សុខភាព

ខែវិច្ឆិកា ឆ្នាំនេះ មន្ទីរពេទ្យគន្ធបុប្ផា ពិនិត្យព្យាបាលជំងឺកុមារជាង ៨ ម៉ឺននាក់

បានផុស

៣ years មុន

នៅ

ថ្ងៃពុធ ៦ ធ្នូ ២០២៣

ដោយ

នៅក្នុងខែវិច្ឆិកា ឆ្នាំ ២០២៣ នេះ មន្ទីរពេទ្យគន្ធបុប្ផា បានពិនិត្យព្យាបាលជំងឺដល់កុមារចំនួន ៨៣ ៣៥៥ នាក់ និងកុមារមានជំងឺធ្ងន់ធ្ងរ ១៥ ៥៣២ នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមព័ត៌មានពិត នៃតួលេខ ក្នុងខែវិច្ឆិកា ឆ្នាំ ២០២៣ នៅមន្ទីរពេទ្យគន្ធបុប្ផា ដែលបានចុះផ្សាយ កាលពីថ្ងៃទី ០៤ ធ្នូ កន្លងទៅ បានឲ្យដឹងថា កុមារឈឺ ចំនួន ៨៣ ៣៥៥ នាក់ ត្រូវបានពិនិត្យព្យាបាលក្នុងផ្នែកពិគ្រោះជំងឺក្រៅ។ ចំណែកកុមារមានជំងឺធ្ងន់ៗ ចំនួន ១៥ ៥៣២ នាក់ បានដាក់ឲ្យសម្រាកព្យាបាលនៅក្នុងមន្ទីរពេទ្យ។ ចំពោះកុមារមានជំងឺគ្រុនឈាម ចំនួន ១ ៧៤៩ នាក់ បានព្យាបាលនៅក្នុងមន្ទីរពេទ្យ និងកុមារ ២ ៥៥២ នាក់ ត្រូវបានទទួលការវះកាត់។ ហើយកុមារវះកាត់បេះដូង និងភ្ជិតប្រហោងបេះដូងតាមសរសៃឈាម នៅមន្ទីរពេទ្យគន្ធបុប្ផាភ្នំពេញ និងសៀមរាបមាន ចំនួន ១១៣ នាក់។

ដោយឡែកនៅផ្នែកសម្ភព នៃមន្ទីរពេទ្យជ័យវរ្ម័នទី ៧ (គន្ធបុប្ផាទី ៣) ស្ត្រីមានផ្ទៃពោះចំនួន ៨ ៧៣០ នាក់ បានមកពិនិត្យតាមដានផ្ទៃពោះ និងព្យាបាលនៅក្នុងផ្នែកពិគ្រោះជំងឺក្រៅ នៃមន្ទីរសម្ភព និងសម្រាលកូនបានចំនួន ២ ០៥៩ នាក់។