សុខភាព
កុមារាអាយុ ៦ ខែម្នាក់ មានជំងឺផ្លូវដង្ហើមធ្ងន់ធ្ងរ បានគ្រូពេទ្យគន្ធបុប្ផាសង្គ្រោះដោយជោគជ័យ
កុមារាអាយុត្រឹម ៦ ខែម្នាក់ បានរស់រានមានជីវិត ក្រោយទទួលការសង្គ្រោះជោគជ័យពីក្រុមគ្រូពេទ្យគន្ធបុប្ផាទី ៣ ដែលកុមាររូបនោះ មានជំងឺផ្លូវដង្ហើមធ្ងន់ធ្ងរ។
ក្មេងប្រុសអាយុ៦ខែមកពីខេត្តបាត់ដំបង រងគ្រោះដោយវិបត្តិផ្លូវដង្ហើមយ៉ាងធ្ងន់ធ្ងរបង្កទ្បើង ដោយសរសៃឈាមក្រហមធំដុះបែកជាពីរខុសប្រក្រតី ដែលរុំព័ទ្ធ និងសង្កត់យ៉ាងខ្លាំងទៅលើបំពង់ខ្យល់និងបំពង់អារហារ (Double aortic arch causing severe tracheoesophageal compression).
ក្រោមកិច្ចសហការពីក្រុមគ្រូពេទ្យឯកទេសសង្គ្រោះបន្ទាន់គ្រូពេទ្យឯកទេសរូបភាពសាស្ត្រ និងក្រុមគ្រូពេទ្យឯកទេសវះកាត់បេះដូងសរសៃឈាម យើងបានជួយសង្គ្រោះជីវិតកុមារនេះ ដោយជោគជ័យ និងទាន់ពេលវេលា។ សូមបញ្ជាក់ថា នេះជាករណីកម្រមួយ វាមានការពិបាកក្នុងការសង្គ្រោះ និងធ្វើរោគវិនិច្ឆ័យណាស់។ ប្រសិនបើយើងគ្មានម៉ាស៊ីនជំនួយផ្លូវដង្ហើម និងម៉ាស៊ីនថតឆ្លុះសរសៃឈាមបេះដូងយ៉ាងទំនើបនោះទេ កុមារនេះប្រហែលជាគ្មានឱកាសរស់រានមានជីវិតនោះទ្បើយ។
សូមអរគុណ និងកោតសរសើរចំពោះការខិតខំបំពេញភារកិច្ចជារៀងរាល់ថ្ងៃ ដើម្បីសង្គ្រោះកុមារកម្ពុជាពីសំណាក់ក្រុមគ្រូពេទ្យជំនាញរបស់យើងនៅមន្ទីរពេទ្យជ័យវរ្ម័នទី៧ (គន្ធបុប្ផាទី៣)។ រាល់ការព្យាបាលទាំងអស់ គឺឥតគិតថ្លៃ សម្រាប់គ្រប់ៗគ្នា ដោយគ្មានការរើសអើង រាល់ការបរិច្ចាគតូចឬធំ គឺពិតជាបានជួយព្យាបាល សង្គ្រោះ និងការពារជីវិត អរគុណគន្ធបុប្ផា អរគុណមូលនិធិគន្ធបុប្ផាកម្ពុជា-មូលនិធិគន្ធបុប្ផាស្វីស តាំងពីឆ្នាំ១៩៩២៕
អត្ថបទ៖ រស្មី
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)