សុខភាព

កុំគិតថាមិនអី! កង្វះវីតាមីន A នាំឲ្យមានជំងឺទាំងនេះកើតឡើងលើរាងកាយកាន់តែយ៉ាប់យ៉ឺន

បានផុស

៤ years មុន

នៅ

ថ្ងៃអង្គារ ១៥ មិថុនា ២០២១

ដោយ

វីតាមីន A គឺជាវីតាមីនសំខាន់មួយចាំបាច់សម្រាប់ថែរក្សាមុខងាររាងកាយជាច្រើន ដូចជាចក្ខុ ប្រព័ន្ធភាពស៊ាំ សុខភាពបន្តពូជនិងការថែរក្សាស្បែក។

ក្នុងករណីកង្វះវីតាមីនសំខាន់នេះ រាងកាយអាចជួបនឹងការស្រូបយកជាតិខ្លាញ់មិនគ្រប់គ្រាន់។ ភាពស៊ាំជាទូទៅអាចកាន់តែយ៉ាប់យ៉ឺន ហើយភាពពិការភ្នែកពេលយប់អាចលេចឡើងដោយសារកង្វះវីតាមីន A។

១ ភ្នែកស្ងួត

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អសមត្ថភាពក្នុងការផលិតទឹកភ្នែក បណ្ដាលឲ្យភ្នែកស្ងួតគឺជាសញ្ញាទូទៅនៃកង្វះវីតាមីន A។ ប្រសិនបើមិនត្រូវបានយកចិត្តទុកដាក់ទេ ស្ថានភាពនេះក៏អាចបណ្ដាលឲ្យងងឹតភ្នែកឬងាប់ដែរ។

២ ស្បែកស្ងួតនិងរមាស់

វីតាមីន A ជួយក្នុងការបង្កើតនិងជួសជុលកោសិកាស្បែក។ ដូច្នេះកង្វះវីតាមីននេះ អាចនាំឲ្យមានបញ្ហាស្បែកដូចជាជំងឺស្បែក។ ស្ថានភាពនេះបណ្ដាលឲ្យស្បែកស្ងួតរមាស់និងរលាក។ ការកើតមុនគឺជាសញ្ញានៃកង្វះវីតាមីន A ផងដែរ ព្រោះការទទួលទានឬផលិតវីតាមីន A គ្រប់គ្រាន់ ទើបអាចជួយទប់ស្កាត់ការរលាកស្បែក។

៣ មានបញ្ហាបន្តពូជ

ពិបាកក្នុងការមានផ្ទៃពោះអាចជាសញ្ញានៃកង្វះវីតាមីន A ព្រោះបរិមាណវីតាមីននេះ គ្រប់គ្រាន់ទើបអាចធ្វើឲ្យមានកូន។ វីតាមីន A គឺមានសារៈសំខាន់សម្រាប់ការផ្ដល់នូវសារធាតុប្រឆាំងអុកស៊ីតកម្មដល់រាងកាយ ព្រោះវាជួយកាត់បន្ថយភាពតានតឹងក្នុងអុកស៊ីតកម្មមានសារៈសំខាន់ជំនួយដល់ការមានកូន។

៤ កំណើនក្រិន

វីតាមីន A គឺចាំបាច់សម្រាប់ការអភិវឌ្ឍរាងកាយមនុស្ស និងកុមារដែលមិនលូតលាស់គ្រប់គ្រាន់ឬរាងកាយក្រិន។

៥ ការឆ្លងមេរោគលើទ្រូងនិងបំពង់ក

ក្នុងករណីដែលអ្នកមានការឆ្លងមេរោគញឹកញាប់នៅក្នុងតំបន់ទ្រូងនិងបំពង់ក នេះអាចជាសញ្ញានៃកង្វះវីតាមីន A។ វីតាមីននេះមានប្រយោជន៍ក្នុងការការពារប្រឆាំងនឹងការឆ្លងមេរោគផ្លូវដង្ហើម និងបង្កើតប្រព័ន្ធការពាររាងកាយទាំងមូល។

៦ អសមត្ថភាពព្យាបាលមុខរបួស

ក្នុងករណីដែលស្នាមរបួសមិនងាយជាសះស្បើយ បន្ទាប់ពីរងរបួសឬការវះកាត់អស់ពេលយូរ។ បញ្ហានេះអាចត្រូវបានគេសន្មតថាមានកម្រិតវីតាមីន A ទាបក្នុងខ្លួន។ វីតាមីន A ជំរុញការបង្កើតកូឡាជែន ដែលចាំបាច់សម្រាប់សុខភាពស្បែកនិងការបង្កើតកោសិកាឡើងវិញ៕

ប្រែសម្រួល៖ សាង ស្រីល័ក្ខ

ប្រភព៖healthshots

ចុចអាន៖ចង់ឲ្យសាច់ដុំកាន់តែល្អ មិនងាយឈឺ ញ៉ាំវីតាមីនប៉ុន្មានមុខនេះ ល្អបំផុត

ចុចអាន៖វីតាមីនចម្រុះអាចមានគ្រោះថ្នាក់ដល់ជីវិត បើសិនប្រើដោយគ្មានការចាំបាច់

ចុចអាន៖ផ្លែគូលេនតូចៗចឹងសោះ! តែមានអត្ថប្រយោជន៍ដល់សុខភាពរាប់មិនអស់