សុខភាព
ស្លៀកឈុតកៅស៊ូហាត់ប្រាណ ពិតជាជួយដុតកាឡូរីបានច្រើន?
គ្នាយើងមួយចំនួន ព្រោះតែចង់សម្រកទម្ងន់បានរាងស្អាត ខំប្រឹងហាត់ប្រាណផង តមអាហារផង និងខ្លះទៀត ស្លៀកឈុតកៅស៊ូហាត់ប្រាណផង ដើម្បីឲ្យបែកញើសខ្លាំងអាចដុតជាតិខ្លាញ់ក្នុងខ្លួនបានច្រើន។ ផ្ទុយទៅវិញ ការស្លៀកឈុតកៅស៊ូហាត់ប្រាណ មានស្ថាប័នខ្លះអះអាងថាគ្រាន់តែធ្វើឲ្យយើងចេញញើសច្រើន តែមិនជួយរំលាយកាឡូរីមានក្នុងខ្លួនយើងឡើយ។
មនុស្សភាគច្រើនស្លៀកឈុតកៅស៊ូហាត់ប្រាណ ដោយគិតថាវាជួយឲ្យយើងស្រកទម្ងន់បានលឿន។ យើងពិតជាអាចស្រកទម្ងន់បាន ប៉ុន្តែការសម្រកទម្ងន់ភាគច្រើនបណ្ដាលមកពីញើស ហើយទម្ងន់នោះនឹងត្រូវជំនួសវិញភ្លាមៗនៅពេលយើងផឹកទឹកពីរ-បីកែវ។ កីឡាករអាជីពខ្លះដែលត្រូវបំពេញតាមការកំណត់ទម្ងន់ជាក់លាក់ណាមួយដូចជា អ្នកប្រដាល់អាចប្រើឈុតទាំងនេះ ដើម្បីជួយសម្រកទម្ងន់បានយ៉ាងឆាប់រហ័ស។ ប៉ុន្តែ ការស្លៀកឈុតកៅស៊ូហាត់ប្រាណ មិនជួយដុតកាឡូរីនៅក្នុងខ្លួនទេ វាគ្រាន់តែធ្វើឲ្យយើងបែកញើសខ្លាំងតែប៉ុណ្ណោះ។
ការស្រកទម្ងន់ដោយសារការបាត់បង់ជាតិទឹកច្រើន មិនពាក់ព័ន្ធនឹងការដុតបរិមាណជាតិខ្លាញ់ក្នុងរាងកាយយើងទេ ហើយតាមពិតទៅវាអាចបង្កគ្រោះថ្នាក់វិញ។ យោងតាម American Heart Association ឲ្យដឹងថា ហានិភ័យជំងឺសរសៃឈាមបេះដូងកើនឡើងនៅពេលសំណើមរាងកាយឡើងលើស៧០% ប៉ុន្តែប្រសិនបើយើងស្លៀកឈុតកៅស៊ូហាត់ប្រាណ សំណើមដែលចេញពីរាងកាយយើងក្នុងឈុតនោះមានប្រហែល១០០% មានន័យថា ស្លៀកឈុតកៅស៊ូហាត់ប្រាណកាន់តែបង្កើនហានិភ័យជំងឺសរសៃឈាមបេះដូង។
ហានិភ័យផ្សេងទៀត ដែលទាក់ទងនឹងការស្លៀកឈុតកៅស៊ូហាត់ប្រាណ គឺបញ្ហាខ្វះជាតិទឹក និងការឡើងកម្ដៅរាងកាយ។ គ្នាយើងត្រូវដឹងថា ការស្រកទម្ងន់គឺអាស្រ័យលើបរិមាណកាឡូរីដែលបានដុតច្រើនជាងបរិមាណកាឡូរីដែលយើងញ៉ាំចូលទៅ។ ការស្លៀកឈុតកៅស៊ូហាត់ប្រាណ មិនជួយឲ្យយើងស្រកជាតិខ្លាញ់ក្នុងរាងកាយទេ ថែមទាំងអាចបង្កជាដល់សុខភាពថែមទៀត ហេតុនេះពេលហាត់ប្រាណ គ្នាយើងគួរស្លៀកពាក់ស្ដើងៗ ដែលខ្យល់អាចចេញចូលបានស្រួល និងគួរហាត់ប្រាណនៅក្រោមម្លប់ត្រជាក់ល្អ ចៀសវាងហាត់ប្រាណក្រោមកម្ដៅថ្ងៃ៕
អត្ថបទផ្ដល់សិទ្ធិ៖ Hello គ្រូពេទ្យ
ចុចអាន៖ រត់ហាត់ប្រាណរបៀបនេះ អាចជួយដុតកាឡូរីបានកាន់តែច្រើន
ចុចអាន៖ ចូលចិត្តហាត់ប្រាណ ខួរក្បាលកាន់តែរហ័ស វាងវៃ ចងចាំបានល្អ
-
ព័ត៌មានជាតិ៣ ថ្ងៃ agoផ្លូវជាតិថ្មីកាត់ពីខេត្តបាត់ដំបងទៅខេត្តសៀមរាប និង ផ្លូវជាតិលេខ ៦០បេ កំពុងជំរុញឈានទៅបើកការដ្ឋានសាងសង់នៅពេលខាងមុខ
-
ចរាចរណ៍៣ ថ្ងៃ agoករណីគ្រោះថ្នាក់រថយន្ដដឹកកម្មកររោងចក្រនៅកំពង់ឆ្នាំង និងស្វាយរៀង មានជនរងគ្រោះស្លាប់សរុប ១៣នាក់ និងរបួសធ្ងន់ស្រាលជាង៣០នាក់
-
សេដ្ឋកិច្ច៥ ថ្ងៃ agoអគារប្រណីតពន្ធដារថ្មី ដាក់ឱ្យប្រើប្រាស់នៅថ្ងៃនេះ
-
ព័ត៌មានអន្ដរជាតិ៥ ថ្ងៃ agoសុខភាពបុត្រីស្ដេចថៃ ធ្លាក់ចុះដុនដាបខ្លាំង ដោយសារការឆ្លងមេរោគធ្ងន់ធ្ងរ
-
ព័ត៌មានជាតិ៣ ថ្ងៃ agoអភិបាលខេត្ត និងតំណាងរាស្ត្រ ចុះពិនិត្យដល់ទីតាំងភ្លាមៗក្រោយមានគ្រោះថ្នាក់ចរាចរណ៍នៅស្រុកកំពង់ត្រឡាច
-
ព័ត៌មានអន្ដរជាតិ៣ ថ្ងៃ agoអាមេរិក ជំរុញឱ្យសម្ព័ន្ធមិត្តណាតូ ជួយរួមដៃគ្នាបញ្ចប់សង្គ្រាមអ៊ីរ៉ង់
-
ព័ត៌មានជាតិ១ សប្តាហ៍ agoអាជ្ញាធរជាតិអប្សរា ប្រើពេល៦ខែ ជួសជុលកំពង់ទឹកនៅលើទំនប់ខាងលិចបារាយណ៍យសោធរតដាក ឱ្យរឹងមាំឡើងវិញ
-
ព័ត៌មានអន្ដរជាតិ១ សប្តាហ៍ agoអាជ្ញាធរចិន ដាក់ក្រុមហ៊ុនថៃនាំចេញសាច់មាន់១៧ ក្នុង«បញ្ជីខ្មៅ»