សុខភាព
ត្រីខកំប៉ុងមានប្រយោជន៍ច្រើនចំពោះសុខភាព បើហូបតាមវិធីត្រឹមត្រូវមិនលើសកម្រិត
ការហូបអាហារកំប៉ុង មិនមែនជាការដាក់ទណ្ឌកម្មដល់រាងកាយទេ។ ប្រសិនបើយើងហូបវាតាមវិធីត្រឹមត្រូវ យើងអាចទទួលបានអត្ថប្រយោជន៍យ៉ាងច្រើន ពីត្រីខកំប៉ុងផងដែរ។
អាហារកំប៉ុងភាគច្រើនត្រូវបានគេមើលឃើញថា មិនសូវមានជីវជាតិ ប៉ុន្តែតាមពិតទៅសម្រាប់ត្រីកំប៉ុង មានតម្លៃនៃសារធាតុចិញ្ចឹមក្នុងសាច់ត្រី ហើយត្រូវបានគេចាត់ទុកថា ជាអាហារមួយប្រភេទដែលផ្តល់សារធាតុចិញ្ចឹមដល់រាងកាយ ក្នុងគ្រាអាសន្ន។
១ ប្រូតេអ៊ីន សាច់ត្រីកំប៉ុងគឺជាប្រូតេអ៊ីនដែលអាចរំលាយបានយ៉ាងងាយស្រួល ជួយពង្រឹងសាច់ដុំ និងចិញ្ចឹមរាងកាយនៅពេលអស់កម្លាំង។
២ អូមេហ្គា ៣ មានពីត្រីសមុទ្រ ដើម្បីចិញ្ចឹមខួរក្បាល កាត់បន្ថយហានិភ័យជំងឺបេះដូង។
៣ ផ្ទុកនូវសារធាតុ Taurine ជួយក្នុងដំណើរការនៃប្រព័ន្ធសរសៃប្រសាទសាច់ដុំ និងផ្លាកែត។ ប្រសិនបើកុមារមិនទទួលបាន Taurine គ្រប់គ្រាន់ទេ អាចមានផលប៉ះពាល់ដល់ការអភិវឌ្ឍខួរក្បាល ជាពិសេសកុមារដែលផឹកទឹកដោះគោតិច។ taurine ក៏ជួយកាត់បន្ថយហានិភ័យនៃជំងឺបេះដូង ជួយបញ្ចេញកូលេស្តេរ៉ុលអាក្រក់ ចេញពីរាងកាយ។ ជួយការពារជំងឺរលាកថ្លើម ជួយគ្រប់គ្រងជាតិស្ករចំពោះអ្នកដែលមានជំងឺទឹកនោមផ្អែម។ វាជួយធ្វើឲ្យឈាមរត់បានស្រួលនិងជួយការពារជំងឺធ្លាក់ទឹកចិត្ត។
៤ អាស៊ីតលីណូលីក កាត់បន្ថយការស្ទះជាតិខ្លាញ់នៅក្នុងសសៃឈាម ចិញ្ចឹមខួរក្បាល ការពារការស្ទះសរសៃឈាម។
៥ វាក៏មានសារធាតុចិញ្ចឹមដូចជា ខ្លាញ់ កាល់ស្យូម ម៉ាញ៉េស្យូម ផូស្វ័រ ប៉ូតាស្យូម ស័ង្កសី ទង់ដែង ម៉ង់ហ្គាណែស អាវីតាមីន D វីតាមីន E វីតាមីន K វីតាមីន B ៦ វីតាមីន B ៩ និងវីតាមីន B ១២ ។
៦ លីកូប៉ែន ដោយសារទឹកប៉េងប៉ោះដែលមានក្នុងកំប៉ុង មានផ្ទុកសារធាតុប្រឆាំងអុកស៊ីតកម្ម និងកាត់បន្ថយការរលាកនៅក្នុងរាងកាយ ដែលជាមូលហេតុមួយនៃជំងឺពុកឆ្អឹង។
គ្រោះថ្នាក់នៃត្រីកំប៉ុង
ថ្វីត្បិតតែត្រីកំប៉ុង មានសារធាតុចិញ្ចឹមល្អសម្រាប់សុខភាពក៏ដោយ ប៉ុន្តែគេរកឃើញថា ការដាក់គ្រឿងក្នុងត្រីកំប៉ុងធ្វើឲ្យមានជាតិសូដ្យូមខ្ពស់។ យោងតាមនាយកដ្ឋានសុខភាពក្រសួងសុខាភិបាល បានរកឃើញថា ត្រី ១កំប៉ុងមានទម្ងន់ ៨៥ ក្រាម មានផ្ទុកជាតិសូដ្យូមរហូតដល់ ៣០០ មិល្លីក្រាម ឬស្មើនឹង ១ ភាគ ៧ នៃចំនួនដែលរាងកាយត្រូវការជារៀងរាល់ថ្ងៃ។ ប្រសិនបើហូបច្រើនពេក នេះគឺជាកត្តាហានិភ័យនៃជំងឺតម្រងនោម និងជំងឺរ៉ាំរ៉ៃជាច្រើន។
ជាពិសេស មនុស្សដែលមានអាឡ័កស៊ីទៅនឹងគ្រឿងសមុទ្រ មនុស្សចាស់និងកុមារនៅអាយុនេះ មិនត្រូវបរិភោគត្រីកំប៉ុងច្រើនទេ។ កុំហូបលើសពី ២-៣ ដងក្នុងមួយសប្ដាហ៍។ កុំបន្ថែមគ្រឿងទេសដែលមានជាតិប្រៃច្រើន ឬមិនត្រូវចម្អិនប្រៃ ព្រោះវាមានមាតិកាសូដ្យូមខ្ពស់។ បន្ថែមបន្លែផ្សេងទៀត ដើម្បីបន្ថែមសារធាតុចិញ្ចឹមដល់ការចម្អិនអាហាររបស់អ្នក។ ជ្រើសរើសត្រីកំប៉ុងដែលមានលក្ខខណ្ឌល្អ មិនមានស្នាមប្រេះ គ្មានការលេចធ្លាយឬច្រែះ និងសង្កេតមើលកាលបរិច្ឆេទផុតកំណត់មុនពេលហូប។ ប្រសិនបើអ្នកមានអារម្មណ៍ថារសជាតិ ពណ៌ ក្លិន មិនធម្មតាទេ សូមកុំហូបវា៕
ប្រែសម្រួល៖ សាង ស្រីល័ក្ខ
ចុចអាន៖ញ៉ាំអាហារកំប៉ុងកំប៉ឹតសម្បក អាចមានស្ថានភាពសុខភាពបែបនេះ
ចុចអាន៖បន្លែជាឱសថ ៥ មុខ ងាយស្រួលរក និងអាចព្យាបាលជំងឺជាច្រើនប្រភេទ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង