ព័ត៌មានអន្ដរជាតិ
យូនីសេហ្វ ៖ ប្រទេស ៧ នៅអាស៊ានចរាចរអាហារកុមារមានជាតិស្ករ អំបិលកម្រិតខ្ពស់
កុមារក្នុងតំបន់អាស៊ាន ប្រឈមសុខភាពខ្លាំងទៅនឹងបរិមាណលើសកំណត់នៃជាតិស្ករ និងអំបិលនៅក្នុងប្រភេទផលិតផលអាហារសម្រាប់កុមារ ។ នេះបើតាមការបើកបង្ហាញនៃការសិក្សារបស់អង្គការមូលនិធិសម្រាប់កុមារ យូនីសេហ្វ (UNICEF) ។
![](https://www.kampucheathmey.com/wp-content/uploads/2024/01/Kids.png)
អង្គការអន្តរជាតិមួយនេះបានសិក្សាទៅលើផលិតផលអាហារធញ្ញជាតិ អាហារកិន អាហារកញ្ចប់ និងអាហារឆ្អិនស្រេចសម្រាប់ញ៉ាំចំនួន ១,៦០០ ប្រភេទផ្សេងគ្នា ដែលបានចរាចរក្នុងទីផ្សារសម្រាប់កុមារទូទាំង ៧ ប្រទេសនៅតំបន់អាស៊ាន ដោយមិនរាប់ប្រទេសមីយ៉ាន់ម៉ា ព្រុយណេ និងសិង្ហបុរី ។
ជាលទ្ធផលបង្ហាញថា មានជាតិស្ករ និងអំបិលក្នុងកម្រិតខ្ពស់ លើប្រភេទផលិតផលអាហារសម្រាប់កុមារពីអាយុ ៦ ខែ ទៅ ៣ ឆ្នាំ ខណៈការសិក្សាដដែលនោះក៏បានរកឃើញដែរថា មានផលិតផលអាហារកញ្ចប់ ៤៤% មានបន្ថែមសារធាតុធ្វើឲ្យផ្អែម ក្នុងនោះមានរាប់បញ្ចូលទាំងអាហារធ្វើដោយដៃ ៧២% និងប្រភេទផលិតផលអាហារធញ្ញជាតិ និងបបរកុមារ ៣៧% ហើយករណីនេះក៏មានដូចគ្នាផងដែរ ទៅលើសមាសធាតុសូដ្យូម (អំបិល) ។
![](https://www.kampucheathmey.com/wp-content/uploads/2024/01/Kids1.jpg)
លទ្ធផលនេះ បានបង្ហាញជាសញ្ញាគួរឲ្យបារម្ភទៅលើទីផ្សារលក់យ៉ាងទូលំទូលាយនៃអាហារកុមារ ដែលត្រូវជំរុញលើការត្រួតពិនិត្យមើលរូបមន្តផលិត និងច្បាប់ទៅលើផលិតផលទាំងនោះ ទន្ទឹមនឹងពេលដែលប្រទេសក្នុងតំបន់ទាំងនោះ មានកង្វះខាតលើច្បាប់បង្ការការពារការបន្ថែមសមាសធាតុស្ករ និងអំបិលទៅលើអាហារកុមារ ក៏ដូចជាបញ្ហាយុទ្ធសាស្រ្តទីផ្សារដែលកេងបន្លំដាក់ថាមានសារធាតុបំប៉នទ្រទ្រង់នៅក្នុងផលិតផលជាដើម ។
យោងតាមអង្គការកុមារយូណីសេហ្វ ផលិតផលកុមារជិត៩០% មានដាក់ស្លាកបង្ហាញថាមានសមាសធាតុបំប៉ន ឬជីវជាតិចិញ្ចឹម ។ ភាគច្រើនផលិតផលទាំងនោះ ដាក់បន្លំខុសការពិត មានដូចជា “ផលិតផលធម្មជាតិសុទ្ធ” “ប្រភពវីតាមីនល្អៗ” ឬ ”គ្មានបន្ថែមសារធាតុគីមីបន្ថែមរសជាតិ” ជាដើម ។
![](https://www.kampucheathmey.com/wp-content/uploads/2024/01/Kids3.webp)
”សារធាតុទ្រទ្រង់មិនល្អ នាំឲ្យកើនហានិភ័យដល់ការលូតលាស់ ជំងឺដង្កាត់ផ្សេងៗ ដែលនឹងធ្វើឲ្យមានការចំណាយច្រើនទៅលើកុមារ និងគ្រួសារ មិនតែប៉ុណ្ណោះ គឺប្រព័ន្ធសុខាភិបាល ទាំងសេដ្ឋកិច្ចទាំងមូលទៀតផង” ។ នេះបើតាមលើកឡើងរបស់ លោកស្រី Debora Comini ប្រធានអង្គការយូណីសេហ្វ ប្រចាំនៅតំបន់អាស៊ី-ប៉ាស៊ីហ្វិក ។
គួររំឭកថា នៅតំបន់អាស៊ាន ផលិតផលអាហារកុមារ ដែលភាគច្រើនគ្មានជីវជាតិពីធម្មជាតិនោះ បានក្លាយជាផ្នែកមួយក្នុងរបបអាហាររបស់កុមារ ខណៈម្តាយជាអ្នកថែទាំកុមារ ៧៩% ដែលរស់នៅទីប្រជុំជន បានរាយការណ៍ថា ប្រើប្រាស់ផលិតផលទាំងនោះក្នុងរបបអាហារប្រចាំថ្ងៃរបស់កូនៗពួកគេ ហើយស្របទៅនឹងកំណើនក្នុងរយៈពេល ៥ ឆ្នាំចុងក្រោយនេះ ដែលផលិតផលអាហារកុមារនៅអាស៊ានបានកើនឡើងថេរប្រមាណ ៤៥% ៕
![](https://www.kampucheathmey.com/wp-content/uploads/2024/01/Kids2.jpg)
ដោយ៖ មាន រតនា
-
សន្តិសុខសង្គម៥ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+១ សប្តាហ៍ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៥ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៥ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៤ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៥ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+២ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ