ព័ត៌មានអន្ដរជាតិ
កុមារនៅហ្គាហ្សា ខ្វះអាហារូបត្ថម្ភខ្លាំងឡើងៗ កំពុងគំរាមកំហែងធ្ងន់ធ្ងរ ដល់អាយុជីវិត
មូលនិធិកុមាររបស់អង្គការសហប្រជាជាតិ (UNICEF) បាននិយាយនៅថ្ងៃអង្គារទី២០ខែកុម្ភៈថា កង្វះអាហារូបត្ថម្ភកាន់តែធ្ងន់ធ្ងរឡើងៗក្នុងចំណោមកុមារ ស្ត្រីមានផ្ទៃពោះ និងស្រ្តីបំបៅកូនដោយទឹកដោះ នៅតំបន់ហ្គាហ្សាស្ទ្រីប កំពុងគំរាមកំហែងយ៉ាងធ្ងន់ធ្ងរដល់អាយុជីវិតរបស់ពួកគេ។
![](https://www.kampucheathmey.com/wp-content/uploads/2024/02/image-1077-1024x640.png)
នៅក្នុងសេចក្តីថ្លែងការណ៍នោះ UNICEF និយាយថា “ខណៈជម្លោះនៅតំបន់ហ្គាហ្សាស្ទ្រីបបានឈានចូលដល់សប្តាហ៍ទី២០ហើយនោះ អាហារនិងទឹកសុវត្ថិភាព បែរជាខ្វះខាតមិនគួរឲ្យជឿ ហើយជំងឺក៏សម្បូរដែរ ដោយបង្កជាប៉ះពាល់ដល់អាហារូបត្ថម្ភនិងភាពស៊ាំរបស់កុមារ រួចបណ្តាលឲ្យមានការកើនឡើងនៃកង្វះអាហារូបត្ថម្ភយ៉ាងធ្ងន់ធ្ងរជាទីបំផុត”។
ស្ថានការណ៍នេះ គឺត្រូវបានគេមើលឃើញថា ធ្ងន់ធ្ងរខ្លាំងមែនទែននៅភាគខាងជើង ដែលទីនោះ មានកុមារអាយុក្រោម២ឆ្នាំម្នាក់ក្នុងចំណោម៦នាក់ កំពុងខ្វះអាហារូបត្ថម្ភយ៉ាងធ្ងន់ធ្ងរ។
![](https://www.kampucheathmey.com/wp-content/uploads/2024/02/image-1078-1024x683.png)
មិនត្រឹមប៉ុណ្ណឹង ស្ថានភាពនៅភាគខាងត្បូងតំបន់ហ្គាហ្សា ក៏មិនខុសអីពីភាគខាងជើងដែរ បន្ទាប់ពីគេរកឃើញថា កុមារអាយុក្រោម២ឆ្នាំ ប្រមាណ៥% កំពុងខ្វះអាហារូបត្ថម្ភធ្ងន់ធ្ងរ។
សេចក្តីថ្លែងការណ៍ដដែលបន្តថា “នេះគឺជាព័ស្តុតាងច្បាស់ៗថា ការទទួលបានជំនួយមនុស្សធម៌គឺពិតជាចាំបាច់បំផុត និងអាចជួយការពារលទ្ធផលអាក្រក់ណាមួយបាន”។
![](https://www.kampucheathmey.com/wp-content/uploads/2024/02/image-1079.png)
ស្របពេលជាមួយគ្នានោះ តាមការអះអាងពីនាយកប្រតិបត្តិរងនៃអង្គការ UNICEF ទទួលបន្ទុកសកម្មភាពមនុស្សធម៌និងប្រតិបត្តិការផ្គត់ផ្គង់ លោក Ted Chaiban, “ប្រសិនបើជម្លោះមិនបញ្ចប់នៅពេលនេះទេ អាហារូបត្ថម្ភរបស់កុមារនឹងបន្តធ្លាក់ចុះ ដែលនាំទៅដល់ការស្លាប់ ឬបញ្ហាសុខភាពដែលនឹងប៉ះពាល់ដល់កុមារនៃតំបន់ហ្គាហ្សាអស់មួយជីវិត និងមានផលវិបាកជាបន្តបន្ទាប់ទៀត”។
សូមជម្រាបជាថ្មី អ៊ីស្រាអែល បានចាប់ផ្តើមវាយលុកជ្រោយហ្គាហ្សា បន្ទាប់ពីការវាយប្រហារដោយក្រុមហាម៉ាសប៉ាឡេស្ទីនកាលពីថ្ងៃទី៧ខែតុលា។ ការទម្លាក់គ្រាប់បែកមិនប្រណីដៃរបស់អ៊ីស្រាអែល បានសម្លាប់មនុស្សជិត៣០០០០នាក់ និងរបួសជិត ៧០០០០នាក់ ថែមទាំងបំផ្លាញហេដ្ឋារចនាសម្ព័ន្ធតំបន់នេះ ឲ្យរាបដូចកន្ទេលផងដែរ៕
អត្ថបទ៖ សុខ សុវណ្ណ
ចុចអាន៖ មួយថ្ងៃ កុមារប៉ាឡេស្ទីនជាង១០នាក់ ត្រូវពិការជើង ហើយវះកាត់ទាំងមិនចាក់ថ្នាំស្ពឹកទៀត
-
សន្តិសុខសង្គម៧ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
សន្តិសុខសង្គម៧ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៧ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៦ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៧ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+៤ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
សេដ្ឋកិច្ច៣ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
ព័ត៌មានជាតិ១ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ