋស្នើអាជ្ញាធរជួសជុលផ្លូវក្បែរវិមានឯករាជ្យ ក្រុងសែនមនោរម្យ ដែលរងការខូចខាតច្រើនឆ្នាំ
-
សេដ្ឋកិច្ច១ សប្តាហ៍ agoអ្នកជំនាញ៖ វិស័យអចលនទ្រព្យនៅកម្ពុជាមិនទាន់មានសញ្ញាងើបឡើងវិញរហូតដល់បច្ចុប្បន្ននេះ
-
ព័ត៌មានអន្ដរជាតិ៥ ថ្ងៃ agoយន្តហោះមីយ៉ាន់ម៉ា ទម្លាក់គ្រាប់បែកជញ្ជ្រំព្រំដែន កក្រើកដល់ដីថៃ ធ្វើឲ្យពលរដ្ឋភ័យព្រលឹងចុងសក់ ទៀតហើយ
-
ព័ត៌មានជាតិ៦ ថ្ងៃ agoលេចចេញគំរូស្ពានឆ្លងទន្លេមេគង្គ គ្រោងសាងសង់ដោយជប៉ុនតាមផ្លូវជាតិលេខ ១
-
សន្តិសុខសង្គម៦ ថ្ងៃ agoបង្ក្រាប Online Scam នៅក្រុងសិរីសោភ័ណ ឃាត់ខ្លួនយុវជនម្នាក់ បើកកន្លែងប្រតិបត្តិការឆបោកតែម្នាក់ឯង
-
ព័ត៌មានជាតិ១ សប្តាហ៍ agoកម្ពុជា UNODC និងសមាជិកមហាអនុតំបន់ទន្លេមេគង្គឆ្នាំ១៩៩៣ នឹងបន្តរួមគ្នាដោះស្រាយបញ្ហាគ្រឿងញៀនសំយោគ
-
សេដ្ឋកិច្ច១ សប្តាហ៍ agoកម្ពុជា ដាក់ទិសដៅធ្វើឱ្យកាន់តែប្រសើរឡើងនូវប្រព័ន្ធភស្តុភារកម្ម ជំរុញកំណើនពាណិជ្ជកម្ម ទាក់ទាញការវិនិយោគ