មិនមែនសុទ្ធតែអាក្រក់ទេ បាក់តេរី ២ប្រភេទល្អ មានប្រយោជន៍ខ្លាំងសម្រាប់កូនៗ
Connect with us
Helistar Cambodia - Helicopter Charter Services

សុខភាព

មិនមែនសុទ្ធតែអាក្រក់ទេ បាក់តេរី ២ប្រភេទល្អ មានប្រយោជន៍ខ្លាំងសម្រាប់កូនៗ

បានផុស

នៅ

ឲ្យ​តែ​ឮ​ពាក្យ​ថា​បាក់តេរីគ្នា​យើង​ច្បាស់​ជា​នាំ​គ្នា​ភិត​ភ័យ ខ្លាច​ឆ្លង​រាល​ដាល​ប៉ះពាល់​សុខភាព និង​រាង​កាយ ប៉ុន្តែ​ថ្ងៃ​នេះ “Hello គ្រូពេទ្យ” នឹង​ណែ​នាំ​បាក់តេរី ២ ប្រភេទ​ឲ្យ​គ្នា​យើង​បាន​ស្គាល់ នោះ​គឺ Prebiotics និង Probiotics។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គ្រប់​បាក់តេរី មិន​មែន​សុទ្ធ​តែ​អាក្រក់​ទេ បាក់តេរី​ទាំង​ពីរ​ប្រភេទ​នេះ មាន​សារៈ​សំខាន់​ណាស់​សម្រាប់​ជំនួយ​រាងកាយ​មនុស្ស ជា​ពិសេស​អូន​តូចៗ។ កុំ​ឲ្យ​ឆ្ងល់​ច្រើន អាន​អត្ថបទ​នេះ​​នឹង​ដឹង​ហើយ។

១- តើ Prebiotics និង Probiotics ជាអ្វី?
Probiotics ជា​បាក់តេរី​ល្អ​ជួយ​ប្រយុទ្ធ​ប្រឆាំង​ការ​រីក​លូតលាស់​នៃ​បាក់តេរី​អាក្រក់​នៅ​ក្នុង​ពោះវៀន​មនុស្ស ឯ Prebiotics ទម្រង់​ពិសេស​មួយ​នៃ​កាបូអ៊ីដ្រាត ជា​អាហារ​សម្រាប់ Probiotics។ ហេតុ​នេះ​បើ​គ្មាន Prebiotics ទេ នោះ Probiotics ក៏​មិន​អាច​រស់រាន​បាន​ដែរ ដោយ​សារ​តែ​គ្មាន​ថាមពល និង​អាហារ​បំប៉ន​គ្រប់​គ្រាន់។
ការ​សិក្សា​មួយ​របស់​សាកល​វិទ្យាល័យ Reading ចក្រភព​អង់គ្លេស ធ្វើ​ឡើង​តាម​រយៈ​បែងចែក​បុរស ៨ នាក់ជា ២ ក្រុម ដោយ​ចែក​របប​អាហារ​ជា​ពពួក Probiotics ទៅ​ក្រុម​ទី១​ និង​របប​អាហារ Prebiotics ទៅ​ក្រុម​ទី២ និង​ពិនិត្យ​លាមក​​ជា​រៀងរាល់​ថ្ងៃ​ដើម្បី​រក​មើល​ការ​ផ្លាស់​ប្ដូរ​នៃ​ចំនួន​បាក់តេរី​ល្អ។

ជា​លទ្ធផល​រក​ឃើញ​ថា ក្រុមទី២​ដែលញ៉ាំរបប​អាហារ​ពពួក Prebiotics សម្បូរ​ទៅ​ដោយ​បាក់តេរី​ល្អ​ច្រើន ខណៈ​ក្រុម​ទី១ ឃើញ​មាន​បាក់តេរី​ល្អ​តិច​តួច​ប៉ុណ្ណោះ ជា​ហេតុ​នាំ​ឲ្យ​គ្រូពេទ្យ និង​អ្នក​ឯកទេស​ខាង​ផ្នែក​សុខភាព​គាំទ្រ​របប​អាហារ​ពពួក Probiotics និង Prebiotics ព្រោះ​មាន​សារៈ​សំខាន់​ដូច​គ្នា​សម្រាប់​សុខភាព​ពោះវៀន។

២- តើពពួកអាហារសម្បូរសារធាតុ Prebiotics មានអ្វីខ្លះ?
Prebiotics មាន​ច្រើន​ប្រភេទ ប៉ុន្តែ​ការ​សិក្សា​ភាគ​ច្រើន​ផ្តោត​លើ​តែ ៣ ប្រភេទ​ធំៗ​ប៉ុណ្ណោះ​រួម​មាន៖
– ប្រភេទ Inulin មាន​ក្នុង​ខ្ទឹមស សារាយ ខ្ទឹម​បារាំង និង​ដើម​ខ្ទឹម។
– ប្រភេទ Fructooligosaccharides (Oligofructose ឬ FOS) សម្បូរ​ក្នុង​ផ្លែ​ប៊ើរី សារាយ​សមុទ្រ ផ្លែ​ចេក ខ្ទឹម​បារាំង និង​ខ្ទឹមស។
– ប្រភេទ Galactooligosaccharides (Oligogalactos ឬ GOS) សម្បូរ​ក្នុង​ពពួក​សណ្តែក ដូចជា សណ្ដែក​ខៀវ សណ្តែក​ហោឡាំតាវ ជាដើម។
ក្រៅ​ពី​នេះ Prebiotics ក៏គេ​​ឃើញ​មាន​នៅ​ក្នុង​គ្រាប់​ធញ្ញជាតិ និង​ទឹក​ដោះ​ម្តាយ​ផង​ដែរ ជា​ហេតុ​បំបៅ​អូនៗ​ដោយ​ទឹកដោះ​ម៉ាក់ៗ មាន​សារៈ​សំខាន់​ណាស់​ជួយ​ដល់​ប្រពន្ធ័​រំលាយ​អាហារ​របស់​អូនៗ៕

អត្ថបទផ្តល់ដោយ៖ Hello Krupet

ចុចអាន៖

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១១ ម៉ោង មុន

ឃុំខ្សាយខ មានកុមារអាយុក្រោម ២ ឆ្នាំ និងស្ត្រីមានផ្ទៃពោះ គ្រួសារស្លាប់ដោយកូវីដ-១៩ បន្តទទួលសាច់ប្រាក់រាជរដ្ឋាភិបាល

ព័ត៌មានជាតិ១៤ ម៉ោង មុន

ចាប់ខ្លួនស្រ្តីម្នាក់ តាមដីកាបង្គាប់របស់តុលាការ ហើយនៅតេស្ដរកឃើញ វិជ្ជមានកូវីដ-១៩

ព័ត៌មានអន្ដរជាតិ១៤ ម៉ោង មុន

កូរ៉េខាងត្បូង ជួបសីតុណ្ហភាពត្រជាក់បំផុតក្នុងរយៈពេល ៦៤ ឆ្នាំ តំបន់ខ្លះធ្លាក់ចុះដល់ក្រោមសូន្យ

ព័ត៌មានជាតិ១៤ ម៉ោង មុន

ក្រសួងសុខាភិបាល បង្ហាញបញ្ជីឈ្មោះសណ្ឋាគារចំនួន ៥ សម្រាប់អ្នកដំណើរកក់ធ្វើចត្តាឡីស័ក

ចរាចរណ៍១៥ ម៉ោង មុន

សមត្ថកិច្ច បញ្ជូនបុរសម្នាក់ទៅតុលាការ ក្រោយបើករថយន្តបុករះ បណ្តាលឲ្យមនុស្ស ៣ស្លាប់ និង៣នាក់ទៀតរងរបួស

Sokha Hotels

ព័ត៌មានពេញនិយម

Helistar Cambodia - Helicopter Charter Services